تجمع حوامل شهر سبتمبر واكتوبر0يعني رمضان 00حيااكم

صباح النور 000 صبحكم الله بالايمان وطااعة الرحمن

لوليتا وبنت بلادي سبقتوني اليووم:mad2:

انا تريقت خبز سلايس مع جبن وجام وكوب عصير برتقال فرررررررررريش واتغديت بعد فاااست فوود>>>ادري ما منه فايده بس مب دااقه فراسي اطبخ اليوووم:no:
لوليتا شربي كوب عصير الصبح وبتنفتح نفسج للاكل بس كلي شي خفيف وعالضحى خذيلج فاكهه لين وقت الغداا<<<<قولي حشا ريجيم قاسي

بنت بلادي ماعليج تي الدوره من قل الاكل انطلقي الى المطبخ وخبرينا شو تريقتي:smile:

لوليتا بخصوص لعطور والمكياج من زمان مقاطعتنهم بس تيني حالات عالبخووور عادي ابخر البيت اربع مرات فاليووم هههههههههههههههههه ارتاح نفسيا:up:

بيردي سلامتج الغاليه ماتشوفين شر طمنينا

صباح النور والسرور.....هلا بام فطامي

لانج تريقتي قبلنا عشان جيه تاخرتي لوووووووووولز انا صبحت ع المنتدى بلا ريوق

المهم نزلت اتريب وشربت حليب فريش ويا زنجبيل وزعفران ( احس باحتقان فالحلج) وسندويج جبن وبيضه مسلوقه....<<< بس بعدني شكلي بيوووووووع

لوليتا كلنا على هل الحال قبل الحمل كنت كل يوم اتعدل واتعطر وادخن وادخن القسم ....كاني عروس بس الحين ماتعطر الا فاليوم مره مرات لا واتعدل بعد مووووووت وغير هذا اخاف من البخور لان وحده من قريباتي قالت لي انا وحده اجهضت فالشهر الثاني بسبب الدخون ومن هذاك الوقت اخاف ادخن الغرفه وايد ....:) بس اعتقد احين مافيه ضرر

صباح الخير خواتي الحوامل الله يسعدكم ويثبت حملكم ويقومكم بالسلامة آآآآآمين
انا يا بنات حاسه اني انتكست ورجعت مثل اول غثيان وارق واكتئاب
واللي زاد الطين بله خدامتي آآآآآه والله اكرهها هيا طيبة وتحب بناتي لكن القصة ومافيها يابنات انا خدامتي إندونسية لها عندي سنة ونص المهم هيا لها 8 سنوات متزوجة وماجابت عيال
وانا مع الوحام اطلع وهيا تسمعني لما اروح الحمام الله يكرمكم ومرة سألتني الحامل اطلع يامدام
قلت موكل الحوامل المهم ومن ذاك اليوم جلست تقلدني تروح الحمام وتحاول اطلع وتبقى فيتامينات مثل اللي اخذهم والله يابنات ماابالغ والله قرفتني خاصمتها مافي فايده تقولي انا تعبان اقولها يالله المستشفى تقول لا ان شاء الله اطيب لما اخذ دواء
لما علمت زوجي جلس يخاصمها ويهددها بالسفر ويقولها انتي مريضة مانبغاك لكن كمان مافي فايده
والله اني صابره عليها لاني في أمس الحاجه لوحده تساعدني في هذي الفتره

يا بـــــنــــات قولولي وش الحل وش اسوي معها
معليش غثيتكم بكلامي الكثير لكن مالي غير الله ثم انتم افضفضلكم

ههههههههههههههههه.. و الله ضحكتيني يا نورهان

مالت عليها

طيب وديها الطبيبة غصب عنها

هي زوجها وياها و لا بروحها في السعودية؟؟؟

يعني ممكن تكون حامل و لا تغار منج بس و تسوي حركات

صراحة الله لا يحرمها و يعطيها اذا تبا عيال بس كمان هيي تريد راحة بهالفترة لو طلعت حامل و لازم تيبين وحدة غيرها

ولو طلع كله تمثيل بتمثيل واستمرت تسوي هالحركات احس انج لازم تغيرينها

يعني انتي ما تعرفين شو البييئة الي هيي كانت عايشة فيها وشو تربيتها.. ما اقصد اخوفج بس الي يغار ممكن يسوي اي شي

و مثل ما قلتلج انتي ما تعرفين هيي شو نفسيتها و شو تفكر يمكن تطلع معقدة و لا فيه الشي

الله يستر عليها و علينا

السلام عليكن يا حريمات لوول،،،

بيردي ،، ما تشوفين شر وان شاء الله خير انتي راجعي وطمنينا

اغتراب ،، الاكتئاب طبيعي صبري شوي وبتشوفين انا كنت ما احب لا اتعدل ولا اتعطر اتسبح بس ما احط بودي لوشن ولا شئ

بس الحين شو تيني هفات عادي ايلس اتمكيج والبس واتكشخ تقولين بسير عرس ريلي وحليله بدا يخاف علي من الخبال

لوليتا ،، انا توني ماكله خبز اسمر وجبنه وشاربه حليب والله غاصبه عمري غصب لاني مب متعوده اتريق. وما خبرتج سرت عند

الدكتورة وسالتها عن الاكل في الشهر الرابع قالت كل شئ يتم طبيعي بس قالت لي يوم ورا يوم لازم نزيد كميه الماي وقالت لي عقب

بتقولي شو ممكن ازيد من الاكل بس مب الحين.

بنت بلادي ،، بالعافيه عليج والحين حوطي في المنتدى مثل ما تبين لوول

ام فطامي ،، شكلنا نحن الهنتين على نفس مستوى الخبال انتي طايحه تدخنين البيت وانا طايحه بالمكياج الله يستر من الياي

نورهان ،،، لو انا مكانج سفرتها ويبت غيرها ما اتحمل الخدامه تغايظ لو دقيقه والله يعينج عليها

الا لاني وينها ما بينت اليوم؟؟؟

لا يأخت lolyta زوجها مو معها في بلادها وهي كانت تشتكي اول تقول زوجي مايبغاني احمل
بس تصدقين انا لاحظت عليها من اول انها تغار يعني لوجبت لبناتي الصغار مثلا عباية حقت فله تقول وانا يامدام ابغى عباية فله المهم كانت تبقى مثل بناتي في كل شي الحين نسيت بناتي وقمت تقلدني والله انها اكبر مني عمرها 30 سنة
والله يا أخت endless hope فكرت انا وزوجي ان سفرها لكن عندنا في السعودية تطلع روحك على بال ماتجيك شغالة ثانية
الله المستعان

احس الايام تمشي ببطئ كبييييييييييييييييييير

مليت من الشهر الثالث

والله واااايد طوييييييل

نفسي اغمض عين و افتح عين الاقي بطني كبر و اعرف جنس البيبي

مساء الورد ياحوامل ياحلى حوامل في احلى منتدى ..
اخباركم انشالله تمام ؟ نورهان حبيبتي تحملي من خدامتج باين عليها مب صاحيه اخاف لتسوي فبنات شي بسم الله عليهم ..افتكي منها واول مايخف وحامج قدميلج على وحده ثانيه وعقب سفريها وارتاحي ..
كنت متضايقه واااااااااااايد اول الصبح لان نفسيتي كانت زفت وتهاوشت مع ريلي احس اني مب طايقته بس الحمدالله صلحت الامور وتعوذت من بليس وفي الدوام انشغلت مع الشغل ...
وبصراحه سوالفكم ياحلى حوامل اتوسع صدر الوحده اشوي واتنسيها همومها

بنات هلا شخباركم... بنات هل الم تحت في جهة اليسار عادي بالحمل او هو دليل على حمل خارج المهبل؟

بنات هلا شخباركم... بنات هل الم تحت في جهة اليسار عادي بالحمل او هو دليل على حمل خارج المهبل؟

نورهان

بصراحه يا نورهان تعجبت من خدامتج اوكي ليش ماتقدمين ع خدامه ثانيه واستحملي اللي عندج لين ماتي...:)

الحمدلله انا ماعندي اطفال حاليا عشان احتاج خدامه بس الله يستر ع السنيين اليايه ...


endless hope

الله يعافيييج الغلا

يا عرايس ابا اسألكم عن حركة الجنيين اللي عرفته من مواضيع بعض الاخوات انه الحامل يوم تكون نايمه ع ظهرها تحس بحركة تحت البطن....

ابا اعرف حركة الجنين تكون يوميا او بين فتره وفتره
واذا تحرك معقوله يتحرك 3 مرات فنفس الوقت

لاني حسيت بحركه غيربه مثل النبض تحت البطن ثلاث مرات ورا بعض وانا قاعدة بعد حسيت بنفس الحركه مرتيين يا ترى هذي حركه الجنيين ولا انا اتوهم ....

:)

بعدني ما وصلت للشهر الرابع يا بنت بلادي، ان شاء الله البنات يفيدوكي

بنت البحرين: الالم يختلف من حمل للثانية .. مش الكل نفس الشي

هلا بنات

الله يبارك فيكم ام فطامي وبنت ابلادي

قوارير انا راجع عن د. زينب وبفتح الحين ملف في الوصل قريب سويت التحاليل بس ناقص اخذ موعد عشان فتح الملف التحاليل اتسوينهم في العيادة اللي قريبه من بيتكم .. بس شكله وايد زحمه عندهم من اسبوع اتريا ياخذولي موعد

سلام يا بنات

انا اليوم جيت متأخرة عالمنتدى عشان هيك ما قادرة ألحق أقرأ اللي فاتني ههههه

لكن على العموم بسلم عليكم كلكم واحدة واحدة وان شاء الله كلكم طيبات و صحتكم منيحة :)

بالنسبة للأكل ما قادرة آكل الشهية عندي معدومة بالرغم انه ما في لوعة ولا شي

:)

يلا أحسن :)

اغتراب الله يبارك فيج ومشكوره على الاهتمام

لوليتا لا تفكرين في الوقت وتحسبين الايام لانه جيه الوقت ما يعدي بسرعه طنشي عيشي يومج استمتعي غيري جو لا تعيش ايام الشهر الثالث ... طلعي سوي اي شئ اريحج ..

لوليتا

تسلمين ع الرد الغلا .....وانتظر اجوبه الاخوات ....

فساتيين

ان شاء الله بالتوفيق

انا كنت ناويه اولد فمستشفى الوصل لان هلي فدبي بس متعايزه اضرب خط للمواعيد ...لوووووولز هل المره بجرب مستشفى الكرنييش

لاني

لازم تاكلين شي لو بسيط فواكهة خضار اي شي تحبينه وع بالج كليه عشان بيبي ...:)

فساتين

الزحمه حدث ولا حرج

انا من شهر عاطيني موعد بتاريخ 17 ابريل

بس التحاليل كيف طريقتهم؟؟
متى تسوينهم يعني؟؟

هلا بنوتات شخباركم ان شاء الله كويسين ..

وشلون البيبييس ان شاء الله بصحه وعافيه ..

انا هالفتره تعبانه وعندي التهابات من تحت ومن اتحرك او اصعد درج احس اني اتعب وماقدر اتنفس مع اني اخذ حبوب حديد

وكالسيوم .. ’


واللي متعبني اكثر اني مو عارفه انا بأي شهر

دكتوره تقول لي انا اول يوم بالشهر الرابع

ودكتور ثاني مع جهاز التصوير الالتراساوند يقولون ان صار لي اسبوعين وكم يوم وانا بالرابع


والله محتاره انا حساباتي تقول ان توني اول يوم بالرابع والله اعلم ..


وحبيت اسال متى احس بحركة البيبي هالشهر ؟؟؟؟


وثااااانكس

سلااااااااااااام

بنات الاحظني بلحالي اللي اصحصح في الليل والا انتم دوامكم صباااااااحي

شكلي بصير وياكم بس المشكله مااروق واستانس الا اذا ناموا العالم

على قولت ابوي شكل اللي في بطنك بيطلع شريييييييييييييطي مايبي الناس ولا يبي الا الكرز اللي شكله انقرض يوم بغييييييييته

بنت البحرين الحمل يصير فيه اشياء غررررررررررريبه سبحان الله فلا توسوسين حبيبتي واذا مره خايفه روحي المستوصف

ايه صح قولوا لي سلامتك:pain:

انخفض عندي الضغط وطلعت لي حساسيه بجسمي بس الحمدلله عطتني مراهم وان شالله تخف

من جد انا مثلك لوليتا طفششششششششششششششششششششششششششت

من الشهر الثالث ابي الرابع

صباح الخير يا حوامل

الظاهر اليوم ما في حد غيري دش النت

يا حليلكم نايميين و لا على بالكم

سلاااااااااااام للجميع

للجديد و القديم

وطمنوني عنكم