تجمع حوامل شهر سبتمبر واكتوبر0يعني رمضان 00حيااكم

لاني : رمضان تقريبا بيجي في 24-9 يعني بكون ابنك او بنتك معاك بإذن الله و بتصومو سوى .. هههههههههههه

غادة اليم: انا عندي رصيد اجازات سنوية يعني ما بعتمد على اجازة الوضع فقط.. بس اريد اخذ الاجازة بالوقت المناسب عشان اريد اضل اكبر فترة مع البيبي

احسن شي في رمضان بالنسبة للدوام انه يقل و ما اعتقد اني بقدر اصوم

لاني رمضان الماضي تعبت وااايد من الطريق لانه مكان شغلي بعيد 45 دقيقة بالسيارة عن البيت

انا اقول مع نفسي بضل مداومة لين احس اني تعبانة و ما اقدر خلاااااااااص و بعدها بقدم اجازتي

انا عايشة في بوظبي

بالنسبه للاجازه عندنا قي قطر تبدا من يوم الوضع لمدة شهرين لكن بعض الموضفات ياخذون اجازه قبل من رصيدهم السنوي علشان يرتاحون في البيت وبعضهم يستمرون في الدوام ..
انا اعتقد اني راح اخذ اجازه قبل موعد ولاتي بأسبوع على الاقل لان طريقي من البيت لين الدوام واايد بعيد يعني تعب واااااايد ماقدر على الدرب..

الله يكون بعونكم خواتي الموظفات

احسه تعب عليكم وااايد .. عسى الله يأجركم

بصراحه انا ربة بيت ما موظفه وما عندي فكره

بس اذكر مره زوجي كان كله يعيب علي ويقولي
انتي ليش كله تعبانه ودلوعه :)
يقول عندنا موظفه بالقسم كانت امس تشتغل شغل وشايله جبل من الملفات
ويوم داوم اليوم الثاني سأل عنها لانه هو مدير القسم قالوله فلانه بالمستشفى ولدت :)

عاااد قلتله هذي مسكينه غصباً عنها بتولد .. فيه حامل تشيل ملفات هالكثر

اكيد بالعمد على شان تعجل موعد الولاده :)


وبس :)

لوليتا شكرا حبيبتي :)

بس شكلي بفطر في رمضان لأني بكون نفاس ههههههههههه :) و الله مصيبة بعدين كيف بدي أقضي كل اللي فطرته اذا اجا وقت النفاس في رمضان

:)

طبعا بالنسبة للاجازة والوظيفة زي ما انتوا عارفين انه شغلي صعب و شركتنا ما بيرحموا حدا يعني يكون عندك تقرير طبي و ما يهتموا ولا يعطوكي الاجازة

عشان هيك و بما اني كرهت الشغل هون لأنه صعب والناس و الموظفين اللي هون لئيمين لأبعد الحدود, فعشان هيك قررت اني استمر في الشغل لمدة شهر ونص شهرين يعني حتى ادخل الشهر السادس او السابع ان شاء الله وبعدين اترك الشغل

بعد ما اترك الشغل ما عارفة ايش بسوي اقعد في البيت ولا تاني ابدأ في شغل في شركة تانية

لأنه في شركة منيحة نادوني أشتغل عندهم والشغل عندهم مريح ما زي هون :)

الله يوفقك يا لاني

بس ديري بالك انك لو كنت بالشهر السابع مثلا مب كل الشركات ترضى توظف وحدة حامل بالاشهر الاخيرة

بس صدق اتمنى انك تلاقي وظيفة احسن من الي انتي فيها الحين

مرحبا يا صبايا،،

اشكر جميع اللي رحبوا فيه. ام فطامي السبب في تاخري طال عمرج هو اني كنت تعبانه من الوحام واايد بس الحين الحمدلله اقدر اشارك وانا مرتاحه. عروس الاسياد ضحكتيني سميني هوب وانا راضيه.

لوليتا الصبر زين ان شاء الله باجر تنشين من الرقاد ما فيج الا العافيه وتاكلين وتعيشين مثل قبل لوول،، وبالنسبه للدوام اقترح عليج انج اول ما تكملين اسبوع من التاسع خلي الدكتورة تكتب لج اجازة طبيه يكون ما تنحسب من رصيدج وخلي اجازتج السنويه لبعد ما تخلص اجازة الوضع.

بيردي شكرا لج على المقال،، بس وحده من اهلنا كانت في بدايه حملها وفطرت رمضان بطوله لعدم قدرتها على الصيام.

انتوا متاكدين ان رمضان اخر سبتمبر مب في بدايه اكتوبر؟ " وحده تحاتي قضاء الدين لوول"

سلام عليكم حوامل
الله يساعدكم خواتي الموظفات

بنات شنو نوع الادوية اللي تاخذونها حالياً , أمس رحت المستشفى وعطتني الدكتورة أقراص فيتامينات مع مقويات الدم (ثيراجران) في حد منكم يستعمل هالنوع من الحبوب؟؟

انا الحين ظهر لي بطن صغير وبالنسبة لحركات البيبي أحس فيها , اما وزني لا زاد ولا نقص للحين 45

شكرا انلس لوف على النصيحة صراحة فكرة حلوة .. انا شغلي ما عندهم مشاكل بالاجازات المرضية حتى لو كانت من عيادة خاصة، الله يتمم كل شي على خير و بوقتها بسوي مثل ما قلتي.. اعتقد اني ما بكون بمثل عليهم اصلا .. اكيد بكون تعبانة و ابى راحة

بالنسبة لتاريخ رمضان .. هو بيجي في آخر سبتمبر اكيد بس مو شرط يوم 24 ممكن بعد بيوم مثلا او قبل بيوم - و الله اعلم - انا شيكت على الرزنامات و حصلته بآخر شهر 9

ما شاء الله عليكي يا شاعرية ؟؟؟ في انسان على الارض وزنه 45 كيلو؟؟؟؟

وااايد ضعيفة .. اعتقد انتي من البنات الي ما يبين عليهم العمر و لا الحمل لانه جسمك ضعيف و مش طويلة

انا وزني 57 ما تغير ايضا بس احس طلعلي بطن صغير ايضا و صدري يكبر يوم عن يوم

السلام عليكم ورحمة الله وبركاته
شلونكم خواتي مع الوحام أنا للحين الوحام مو راضي يخف علي بموت منه بس كل شي علشان البيبي يهون والحمد لله على كل شي .

شكرا أختي بيردي على ترحيبج والله ورفعتي معنوياتي قلت في حد عبرني .

ومشكورة يا بيردي على الموضوع الحلو عن الصيام بس والله الوحدة فينا ما ودها تفطر وهي حامل وأنا انشالله موعدي 25 -9 بس إنشاللله بحاول أصوم لين أولد بالسلامة وما راح أفطر إلا للولادة والله كريم يهون علينا .

وأحب أقول للأخت لوليتاأنا بعد وزني 57 أول ما حملت كان وزني 60 والحين في الأسبوع 14 ونزل ل57 ومو راضي يرتفع والسبب الوحام واللوعة الله كرييييييييييييييم .

أتمنى من خواتي مفطرات رمضان وكل الحوامل أن تكون الشهور القادمة أفضل وأن تكون الولادةتكون سهلة وسريعة قولوا آمييييييين .


أختك : فوز الكويت

http://go.3roos.com/VnfMUavF6dk

خواتي ليش مو راض يطلع لي شريط الحمل تحت



فوز الكويت

هلا اختي فوز
انتي محطيه الرابط يعني نضغط عليه وتطلع الصوره
لا اختي

روحي فتعديل التوقيع وانسخي الرابط الي حطيتيه وشوفي فووق وين الرسومات لصغيره بتشوفين صورة شجره اضغطي عليه بيظهر لج مربع وحطي الرابط الي حفظتيه واختاري اوكيه وانشالله بيظهر

انا ربة بيت يعني ماداوم وماشاركتكم الحوار لاني حسيت اني برع الموضووع بس بعد مانستغني عنكم

بيردي123 خــــــــــــــــــــيانـــــــــــــــــــات ليش غيرو الموعد نحن مسوين سباق يعني خلاص سبقتيني

هههههههههههه امزح وياج الغاليه الله يسهل عليج انشالله

انا الظاهر بتريااكم كلكم تربووووون واطمن عليكم وبختمها وبربي

سلام الله على الجميع..................ما شاء الله عليكم
أنا ما شاركت ف هالموضوع إلا مرتين أظني.......أكيييييييييييييييد من الوحام بس الحمدلله الحمدلله الحمدلله بدأ يخف عني عقبال الجميع
بغيت أسأل عن هالمعلومة البيبي إذا تحرك في آخر الثالث يعني بنت وأما إذا تحرك في بداية الخامس يكون ولد والله أعلم صح وإلا غلط؟؟؟
بنات في هالفترة ركزوا على الأكل اللي فيه كالسيوم (من 11 اسبوع وطالع) لأنه البيبي يحتاج للكالسيوم وطبعا يمتص من جسم الأم فلازم تعوضين.........والله يكون في عون الجميع
سلااااااااااااااام

اختي شاعريه
انا ما آخذ غير فولك أسيد ..

مع انه دمي وااايد نازل وقلت للدكتوره تعطيني حديد

قالت لا ما يعطون حديد بهالشهور الاولى .. ما اعرف ليش !!!



لوليتا .. امسكي روحج لا اطير من الصدمه

انتي منصدمه من وزن 45

انا وزني يوم رحت اسجل كان 38 والحين في اخر زياره
قالولي 40 :(

ضعيييييفه مرة ( ميته ) بس والله متعقده .. شو الحل ؟؟:(


فوز الكويت .. ولو حبيبتي .. كل وحده معانا هني تستاهل الترحيب
وانتي غاليه علينا مثلهم وفرحتنا بالبيبي وحده :)
وحياج الله



ام فطامي الغاليه
والله لو بكيفي ما غيرته
موعدي السابق احسن .. ما كنت باكل من رمضان غير يوم او يومين
وكان بيصير العيد عيدين

يالله الله كريم .. ان شاء الله كلنا بنطلع بالسلامه

اهم شيئ الدعاء لبعضنا بظهر الغيب



اغلى اسم
حياج الله وان شاء الله دوووووم معنا
نطمن عليج وتطمنين علينا :)

بس هالمعلومه مو اكيده والله اعلم

وكل شيئ خير عند ربي العالمين

وحياج من جديد

شكرا أختي ام فطامي على شرح طريقة التوقيع

وشكرا اختي بيردي هذا من طيبج وطيب أهلج يا بعد عمري

والله صج انكم خواتي


فوز الكويت

الشاعريه .. غير الفولك اسيد عطتني الدكتورة حليب lady mil بسبب وزني الناقص،،

لوليتا .. الله يسهل عليج والله يقوينا على صيام الدين،،

بيردي .. شكلنا كلنا في الهوا سوا، اخر مره الدكتورة عصبت لانه وزني نازل وانا ميته شراتج:sad:

وعلى طاري الكالسيوم بعد في شئ ثاني لازم تعرفونه كثروا من السلطات والالياف علشان ما تستوي لكم بواسير عالحمل وبعد الولاده وكثروا من الماي..

لوليتا
ههههههههههه عيل شتقولين الى بيردي و endless hope , بس انا مو قصيرة وايد يعني طولي زين 159

فوز الكويت
ان شاءالله يخف عليج الوحام ويرجع وزنج مثل قبل

um_fa6ame
انا بعد ما اشتغل مثلج (ربة بيت )

أغــ (اســم) ـلــى
الحمدلله ان خف عليج الوحام , بالنسبة للمعلومه والله ما ادري اذا كانت صح والا غلط

birdy123
الشهور الاولى ما يعطون غير الفوليك أسيد بس في الشهر الرابع يعطون فيتامينات وحديد , الله يساعدج شكلج وايد تعبانه

endless hope
مشكورة ع المعلومه والله يبعد البواسير عنا وعنكم

ارحب بالعضوات الحوامل الجدد معانا :salam: :clap:


انا هالحين في الاسبوع 13
في الشهر الرابع



والوحام عندي نص ونص يعني يوم احس فيه ويومين لا ...

احس انه بيستمر معاي للشهور الاخيره من الحمل
لاني سمعت ان الوحام يستمر الى الشهر السابع



الله يسهل الشهور الباقيه من الحمل ويتم الولاده على خير وتكون سهله على الجميع
قولوا آميييييييييين

* الغلا *

مرحبا يالغاليات
شلونكم
وشخبار الوحام معاكم
يارب انشالله كلكم يختفي منكم هالوحام
مثل ما اختفى مني بين يوم وليله
المهم بسأل سؤال
بس مو تضحكون
نطرو خلي أضحك بالاول
:dd::dd::dd:
قلت بس انا أضحك انتو لألألأ خخخخ
المهم ترى في شي معقدني أو ان مادري وايد أفكر فيه
الحين الحليب ينزل من الصدر حزة الولاده ولا يسوون شي علشان ينزل:think:؟؟؟
مو تضحكون علي عفيه بس جاوبوني:o
ترى ما أعرف