تكفوووووووووووون أبغي حل !!!

رغـد 14-02-2006 9 رد 1,099 مشاهدة
ر
مساء الخير عرايس

كيفكم ؟؟؟ الحمد الله بخير


أنا بصرحه عندي مشكله ومكدره خاطري من فتره وما أعرف ايش اسوي ؟:cry:
وقلت قبل ما أسوي اي شي أبي أخذ رايكم بالأول بحكم خبرتكم !!
( أنا مخطوبه وزواجي بالصيفيه وأعاني من مشكلة الهالات السوداء
" بجسمـــــــي",,,,,,,,

وبصراحه خايفه أستخدم كريم مايناسب لي وأتوهق بعمري:think:
ياليــــــــــــت تساعدوني من جد أنا محتاجه لكم ؟؟؟



تحياتي //// رغـــــد
m
حبوبة الف مبروك بس شنو هالات سوداء بجسمج مافهمت ؟؟ تقصيدين مناطق سوداء بالجسم والا هالات سوداء تحت العين ؟؟؟وضحلي علشان نفيدج .
ر
أختي الله يعطيك العافيه على الاهتمام ...
أقصد مناطق سوداء في الجسم
ألحقيني برايك الله يخليك !!(f)
س
هلا رغودة
مبروووووووووك عليك الزواج والله يوفقك يارب
طيب حبيبتي مشكلتك ان شاء الله لها حل ولا تخافين وتشيلين هم
بس قولي لي انتي ودك الحل يكون بخلطات طبيعية ولا بكريمات؟؟
m
حبيبتي بالنسبة المناطق السوداء البنات يمدحون كريم سنفرة وتبيض من منتجات العطار حراز وتقدرين تسوي بحث بالمنتدي عن كريم العروسة وشوفي المندوبة اللي بالرياض او البنات اللي يبوعون يوصلونها لج وانشالله تستفيدين .
ر
مشكووووووووووووورة أختي maha mohd وانشاالله بسوي اللي تقولي عليه ...

أختي سوكره /// ياليت تدليني على خلطات طبيعيه لانو الكريمات صعبه الواحد يتوهق ؟؟:eek2:
ومشكوره على اهتمامك أختي من جد فرحتيني بكلامك وحسيت انو مشكلتي سهله ؟؟:up:




أختك // رغـــد
a
رغوده يا بعدي اشتركي في احسن صالون عندكم وسوي حمام مغربي بالاسبوع مرة لمدة شهرين بعدين سويه بالشهر مره

وافركي جسمج بخليط عصير ليمون مع جلسرين وحطيه ساعتين بجسمج وبعدين خذي لج شور دافي وافتركي بالسنفره
واكيد ركزي عالمناطق السودة
والف مبرووووووووووووووووووك وانشالله اكون افدتج ولو بالشي البسيط فدييييييييييتج
س
هلا رغــــد حبيبتي
اوكي انا كنت بقولك بعد خليكي على الطبيعي عشان لو ما عطاكي نتيجة على الأقل ما يضرك..
اوكي انا بعطيكي مجموعة نصايح اتمنى انها تفيدك
اول شيء لتبييض الجسم جربي هالخلطه:
المقادير:-
صابونة غار مبشورة ناعمة جداً تنقعينها بكاس ماي ورد طول الليل عشان تذوب
علبة جلسرين السائل الشفاف من العطار
علبة جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار مب حق الأكل

الطريقة تخلط كل المقادير خلط جيد او بالخلاط لين تمتزج مع بعضها وتوضع بعلبة وتستخدم كل يوم ساعتين للجسم ولكل شيء
عند غسلها تغرك بالليفه الي من بدي شوب الي على شكل قفاز وتسوي سنفرة الملح الخشن مع عصير الليمون

جربيها وان شاء الله بتحسين بالفرق وبعد كذا لازم تسوين تقشير للجسم وانصحك ببودي شوب
وتقدرين تطلعين على هالموضوع مره بيفيدك
http://www.3roos.com/forums/showthread.php?t=126028&page=2&pp=15

مجموعة Africa Spa
حاولي تشترينها بأسرع وقت لأنه كثير مدحوها وهي بتساهم بتنظيف البشرة
وبعد فيه جهاز الساونا من مركز الفالح تقدرين تستخدمينه كمان لتنظيف البشرة وتبيضها
وهو له احجام مختلفه واسعاره من 200 الى 400
تقدرين تنامين فيه بينفعك ,,,
وكمان حبيبتي لازم تبدين تشاركين بأي مركز تجميل عندكم وتسوين تنظيف بشرة وحمام مغربي شهرياً عشان يساهم في انه يحافظ على بشرتك ويجددها وتكونين دايم بصورة حلوة
وبنت خالي قبل لا تتزوج كانت تعاني من نفس مشكلتك يعني عندها مناطق سودة بالجسم وخاصه بالركب والأكواع
فسوت التقشير بالكريستال بعدة جلسات وخف السواد مره
هي سوت التقشير بالشرقيه بس اكيد فيه مثله بالرياض
وكمان لازم تهتمين بترطيب جسمك علطول وحاولي تفركينه بليمون باستمرار وتحطين عليه زيت اللوز الحلو لانه يساهم بتوحيد لون جسمك وكمان يخفف من السواد
اتمنى أكون أفدتك
ومبروك مرة ثانيه
@
البنات ماقصور يعطيهم الف العافيه

وانا انصحك بالحمام المغربى بيقضى عليهم مع السنفره باستمرار
s
عليج بالليمون مع بيكربونات الصودا افركي جسمج بعد الحمام بفوطة بيضاء و عليها هذا الخليط و شوفي الفوطة البيضاء راح اتصير سوداء
X