هو مو زوجي؟؟ طيب ليه مايصرف علي ؟؟

السلام عليكم

قصايد999
هو ما يسألج عن المهر ...
يعني مثلا شو اشتريتي... أو
كم صرفتي منه ؟؟؟

حاولي تلمحين له ... يعني مثلا يوم تردين من السوق قولي له ان الأغراض وايد غاليه.... يمكن يسألج كم عندج من المهر او اذا محتاجه بعطيج فلوس......
يمكن زوجج حاط فباله انج مادام فبيت ابوج ..... يعني ما دخل عليج ..... أهلج يصرفون عليج... لاني انا يوم كنت مالجه كان ابوي يصرف علي وعلى كل مصاريف الجامعة يعني ريلي ما كان له خص فالسالفة ...... يعني مب كل الأزواج يصرفون على حريمهم قبل الدخول ويمكن زوجج من هالنوع.


اسمحيلي يمكن بعد كل هالكلام ما استفدتي شي
بس أنا ها كل اللي عندي


اختج
دلع

يعني انتي في فترة ملكه

بس ليش ماتطلبين من اهلج

احسها عادي

مافيها اي احراج

لو تبين حق مصاريف الجامعة والبيت عادي مافيها شيء لو تاخذين من اهلج

هذا بالنسبه لرايي انا
لاني واايد الاحظ بنات اول مايملجون خلاص ماياخذون شيء من اهلهم ابد ابد


بس الافضل تعودينه انه يصرف لج مصروف شهري
لانه لو ماتعود خلاص راح يتم لين الزواج مايحسب حساب مصروفج

رأئي لما تصيري في بيته يصير يصرف عليكي بس هسى مالها داعي هيج اتصور يعني كل مجتمع له تقاليده نحن في العراق مايصرف عليها الا يوم تصير في بيته لهيج اشوف عادي انك تطلبن من اهلك وصعب تطلبن منه واعذريني بس هذا رائي تحياتي

والله معاج حق قصايد..المفروض من نفسه يعرف هالشىء ...يعني في مجتمعنا هالشىء متعارف عليه ! على الاقل امه وخواته بيسالونه هاه شكثر تعطيها؟

غريبه والله !

انزين..ليش ماتجيبن له السالفه بطريقة غير مباشرة...مثلا تقولين له ان وحده من ربعج املجت وان زوجها يمشيلها راتب شهري وقدره...وحطي رقم معقول...وانها سالتج كم يعطيج ريلج..وانج استغربتي السؤال وماعرفتي شتردين عليها!! وشوفي شبيكون رد فعله وشبيقول لج!

على فكره معروووف ان الرجال في هالفترة يظهر كرم غير عادي...فغريب تصرفه المفروض الحين يدلعج وعقب يوريج العين الحمرا خخخخخ امزح:) بس صج غريبه

الله يعنيج يا اختي ...,,

شوفي يا قصايد 999 اول شيء تسوينه انك تلمحين له ------------> مو تلميح بزعل!!!
يعني سولفي معاه بطرقه عاديه كأنها سالفه عاديه ----------> مثل( تصدق يل فلان اني امس جمعت فواتير الملابس والجوال و......يووه تصدق ما ادري وين طارت هالفلوووس........الله يقطع ذا السوق ياخي صاير غاااااااالي نااااار)
هاه يعني انتي وشطارتك
واذا فتح موضوع الفلوس رووووووووووووعه استلميييييييييه عـــاد.
بس انا متأكده انه ما يدري وش السالفه يمكن تلاقينه أكرم من حاتم الطــــــــائي بس ما علمتيه ولا حسستيه..!

عالعموووم الله يوفقك........

حبيبتي نصيحة لله إذا ما تطلبين منه الحين صعب ان< تطلبين منه بعدين حتى إذا اعتبرتيها طراره منه ميخالف طري منه عادي هو مو زوجك ولازم يعرف إنه

غصبا عليه يصرف عليج انتي مو ملزومه تاخذين من مهرج فلس حمر عشان مصروف يومي لالالالالالالالالا......:mad2::mad2:

المفروض تطلبين منه معاش شهري نزلي نفسج شوي وقوليها انتي ما طلبتي من أحد غريب هذا زوج ولازم يعطيج من غير ما يسأل عن مهرج ...............

:mad2::mad2::mad2: أولا طلبي منه يسدد فواتير التلفون وبعدين طلبي منه يشتري لج أي شي ان شاء الله ما تحتاجينه بس المهم طلبي عشان تتعودين

لين اهو يتعود يصرف عليج بروحه :up::up::up: هالموضوع ما فيه مستحى من شي هذا يعتبر حق من حقوقج الشرعية والله يوفقج......

الله يعينج يا اختي لو انا بعد بنحرج اقوله

السلام عليكم و رحمة الله و بركاته

هلا فيكي أختي...

بصراحة إحنا عندنا حتى لما ينكتب الكتاب...أهل البنت يصرفوا عليها...

لكن...الزوج تلاقيه كريم...و يعطي فلوس...و كل شويه يسألك...ها مش محتاجة شيء !

لكن شوفي أختي...هذه حياة طويلة...لو من الحين إستحيتي تقولي له..كيف بتتزوجيه...بيكون في عندك مصاريف بيت و أولاد...كمان راح تستحي تسأليه ؟

هذا شيء هو ملزم فيه...و إنتي ما تطلبي غير حقك...يمكن هو ما يعرف أو مش منتبه...لكن إنتي لازم تكوني قوية و تسأليه عن مصروفك...دايما ضعي النقط على الحروف من البداية علشان ما تتعبي بعدين...

و إن شاء الله بالتوفيق...

نصييييييييييييييحه

تلاحقي الموقف و تصرفي لا تعودينه على هالشي

غلط انج تصرفين من مهرج

المهر حق تجهيزات العرس

و المفروض منه يصرف عليج مباشرة بعد عقد القران

مصروف شهر و يلبي حاجاتج

و الله هذا الواجب و المتعارف عليه

انا زوجي ايام الملكه و الله كان يزعل لو عرف اني ثرفت على نفسي من المهر و لا من عند اهلي و لا من فلوسي الخاصه

يقول انا ملزوم فيج

لازم تلمحين له

مثلا كنت ابي اروح اسوي كذا و كذا بس ما قدرت و الله ما عندي مثلا

اخف المهر يخلص من كثر ما اخذ منه

مثلا باسلوبج الخاص وضحيله الصوره

و الله يوفقج

الامارات وقطر بينهم تقارب كبير لهالسبب اقدر استوعب كلامج عدل خصوصا ان صديقتي المقربة مرت بنفس الموقف بالضبط وعشت لحظات الاحراج من هالموضوع معاها...
المهم بس احب اوضح للاخوات ان الزوج بمجرد العقد على الزوجة يصبح المسئول عنها شرعا..وفي مجتمعنا عرف
ثانيا ....نظام الرواتب عندنا يمنح الاب علاوة على كل ولد يرزق بة, وبمجردعقد قران البنت يشطب اسمها من ملف عائلتها ويضاف ال ملف الزوج الي بالتالي تصير عندة علاوة زوجية ....يعني يرتفع راتبة عشان تم عقد قرانة واصبح مسئول عن اسرة جديدة...
لهالسبب المتعارف علية عندنا ان بمجرد العقد يلتزم الزوج بمصروف شهري لزوجتة.

اما بالنسبة لمشكلة الاخت...
اقتراحي انها ما تتكلم صراحة معاة لعدم الاحراج, ولكن تقلل اتصالاتها فية, يمكن يحس بان الفاتورة هي السبب..
وفي معرض كلامها معاة ممكن تقول لة ان اهلها راحوا السوق وما فية غيرها بالبيت وانهم عرضوا عليها تتسوق معاهم بس هي ما راحت..بيسالها ليش؟ ممكن تقول ان المهر قرب يخلص من كثر ما تصرف منة , او تقول لة انا ما احب اروح ويا امي لانها بتصر تدفع عني وبصراحة انا من يوم ملجنا ما احب اكلف عليهم واخذ منهم شي...يمكن يفهم ويبدا يسال لين يعرف السالفة.

والاحلى والي اتمناة انة يكون عضو معانا ويقرا المشكلة ويعرف انة هو المقصود.....هاهاهاها

قصايد999:
اعرض عليكم مشكلتي البسيطه لكنها تحز في الخاطر وتضايق............قبل فتره خطبني واحد من اهلنا اكبر مني بسنه وهو طالب بالجامعه ووافقت وتم عقد القران واصبحت زوجته من اربع شهور......... المشكله انه ماعطاني ريال غير المهر وانا قاعده اصرف على نفسي من المهر وباقي عالزواج سنه واستحي اقول لامي وابوي اني ابي فلووووس ...كل ماحتجت شي سحبت من مهري والله اشو صديقاتي كلهم اذا انخطبوا يكون لهم راتب شهري هذا غير انه الزوج كل مايروح مكان يسالها تبين شي محتاجه شي ؟؟ انا حتى فواتير التلفون يقول لي الله يعينج عليها ماكأنه هو المسؤوووول !!!
الا أنا مع العلم ان ماعلي قصور لو قلت لاهلي لكن منحرجه اقووووول زوجي مايعطيني فلوس واصلا هو ولد عز ويقدر بس ليش هالتصرف لاتقولونلي قوليله صعبه اطلب شي واحس لوتميت كذا مهري بيخلص وانا ماشريت شي كله صرف عالملابس والجامعه وغيره......بليز ساعدوني عايشه في أزمه

الافضل اختي تبيني له باي طريقه ان مااعندجك فلووس وهوو ملزووم عليه الصرف..

يعني يحب انج توقفين الصرف نهااائي .. وبعدين خلي تلفوونك ينقطع اهوو بيسال عنك..

لماا يسأل اسكتي عنه.. وبعد شوي قولي له ابووي ماراضي يدفع او اخووي ماراضي يدفع وانا مااعندي.. دوون ماتقولين له ادفع.. كذا بيحس بنفسه..

وشكراا

بصراحة الله يعينك يا الغالية

المفروض أنك ما تلمسي المهر إلا بعد الزواج ... بهذه الطريقة رايح يخلص وأنت تصرفين على حالك ... وين أهلك ما يسألوك إذا كان يعطيك مصروف أو لا ..... أنتي وشطرتك ... حاولي تفهمينه أن أني ما قمتين تأخذين مصروف من أهلك ... وأنك تصرفين من المهر ... يمكن يكون ما يعرف هذا الشي ... أو أنه ما يعرف أن ملزم يصرف عليك في الوقت الحاضر ... حاولي تلمحين له ... أن فلانة فرضاً خطيبها يعطيها مصروف كذا ... وفلانة كذا ... من دون أنك تجرحين أحساسه ...

سلامي وتحياتي ...

حبيبتي قصايد ... بصراحه البنات ما قصروا وقالو الكلام المزبوط انتي لازم تحكي معي بطريقه حلوه وتنبهيه لهذا الموضوع لانك زوجته واي شي بتكوني متضايقه منه لازم تحكيله لانه الشباب اوقات في امور كثير بيجهلو فيها او بيتجاهلو:mad2: ما اقدر ازيد على كلام البنات اكثر وربنا يوفقك وهدي حالك شوي وكل شي بينحل ان شاءالله :cool2:

احنا عاداتنا وتقاليدنا ان من بعد عقد القران خلاص الزوج هو المسؤوول والمفروض ان يكون فيه نخوه ومايخليني اصرف وبالنسبه للنقرزات واااااايد المح له لين امس قلتله ابي اشتري لاب توب ولقيته ب8االاف قال لي ايه روحي اخذيه من المكان الفلاااااااااني !!!!!! لهالدرجه مافيه احساس والله اهلي مايقصرون بس عيب الي قاعد يسويه اذا من الحين ماعنده نخوه في هالمواضيع عقب شبيسوي............كفايه اني لين الحين ماحبيته وبعد اشوف فيه مواصفات سيئه بصراحه قمت افكر بطريقه سلبيه اتجاهه تعبت والله تعبت.........

ايوه .. حاولي تجيبيله الموضوع بطريقة غير مباشرة ....بعدين بترتاحي...

الصرف يكون على الزوج ... يعني انا مالجة ..وانا اطلب من ريلي مو من ابوي الا بعض الاحيان ...

ما في حل الا انك تصارحيه بطريقة مباشرة او غير مباشرة .. لانه اصلا انت بس تتعودي عليه ماراح تلاقين صعوبة في اخباره باي شي..

الله يسهل عليكي

اختي

لا تطلبين منه الفلوس مباشرة

بس مثلا اذا فاتورة التلفون ما اندفعت قولي له ادفع لي فاتورتي لان انا عندي اشغال وما اقدر اروح

بس لا تقولين له عطني فلوس عشان ادفع فاتورتي ... ترى تفرق :D

"" بس ترى اختي من الناحية الشرعية اذا اهو ما دخل عليج مو مجبور يمشي لج راتب او مصروف ""



والله يهنيكم

انا اقول افتحي معاه الموضوع بطريقه حلوه
يعني قوليله انت الحين ريلي ومسؤول عني بيقولج ايه قوليله انا محتاجه راتب حالي حال كل البنات قوليله انا استحي اطلب من ابوي لان تغير الوضع
ولا تصرفين مهرج بتحسفين ولا تطلبين من هلج لانه لازم يتعلم انه يصرف عليج من الحين