الليزر والليزك للأهميه القصوى

شوفي اختي انا سويتها من 3 سنوات والحمدلله ارتحت كثير من العدسات وقرفها

الليزر والليزك لهم نفس التأثير بس طبعا تختلف طريقة العملية وعلى حسب حالة المريض

الليزر اصعب لانها الطريقة الاقدم والليزك ناس كثير تمدحها ... عملية بسيطة ما تاخذ اكثر من ربع ساعة بالتحضيرات

انا كنت بسوي ليزك بس بعد الفحوصات طلعت القرنية قريبة من القرنية المخروطية واحتمال نجاح الليزك بيكون قليل على العكس من الليزر
ماحسيت باي الم بس الواحد الخوف هو اللي يذبحه احد يلمس عيوني رغم اني ما احس بالم لاني مخدرة بس اسمع صوت الليزر

بعد العملية طلعت وعطوني نظارة اغطي عيوني فيها عشان الشمس والضوء لانه سبب لي غثيان بسبب توسع البؤبؤ

وقطرات مرطبة عادية

تعبت بعد العملية ب4 ساعات حسيت اني بموت من الألم وراسي بينفجر وعيوني مو قادرة افتحها اصلا ولا حتى ارفع راسي ورجعت المستشفى عطوني مخدر وعادي خف الالم ... بس ترى مو الكل يصير له هالشي انا كانت عندي حساسية من الضوء يعني ما تحملته

اول يومين او ثلاثة ايام ما كنت اشوف الكتابة زين في المجلة مثلا او جوالي مااشوفها اصلا بعدين تحسن نظري كثير

الحمدلله مرتاحة كثير للعملية وناس كثير سووها معاي بعد مرتاحين سواء الليزر او الليزك وبالنسبة للي نظرهم ناقص كثير مو شرط انه يتحسين ويصير 6/6

وأي استفسار انا حاضرة

السلام عليكم

مشكووورة اختي وماقصرتي عالرد ...
ليت اذا حد عد يقدر يفيدني يعلق وشكرا

السلام عليكم ورحمة الله وبركاته
أختي أنا عندي خلفية جيدة جدا عن الليزك والليزر لاني اشتغل في مستشفى وبعد لاني ناوية اسويها ان شاالله بعد 4 شهور
لاني كنت ارضع ولدي واخذ حبوب منع الحمل وطبعا هذي الأشياء كلها تؤثر في الهرمونات اللي بدورها تؤثر في القرنية بالإضافة للحمل يعني لازم ماتكونين حامل أو تاخذين حبوب منع حمل أو حتى ترضعين لمدة لا تقل عن 6 أشهر
الفرق بين الليزك والليزر في كلتا الحالتين يستخدمون الليزر بس الإعتماد كله على سماكة القرنية فاذا كانت القرنية مناسبة السمك عادي جدا يسوون لج الليزك بس اذا العكس يعني وايد خفيفة ماراح يقدرون يسوون لج الليزك وبالمقابل بيسويلج الدكتور الليزر بس اهم شي اتسوين فحوصات القرنية عند دكتور متخصص في العيون
عندنا اهني في الإمارات يسوون الليزك في وايد مراكز خاصة للعيون بس اللي انا ناوية اروح لهم ان شالله مركز مغربي للعيون وتقريبا تكلفة العملية عندهم =10250 درهم وايد ناس اعرفهم سووا العملية مدحوا لي المركز هذا.
ان شالله اكون افدتج

انا سويت ليزك في دبي في جميرا و هالدكتور وااايد زين هو ايراني


و الحمد الله ما احس بأي اضرار و وااايد من اهلي مسوين الليزك و محد ندم


انا سويت عالشهر 5/2005 و الافضل انج تسوينها و عمرج فوق 20 سنة عسب ما يرد نظرج

صح كلام الاخت نورة انا كنت ناوية اسويها في امريكا بس الطبيب قال لي خليها لبعد العشرين احسن

انا سويت ليزك من سنه و8 شهور والحمدلله مرتاحه ومافي اثار جانبيه

سويتها في قطر عند الدكتور خالد الريف ايجي من الاردن كل شهر يسوي عمليات ويروح

اول ماسويتها ماصار نظري 6/6 بس عقبها باسبوعين صار

والدكتور قالي ان مايصير على طووووووول لان هو زاد اشوي عشان يقل تدريجي ويصير ثابت ولين اليوم مافي مشاكل

الحمدلله

وترا الليزك اسهل واحسن من الليزر

[grade="00008B FF6347 008000 4B0082"]

أنا سمعت إن الليزك أحسن من الليزر

وكنت بسوي عملية الليزر في الأردن وقال الدكتور حق أبوي

بعد سن الـ 21 بيستقر النظر وبنسويها

لكن من أسبوع و 4 أيام رحت عند الدكتور

وما نصحني أسوي العملية وقالي نسبة نجاحها 98 %

وممكن تنجح وممكن لا

وفي ناس وايد رجعوا يلبسوا النظارة بعد العملية



والصراحة أنا سمعت عن حالة وحدة فقط ما نجحت العملية كانت ليزر

وأصيبت بالعمى " الله يعافينا وإياكم "


وكل اللي أعرفهم سووها ومرتاحين لحد الآن


والحين خواتي بعضهم يقولي سوي وبعضهم لا

لكن لو فكرت أكيد رح أستخير رب العالمين

استخيري أختي وطمنينا عليك وما تشوفين شر

سوري ع الإطالة [/grade]

انا ناوية اسويها انشالله .. بس بستخير قبل

السلام عليكم ورحمة الله وبركاته

مشكوورات خواتي على مروركن وافادتكن لي فى هالموضوع ...

بس ممكن تعطوني اسماء مستشفيات واسعار هالعمليات؟؟
لاني سمعت انه في دبي ارخص
يعني تقريبا على 5000 و 6000