حلم تاعبنى نفسيا

ام العيال5 13-02-2006 10 رد 5,227 مشاهدة
ا
السلام عليكم ورحمة الله وبركاته


بنات عروس الى تعرف تفسير هذا الحلم ,,,, حلمت البارحه انى قاعدة اشوف نفسى بالمرايا والى ضرسى يطيح وانا اشيله واحطه فى جنب بس بدون وجع ولا دم ارجووووووووكم ابى تفسير

واشكركم مقدما ,,,,و
c
فديتج الحلم هذا تفسيره مب زين .. ويعتمد متى حلمتي .؟ واي ضرس اللي طاح؟؟؟ بس احسن ماتفسرين وتوكلي على الله
ر
صراحه ما اقدر افيدج بس لاتحاتين عاده ايكون هم او مشكله ويروح اذا طاح

انا مره حلمت ان ضرسي يتفتفت ويطيح تخيلي وانا اتفله من حلجي قالي المفسر ان هاي هم والله بيفرج علي وصج كنت في هموم مب هم

لا تخافين ماراح يصير في اهلج شي باذن الله

شوفي موقع جبيل فيه مفسر يفسر اكتبي الحلم في الويك اند ويفسر لج باذن الله
ا
مشكووووووووورين الله يجزاكم الف خير ( واعتقد الأنياب) او (الى قبله)
والله حاسه انى تعبانه وااااايد من الحلم بس ما ادري لأن اعتقد انى سمعت ان حد بيتوفى اذا حلمت الوحده بالضرس
c
انا اللي اعرفه هذا هو تفسيره مثل ما قلتي .. بس لاتحاتين حبيبتي وتوكلي على الله ... كم مرة انا حلمت انه ضروسي تطيح بس الحمدالله ما صار شي وانتي لاتحطين في بالج هالحلم
أ
لا حول ولا قوة إلا بالله

يقول الرسول صلى الله عليه وسلم ( لا تقص رؤياك إلا على معبر )

وعزيزتي الغالية الحلم في تفسيره إله آداب وشروط مو كل الأحلام تتفسر

تحياتي لج
ا
والله سامحونى بس والله انى حاسه بضيق فى صدرى من حلمت الحلم ,,, وارجو السموحه
ر
انا قلت لج ما افتيج بس عاده احنا انحسب ان الضرس اذا طاح مووووت مب شرط ابدا وحبيت اخفف عليج لاني مجربه الاحلام اللي تنكد على الواحد

وشكل ماقلت لج فسري عند مفسر ولا تعتمدين على كلام حد

والله يجعله خير
3
غاليتي لاتحاتين لان الحلم لما تفكرين فيه واايد تتعب نفسيتك طنشيه واعتمدي على الله لان كل شي مقدر بهالحلم ولا بغيره اللي مكتوب لج بتشوفينه

انا تراني من النوع اللي اذا حلمت حلم لازم بيتحقق تخيلي شو شعوري من هالاحلام اللي اشوفها واحيانا ترا مو شرط الحلم يكون معي لج انتي بالذات ولا يتحقق قريب صدقيني انا حلمت حلم وتعبت منه نفسيا بس تحقق بالضبط مثلما حلمت بعد 8 سنوات تخيلي وبعدما كنت نااااااسيه الموضوع كله

لاتهتمين واذا حابه تعرفين التفسير لاتعتمدين ع الكتب اسالي شيخ يفهم بهاي المواضيع

هذا والله اعلم
أ
إسمحي لي يا غالية أن أغلق الموضوع وذلك لأنه لم يعتمد على تفسير صحيح وثابت ومحدد 100% ، وكما ذكرت سابقاً أن للأحلام شروط وآداب لتفسيره ..

وأنتي بطرحك للحلم قد تزيدين الطيبن بلة وتتعب نفسيتك أكثر وأكثر ، لذا نكتفي بالردود السابقة

وإسألي أهل العلم وإن شاء الله سوف يفيدونك

تحياتي لج
m
الف شكر لك ام المهند على عمل الازم
اسألى شيخ اختى او حدد متخصص فى تفسير الاحلام
حتى لا يسقط حلمك ان كان خير او يقع ان كان شر
X