ع الطاير

ما هو انسب سن للزواج في نظرك ؟؟
سن 22 او 23 سنة
- ما هو انسب سن للحمل في نظرك ؟؟
ليس في بداية الزواج،ابدا ابدا ابد، بصراحة خذت راحتي وسافرت ورديت ولعبت انا وريلي بالالعاب يعني عشنا حياتنا الحمد لله لأني انا من حملت وولدت وانا مو مرتاحة صياح وصريخ وشوي وقتي يضيع معى الولد اكثر من زوجي مع ذلك مو مقصرة معاه حتى ولو تعبانة اعطيه حقه وزيادة واطبخ له ووووو( الحمد لله يا رب)
- كم فرق السن المناسب بين الاخوة في نظرك ؟؟
سنة او سنتين بس
- ما هو السن المناسب للتوقف عن الانجاب في نظرك ؟؟
بعد ما يكون عندي 6 عيال

- هل جربتي الحمل من دون رغبة ؟؟
لأ اكيد برغبة وبارادة الله تعالى
اصعب مرحلة في الحمل في نظرك ؟؟الوحام والولالالالالالالالالادة
- اذا تعارضت رغبتك في انجاب الاطفال مع رغبة زوجك .. ما تفعلين ؟؟
ما تعرضت لها الموقف
- شوفي هالقضية " وحدة من الاهل متزوجة من حوالي سنة و7 شهور وهي ما زالت طالبة وتدرس وزوجها قرر ان ما ينجبون الا لما تكمل دراستها وهي وافقت لان انسب لها .. الكورس اللي راح تخرجت الحمدلله بس الحين زوجها مطنش الموضوع وشكله بيخليها لما تتوظف "
شنو تعليقك ع القضية ؟؟ ولو كنتي مكانها وش بتسوين ؟؟ما اقدر اعلق لأني ما حطيت نفسي بموقفها وما اقدر اقرر

- في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟لأ لست منهم خاصة مع اهلي واهل ريلي اللي علاقتي فيهم اكثر من ممتازة، مثلا الحين يعرفون اني بيب ولد باذن الله واذا ما أخطأ السونار ، وما يهمني اسمع اي احد من اهلي حملت والا شو يابت لأني ما اتدخل في حياة الاخرين ، اللي احبهم وااااااااااااااايد واحب اني اعرف عنهم اخواتي اكيد ومرت اخوي الغالية اللي صدق احترمها واحبها وكل الناس يحبونها وبنت عمي اخت ريلي اللي احبها وايد بعد واسرارنا كلها سوا..وخالاتي
وصراحة موضوعج وايد روووووووووووعة ومشكورة عليه

هلا والله
حبيبتي أفضل سن للزواج بنظري من 21 للــ 25

أفضل سن للحمل،،أنا عن نفسي ماحب الحمل مباشرة بعد الزواج،،وشخصياً أنا كنت أدرس واتفقت مع ريلي على الحمل بعد التخرج وكان باقي لي سنتين، وبيني وبينج كان ودنا نستانس ونسافر سوا بالذات ان البيبي في بداية الزواج يربك الوحدة ،وانا وريلي استانسنا على الاخر بالسفر واللعب والطلعات،بعد السنتين الحمدلله أنا الحين حامل بعد ماتخرجت وارتحت

فرق السن بين الأخوة،،انا اتمنى الله يوفقني ويكون السن بين أولادي 3 سنين وشوي أو 4 سنين،،وبالنسبة لي أتمنى يكون عندي 4 أطفال بس بنتين وولدين وكل شي من رب العالمين حلو

أصعب مرحلة في الحمل الإنتظار وماعانيت من مشاكل في حملي كوحاااام او غيره للآن

بالنسبة للقضية اللي طرحتيها مادري أحس انه حراام،،دام انهم اتفقوا من البداية والبنت توصل لمرحلة وتصير بعدها متشوقة انها تكون أم،،أنا عن نفسي لما أجلت الحمل أجلته عن اقتناع ولما رغبتي الحت علي قبل التخرج بفترة قليلة ماقاومتها لا انا ولا ريلي

بالنسبة لإخفاء الحمل،،أنا حملت قبل هالحمل مرة وأجهضت وتعبت نفسيا كثييير،،وبعدها بفترة لما حملت اتفقت أنا وزوجي أنا نكتم الخبر لين مايثبت الحمل لأن كنا خايفين نفرح فيه مثل اللي قبل ومايكتبه لنا رب العالمين،،،في البداية ماتكلمت الا لأمي وعمتي اللي هم أم زوجي حتى يدعون لي وطبعا خواتي وخوات ريلي،،بعدين لما طلعت من الثالث ومشيت في الرابع أعلنت خبر حملي للجميع

بـــــاقي الأسئلة اللي مارديت عليهم هذا لأني ماواجهت مثلهم للآن،،وتسلمين عيوني على الموضوع

- ما هو انسب سن للزواج في نظرك ؟؟
** هو بين 21 و 28 سنة .......

- ما هو انسب سن للحمل في نظرك ؟؟
** 23 سنة تكون الوحدة مهيئ جسدياً للحمل ...

- كم فرق السن المناسب بين الاخوة في نظرك ؟؟
** بين 4 و5 سنوات على أقل تقدير ...

- ما هو السن المناسب للتوقف عن الانجاب في نظرك ؟؟
** في نظري 35 سنة وخلااااااااااص ... بعده يكون الحمل متعب لطرفين ... الأم والجنين ...

- هل جربتي الحمل من دون رغبة ؟؟
** أنا حامل في الشهر الخامس ما أقدر أقول من دون رغبة بس ما كان في الحسبان ... كان المفروض بعد سنة على أقل تقدير .. بس الحمد لله على كل حال ...

- اصعب مرحلة في الحمل في نظرك ؟؟
** أصعب مرحلة هي ما قبل الولادة بشهرين ..... لأن خلااااص تكون الوحدة منا قد ملت من الثقل ... وتبي تولد بأسرع وقت ممكن ..... من وجهة نظري ...

- اذا تعارضت رغبتك في انجاب الاطفال مع رغبة زوجك .. ما تفعلين ؟؟
** ما تعرضت إلى هذا الموقف ... بس صار البيبي الثاني منه هو السبب .... رغم الأتفاق اي هو عاملنه ... أن يبي الثاني بعد ما يكمل حسوني الثالث ونصف ...

- شوفي هالقضية " وحدة من الاهل متزوجة من حوالي سنة و7 شهور وهي ما زالت طالبة وتدرس وزوجها قرر ان ما ينجبون الا لما تكمل دراستها وهي وافقت لان انسب لها .. الكورس اللي راح تخرجت الحمدلله بس الحين زوجها مطنش الموضوع وشكله بيخليها لما تتوظف "
شنو تعليقك ع القضية ؟؟ ولو كنتي مكانها وش بتسوين ؟؟
** بصراحة هذا ظلم في حق مشاعر الأمومة ....


- في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟
** أنا في حملي الأول من عرف أني حامل خبرة الأهل .... رغم أني من أول ليلة صرت حامل ... وتكلموا علي وقالوا أني حامل من أيام الخطوبة ... الله يأخذ الحق ... وفي الثاني ... ما صدقوا ... (أعني أهل زوجي) ... لأن كانوا ينتظروا حمل زوجة أخو زوجي... ما كانوا يتوقعوا حملي ... غريبة ... صح ...

تسلمين يا الغالية على الموضوع الحلووووووووووووو .....

مشكورين خواتي على ردودكم ..

بالنتظار باقي العضوات ..















انا بجاوب ع الاسئلة بعدين :shy:

يعطيك العافية اختي ام حسون

موضوع حلو ... صحيح ما حملت للحين بس بجاوب على الاسئلة

- ما هو انسب سن للزواج في نظرك ؟؟
مافيه سن مناسب محدد .. يعتمد على درجة وعي البنت ( وبتكلم بس عن الزوجة هنا ) واستعدادها النفسي والجسمي لتقبل الزواج بكل متطلباته من مسؤليات وحمل وولادة وتربية وغيره .. بس عموما ما اشجع الزواج قبل ال 25 سنة خطوبة يمكن بس زواج لأ

- ما هو انسب سن للحمل في نظرك ؟؟
نفس الشي ما فيه سن محدد لانه يعتمد على تقبل المرأة لفكرة الحمل خاصة الاول ويعتمد بعد على صحتها بشكل عام ... ويفضل بين ال 25 و 30 سنة بالنسبة لأول حمل

- كم فرق السن المناسب بين الاخوة في نظرك ؟؟
انا مو ناوية اجيب اكثر من طفل سواء كان بنت او ولد بس يمكن أغير رأيي واجيب 2 مثل ما اتفقنا انا وزوجي واتمنى ان الفرق يكون 6 سنوات مو أقل

- ما هو السن المناسب للتوقف عن الانجاب في نظرك ؟؟
على حسب كم طفل عندي وكم صار عمري .. اكيد مستحيل اجيب اذا وصلت 40 سنة ..

- هل جربتي الحمل من دون رغبة ؟؟
للحين لأ وان شاء الله ماتصير لي

- اصعب مرحلة في الحمل في نظرك ؟؟
كل الحمل صعب من بداية معرفة نتيجة التحليل الى الولادة كلها .. كل الوضع مخيف

- اذا تعارضت رغبتك في انجاب الاطفال مع رغبة زوجك .. ما تفعلين ؟؟
الحمدلله ما تعرضت لهالموقف وكل شي بالتفاهم والصراحة بين الشريكين لان الانجاب لازم يكون برغبة من الطرفين

اما رأيي في القصة اللي قلتيها ...
عادي اكيد ما بزعل نفسي ... يعني صبرت سنتين مثلا ما بصبر كم شهر وبطرقي الخاصة بخليه هو اللي يستعجلني على الحمل ( طبعا هذا لو انا كنت راغبة في البداية ) بس اكيد ماراح اشد معاه واحاول اتفهم موقفه

- في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟
بعضهم اسبابهم منطقية .. والبعض احسهم مرض نفسي ويخافون من الحسد والعين رغم ان الحمل مو شي خارق يعني ... مثلا زوجة حماي ما قالت حتى لعمتي انها حامل الا في الشهر السابع رغم انه خالتها اخت امها !!! صراحة موقفها غريب
ناس تخاف ان اشخاص معينة تعرف ويكون صاير بينهم موقف مثلا هي ما علمتني انها حامل انا ليش اعلمها .. وفيه ناس مساكين ما يبان عليهم الحمل اصلا ويصير ينقطعون عن معارفهم فترة مثلا وبعدين ينصدمون ان فلانة ولدت ويعاتبونها !!
طيب انتوا ما شفتوني وسألتوني وانا كذبت ... احنا من زمان ما شفنا بعض وخلاص

انا حتى لو ما دريت عن احد حامل وسمعت عن ولادتها اقول على طول الحمدلله على سلامتها ويتربى البيبي في عزهم شعلي من الناس

بس اكيد لو الله رزقني ما بقول لأي احد لان فيه ناس تخبي وماتقول وما تستاهل ...

موضوعك حلو اختي ام حسون خلاني اغير جو عن هم العمل
مشكورة

مشكورة رووومي على ردودك

والحين دوري بجاوب ::

- ما هو انسب سن للزواج في نظرك ؟؟

اعتقد من سن 20 سنة .. وما في مانع اذا صارت الخطوبة قبل هالسن ..

- ما هو انسب سن للحمل في نظرك ؟؟

قرأت مرة ان احسن سن للحمل هو من 20 الى 25 سنة .. طبعا من الناحية الطبية اتكلم ..

- كم فرق السن المناسب بين الاخوة في نظرك ؟؟

من 3 الى 4 سنوات فرق مناسب بين الاخوة حتى يحصل كل طفل على حقه من الدلع والاهتمام وفي نفس الوقت يكون عنده اخ او اخت يلعب معاهم ويقعد معاهم ... اعتقد ان كل طفل محتاج ان يكون معاه واحد قريب له في السن وفي نفس المنزل ..

- ما هو السن المناسب للتوقف عن الانجاب في نظرك ؟؟

مثل ما قالوا 35 سنة المفروض الوحده تتوقف عن الانجاب الا اذا في ظروف معينة " مثل تأخر الانجاب او الزواج "

- هل جربتي الحمل من دون رغبة ؟؟

للاسف نعم .. حملي بولدي صار بسرعه ومن غير حسبان وخرب خططنا .. بس الحمد لله على كل حال ، والحين حسون هو نور البيت عندنا وقدومه كان كله خير علينا ..

- اصعب مرحلة في الحمل في نظرك ؟؟

اعتقد مرحلة الوحاااام اصعب مرحلة لاني تعبت فيها واااايد

- اذا تعارضت رغبتك في انجاب الاطفال مع رغبة زوجك .. ما تفعلين ؟؟

انا حاليا امر بهالتجربة حيث ان زوجي يرغب في انجاب طفل اخر وانا لا .. والحين " بعد نقاش بيني وبين زوجي " هو يقول ان بنأجل الموضوع للعطلة الصيفية وانا للحين مو مقتنعه .. بس اللي الله كاتبه بيصير

- شوفي هالقضية " وحدة من الاهل متزوجة من حوالي سنة و7 شهور وهي ما زالت طالبة وتدرس وزوجها قرر ان ما ينجبون الا لما تكمل دراستها وهي وافقت لان انسب لها .. الكورس اللي راح تخرجت الحمدلله بس الحين زوجها مطنش الموضوع وشكله بيخليها لما تتوظف "
شنو تعليقك ع القضية ؟؟ ولو كنتي مكانها وش بتسوين ؟؟

بصراحه البنت مثل ما قلتلكم هي وحده من الاهل .. وزوجها يقول انه ما يحب اليهال وما يبي يعور راسه من الحين وانه يبي يستانس بزواجه اكثر .. واللي مو عاجبني هي سلبية الزوجه يعني انا احسها انها خاطرها تحمل بس ما تبي تضغط على زوجها وكل تقول " على كيفه"

-

في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟

الصارحه ما تعجبني هالسالفه .. ما تعجبني سالفة ان الوحده تنكر الحمل ، بس في بنات يستحون يخبرون بالحمل خصوصا من غير سؤال .. لكن اذا سألتيهم قالوا اي .. حامل .. لكن في بنات يحملون وحتى لو سألتيهم انتي حامل قالوا لا .. ما ادري ليش ..
وطبعا الموضوع كله حرية شخصية وراجع للام .. وانا شخصيا ما يهمني ، اذا حامل بفرح لها ..




انتظر باقي البنات ... ويييييينكم ؟؟

- ما هو انسب سن للزواج في نظرك ؟؟
والله بالنسبه للرجل يعنى 26 او 25 مناسب وبلبنسبه للبنت من 20 وطالع مناسب
- ما هو انسب سن للحمل في نظرك ؟؟
من تتزوج البنت لازم تفكر بالحمل لان البنت تكبر وما تصغر وتحسب حساب الفتره اللى راح تقضيها وهى حامل ومتى تربى البيبى وكل هذه الامور
- كم فرق السن المناسب بين الاخوة في نظرك ؟؟
يعنى 3 الى 4 سنوات مناسب عشان الطفل ياخذ حقه

- ما هو السن المناسب للتوقف عن الانجاب في نظرك ؟؟
لما يكون عند المره 3 او 4 الحمدلله نعمه واذا وصلت يعنى 38 او اكثر المفروض توقف ولا تفكر بالحمل


- هل جربتي الحمل من دون رغبة ؟؟
لا الصراحه انا هذا اول حمل لى وصحيح ان كنت متفقه مع زوجى انى ما احمل الا لما اتخرج من الجامعه بس الله كتب وحملت وكنت اسعد انسانه بالدنيا لما عرفت هالشى
- اصعب مرحلة في الحمل في نظرك ؟؟
كل الحمل صعب سبحان الله ربج يقول حملته كرها ووضعته كرها والله يعينا

- اذا تعارضت رغبتك في انجاب الاطفال مع رغبة زوجك .. ما تفعلين ؟؟
احاول انى اتفاهم معاه واوصل معاه لحل
- شوفي هالقضية " وحدة من الاهل متزوجة من حوالي سنة و7 شهور وهي ما زالت طالبة وتدرس وزوجها قرر ان ما ينجبون الا لما تكمل دراستها وهي وافقت لان انسب لها .. الكورس اللي راح تخرجت الحمدلله بس الحين زوجها مطنش الموضوع وشكله بيخليها لما تتوظف "
شنو تعليقك ع القضية ؟؟ ولو كنتي مكانها وش بتسوين ؟؟
لازم تتتناقش معاه وتفاتحه بالموضوع يعنى هذا حقها ولا فيها عيب انها تناقشه وتقوله ان الوقت خلاص حان عشان الله يرزقنا واحا لازم نسعى عشان الله يكون معانا

- في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟
انا هالحريم يطيحون من عينى يعنى الوحده ميخالف ما تخبر اول شهر بس بعدها لازم تعلم اللى حواليها انا والله من حملت والكل علمته لان هذا شى ا ينخش اذا ما انشاف بالبط يناشف بالحضن والناس راح تفرحلى واذا خايفه من العين الحمدلله اللى الحافظ واقرى وارقة نفسى والله يتمم على بالخير


شكرا على هالموضوع الحلووووووووووووووووووووووو

- ما هو انسب سن للزواج في نظرك ؟؟
من 18 الى 26
- ما هو انسب سن للحمل في نظرك ؟؟
20 الى 35
- كم فرق السن المناسب بين الاخوة في نظرك ؟؟
سنتين
- ما هو السن المناسب للتوقف عن الانجاب في نظرك ؟؟
36سنه

- هل جربتي الحمل من دون رغبة ؟؟
بعدني ما مريت بهالتجربه

- اصعب مرحلة في الحمل في نظرك ؟؟
بعدني ما مريت بهالتجربه

- اذا تعارضت رغبتك في انجاب الاطفال مع رغبة زوجك .. ما تفعلين ؟؟
لازم واحد من الطرفين يتنازل

- شوفي هالقضية " وحدة من الاهل متزوجة من حوالي سنة و7 شهور وهي ما زالت طالبة وتدرس وزوجها قرر ان ما ينجبون الا لما تكمل دراستها وهي وافقت لان انسب لها .. الكورس اللي راح تخرجت الحمدلله بس الحين زوجها مطنش الموضوع وشكله بيخليها لما تتوظف "
شنو تعليقك ع القضية ؟؟ ولو كنتي مكانها وش بتسوين ؟؟
انا برايي اذا الزوج موافق على تاجيل انجاب الاطفال ما اعتقد فيها شي


- في نساء ما يخبرون بالحمل الا لما يبان عليهم واذا كانت اجسامهم ما تفضح ما يعلمون ابدااا .. ما تسمعين الا فلانة ولدت .. ما تعليقك على هالنوعية وهل انتي منهم ؟؟
انا انتقد جذي ناس و ما افكر بعمري اسوي مثلهم

انا هالحريم يطيحون من عينى يعنى الوحده ميخالف ما تخبر اول شهر بس بعدها لازم تعلم اللى حواليها انا والله من حملت والكل علمته لان هذا شى ا ينخش اذا ما انشاف بالبط يناشف بالحضن والناس راح تفرحلى واذا خايفه من العين الحمدلله اللى الحافظ واقرى وارقة نفسى والله يتمم على بالخير
عجبني كلامج صح لسانج و الله

مشكورين بنات على ردودكم الحلوة


وين الباااااقي ؟!!!!!

تصدقين ام حسون من الصبح وانا ادور الموضوع على بالي العنوان غير !!

تصدقين ام حسون من الصبح وانا ادور الموضوع على بالي العنوان غير !!

مشكورة على اهتمامج بالموضوع روووومي




تسلميــــــن