صديقتك تزوجت وتكبرت.....تابع للموضوع السابق

السلام عليكم

والله صارلي نفس الموقف..بس وحده تقربلي...تزوجت والحين شو التكبر ومسوية عمرها فاهمه الدنيا وما فيها ..مع انها اصغر مني..مع انه واسمحولي في اللي بقوله.. في بنات طريقة حوارهم وكلامهم تدل على وعي وفهم أكثر من المتزوجات...

الصراحه .. انا ما أحب أندم على شخص ما يبيني.. هي الحين مسوية ما تعرفني واني طفلة وأي موضوع تحاول تحسسني اني غلط .. وانا ابادلها نفس المعامله واحسسها بعد انها طفله :up:..على رأي المثل (عامل الناس كما تحب ان يعاملوك) ...

هوني عليش عزيزتي.. بس المهم بوكرا يوم تتزوجين لا تسوين مثلهم...والصديق الحقيقي ما يتخلى عن صديقه .
تحياتي.......

هلا حبيبتي ,


ياحليلك توك بزر والظاهر هن تزوجن صغار عشان كذا
مايستوعبن تصرفاتهن ع العموم طنشيهم
واختاري صديقات لك اخلاقهن احسن ولاتدورين عليهن
بيجي يوم يدورون عليكي وانصحكِ خلي علاقتك بهن رسميه...

تحياتي...

عيووني لا تزعلي ولا تتعبي حالك

عطيهم العذر يمكن مشاغل وبعدين فعلا المتزوجات يختلف تفكيرهم وأولوياتهم .. ويمكن فضلوا انهم يصادقوا أحد من نفس الظروف يعني متزوجات زيهم عشان يواجهون نفس المشاكل والمواقف

مع انه هالشئ ما يبرر نسيان الصديقات .. بس لو كان تفكيرهم انهم لما تزوجوا صاروا احسن منكم فأسمحيلي أقول انها هذا تفكير ناقص ويدل على شخصية مهتزة


وتحياتي

توووووووتة

غاليتي000 هذاشيء صار مالوف عند المتزوجه وغير المتزوجه00لاني بصراحه000 صديقاتي المتزوجات

ماصاروا يسألون حتى عني رغم اني ارسل لهم المسجات على طول00 واتصل عليهم بين فتر وفتره الا انهم

مايكلفون يسالون عني حتى وانا مريضه000 ولاتقولون مشاغل لامشاغل ولاحاجه00 واكتشف بعدين انهم

يكلمو ا غيري كثير 00يعني معقول ماتكلف نفسه وتتصل000 حتى اهم يزرون بعض ولا يخبروني000

اما الغير المتزوجات0000 عندي صديقه جلسنا مع بعض6 سنوات000 وبعد ماخلصنا من الدراسه تتوقعون

ويش قالت000 لي بعلمكم000 حتى جتني صدمه نفسيه000 من كلامه وسرت اكره اكون علاقات والسبب

هي000 وسادجتها000 قالت لي مستواك مش من مستوي000 في البدايه توقعتها منها زلات لسان لكن

اخدت في خاطري وقلت مابي اخسرها00 لانه صديقتي00 لكن بعد ها عادتها مرتين وزي مايقولون

الثالثه ثابته000 وكان تقطع اتصالاتها وقت ماتبي شي في مصلحه لها تتصل وتسأل عن الشيئ الي تبغاها

لكن على مين ماعطيتها مجال000 وكانوا اخواتي في البيت مايقصرون معها في توبيخ الكلام لها وهي تزعل

من اقل كلمه000 مسكينه حساسه وياليت تحس بغيرها000 رغم انو اخواتي مايدرون عن الشيء الحاصل بيني وبنها

وعشان ان مااو ضح لاحد اني زعلانه مهما يكون ويصير معاي 0000 والحين انا ماعندي لاصديقات ولاغيره000

ويوم ماأكون متضايقه اللجئ 000 للبكاء000 وبعدها أنام 000

حبيبتي اجل انا وش اقول ما عندي خوات وكل قريباتي وخوياتي تزوجو

ما تغيرو علي مره بس اكيد في تغيير وعلى قولك يرمون كلام عندي وحده وهي بنت

خالتي اعوذ بالله ترمي سم مو كلام تخيلي مره تسألني اصلا انتي في حد يخطبك امي فشلتها

طبعا قالت لها انتي تقدملك واحد ويلا يا زواج وطلع مو كويس بنتي تبي انسان ملتزم علشان كذا

ترفض كثير واحيانا تقول انا بعمرك كنت متزوجه وترمي كلام عن زوجها وكيف يدلعها انا تأثرت

اكيد نفسي اكون زيهم بس برضو الحياة نصيب وارزاق ودامك تبين انسان كويس فهالشي يستحق الانتظار

كملي طريقك وما عليك منهم خلي علاقتك معهم عاديه و واكيد عندك صديقات غير

وربك يوفقنا جميعا

حبيبتي دعـــــــد لا تضايقين هذا سنة الحياه وانشاء الله بتزوجين وتعذرينهم
(انا نفسك صديقاتي بعد ماتزوجوا مايكلموني إلا بالمناسبات وعاذرتهم والله )

[grade="00008B FF6347 008000 4B0082"]آآآآآآآآآآآآآآآآآآآه ياقلبي
ييتي على الجرح يادعد
عندي صديقة عمري الله يسامحها من يوم ماتزوجت وهي متغيره علي والله أعلم شو أسبابها معقولة اذا الوحده فينا عرست تتغير على شو بهف ريلها مثلا
بس الحمدلله عندي ربيعات عرسن ولله الحمد ماتتغيرن بس أثر فيني صديقة عمري كانت ولله الحمد ربي عوضني

وبعدين يادعد ان شا الله بييج نصيبج يارب ونصيبنا ويعوضنا يارب
ولايهمج ياحبيبة قلبي لاتحتاتين نييب لاعمارنا الضغط عشان شو ؟! أزمة وتعدي ان شا الله [/grade]

حبيبتي دام تحبينها وتحبين لها الخير لازم تعذرينها كلن وظروفه انا ادري انه الامر صعب عليج

وودج احد يسمعج ولكن ما اقدر اقولج غير الله يفوفجج ويرزقج بالزوج الصالح ..

سلاااااااااااااااااااااام حبيبتي وعد كيفك؟
بصراحه موضوعك لفتني وحبيت ارد عليكي ، انا مثلك صاحباتي ما يسؤلون عني وانا اللي دايما اسأل عنهم والحمدلله ما قصرت مع وحده فيهم وكنت ابعتلهم دايما مسجات وما يردو علي وحده منهم كنت اخدمها بعيوني ومن يوم ما خطبت بطلت تحكيلي مرحبا وطنشتني وقبل عرسها اتصلت وكانت تحكي معي وهي مبسوطه ورحت حضرت عرسها بس اللي اكتشفته انه اغلب البنات بس يخطبون بنسو الدنيا وبنسو صاحباتهم عشان الرجال وبس تزعل منه تيجي تشكيلك وتحسدك لانك مو متزوجه :pain: انا الحمدلله صارلي خاطبه 6 شهور ويوم خطبتي لما عزمت كل صاحباتي نصفهم اعتذرو وحده تقول تعبانه يمكن اولد وولدت بعد شهر :down: وغيرها كمان زعلت اولها بس بعدين قلت اللي اجى اهلا وسهلا واللي ما اجى برضو اهلا وسهلا وهلا بتصلو علي لاني قربت اتزوج واسافر بحكولي وينك ما بتسألي !!!!!!!!!!!!!!!!!!!!!!! طبعا انا اجاوبهم اسألو عني مثل ما كنت اسأل عنكم بس لو مره وحده:mad2: فحبيبتي لا تزعلي ولا تتضايقي اللي تشوف حالها على صاحبتها واقرب الناس إلها ما اعتقد انها صديقه تزعلين عليها وخوديها نصيحه مني
طنش تعش:bigsmile::dd:
خليكي كووووووووووووووووووووووووووووووووووووووول :cool2:

اختي دعد بصراحة من تجربة وحدة متزوجة انا اقول لج ان يمكن في كلامج شي من الصح ,وايد يتغيرون بعد الزواج ويمكن انا كنت منهم بس ما تغيرت وايد انشغلت مع الحياة الجديدة بس عندي ربيعاتي تغيروا وايد نشوف بعضنا في عرس او سوق يسون عمرهم ما يشوفونج ,ما ادري هاي الظاهرة بس يت معاي او حد مر عليه هاي الاشكال من الصداقات؟