اذا عصب زوجك !!!ماذا تفعلين ؟
--------------------------------------------------------------------------------
السلام عليكم ورحمه الله وبركاته
الرجل معروف عنه انه اكثر عصبيه وانفعال غالبا من المرأه ويتنرفز من ادنى شي
الا من رحم ربي وحتى هالأشخاص يجي يوم وينفجرون إذا كانوا كتومين
وإذا صار معك وعصب عليك سواء انتي ظالمه او مظلومه <<< لاحظي في كلا الحالتين
لا تردين عليه ابدا اسكتي وتعوذي من الشيطان بقلبك
و خليه يقول اللي يقوله مهما قال او سب او شتم
او حتى قعد يسألك وهو متنرفز ومعصب لا تردين عليه ولو قعدتي تبكين طول ما هو يتكلم
لأنه ببساطه راح يكبر الموضوع بشكل خطير والشيطان مبسوط يشوف اثنين يتخاصمون
راح يشعلل الموضوع
كلمه منك وكلمه منه وصراخ وتعليه صوت راح تصير مشكله كبيره وهي بالأساس ماتسوى
وبعدين لا تقولين كرامتي وادافع عن نفسي وما ادري ايش
خلي زوجك لين يسكت ويهدى وبعدين تعالي شوفي ايش يصير
راح يندم قد شعر راسه على اللي قاله سواء معاه حق او لا
راح يحاول انه يعتذر او يوريك انه نادم بطريقه غير مباشره بتصرفاته او بكلامه
راح يخجل من نفسه لأنك انتي مسكت اعصابك وهو لا ما قدر
ويشوف نفسه انه تافه لما قال هذا الكلام
واللي اهم من كذا انه راح يسامحك لو ما قالها تكون بقلبه على شان لا سمح الله لو حصله حاجه يكون راضي عليك
ومع مرور الأيام راح يقلل من عصبيته الزايده لانه يشوف تصرفك معاه اذا عصب
ويزيد احترامه لك انتي لأنك ما غلطتي عليه ولا جادلتيه او رديتي عليه بكلام شين
وبعد مايهدى وينسى شوي او لما يحس انه نادم هذيك الساعه اللي عندك قوليه سواء دفاع عن نفسك اوتوضحين له الشي اللي عصب علشانه
بس مو مخانقه ولا بصوت عالي
لا خليك هاديه وعاتبيه بلطف بالمره وحاولي انك تمسكين اعصابك حتى لو جادلك بشده
قولي له كلام طيب
واهم شي انك تقولين له الجمله هذي
========انا ما اتمنى في هذي الدنيا غير رضاك =========
صدقيني راح يندم على كل شي ولو وصلت بينكم هالكلمه راح تخليه يتراجع ويحس بقيمتك وباهتمامك فيه وخاطره عندك ,,,,,,
اتمنى ان الموضوع مفيد للجميع
