:I O الدنيا ضاقت بي O I:

أكبر غلط

و الله انج ترمين نفسج عليه

حتى لو زوجك
لازم من البدايه ما تبينين له انه انتي ما تقدرين على زعله و انه هو كل شي
صحيح هاذي الحقيقه بس الثقل زين

شوفي هو ثقل عليج كيف و انتي جنيتي عليه

ما يصير المفروض من البددايه يصير العكس

نصيحتي ثقلي و لا تتصلين و لا تطرشين حتى مسج

ترى بعدين حتى لو غلط عليج لا سمح الله بعد الزواج بينتظرج انتي تقوليله ما عليه ما صار شي المسامح كريم

و بتصيرين ملطشه


لا تتهاونين

و شوفي شو بيصير و طمنينا

ما احاول احرضج عليه بس و الله الرياييل لازم في هالفتره شوي تروضينهم لانهم يبون كل شي سهل و لصالحهم و انتي دايما كوني الغلطانه و المتاسمحه و اللي ترمين نفسج عليه

بس صلحي الموقف بسرعه و لا راح تتعبين بعد الزواج

[frame="2 80"]نفس ردود الاخوات خلج ثقيله ولا تبينين له انج طايحه عليه صدقيني من اولها ولا تندمين بعدين انه يتعود انج انتي اللي تراضين ولو هو الغلطان .... اصبري لين هو يهدا او يفضا وبيتصل اكيد اكيد ... وانتي اشغلي نفسج باي شي ... وبعدين انتي سويتي اللي عليج واتصلتي مره ومرتين وثلاث وطرشتي مسجات شو بتسوين بعد وهو ترا تحصلينه ولا على باله ... الرياييل كلهم جيه باردييييين بخصوص ها الامور واحنا ناكل بعمرنا اكل ... يا جبل مايهزك ريح وخلج قويه دام انج ما غلطتي .. وان شاء الله يرجع احسن من اول ويتمم الله بينكم على خير [/frame]

مرموم:

السلام عليكم و رحمة الله و بركاته

هلا بيكي أختي....

طبعا أنا مش عارفة سبب الزعل...لكن لو كنتي إنتي السبب يبقى لازم تعتذري...علشان من البداية يكون في إحترام متبادل بينكم...

إذا إعتذرتي...خلاص...

لأنه النفس البشرية هكذا...تشتري اللي يبيعها...و تبيع اللي تشتريها...

ما تكلميه و لا تبعثي مسجات...و في نفس الوقت كلمي أمه عادي و ما تسأليها عنه...هي أكيد راح تبادر بالكلام...و هو راح يعرف إنك إتصلتي فيها...و قمتي معاها بالواجب...

و من الآن...لو كنتي غلطانة إعتذري...و ما تخلي أحد يغلطك أبدا.,..لكن لو مش غلطانة...خليكي عزيزة...و اللي زعلك ييجي يصالحك...

بالتوفيق إن شاء الله :)

اختي مرموم

عزيزتي انا راجعت نفسي اذا كنت غلطانه ..والصراحه انا ما غلطت في شي
والمفروض يوم اتصلت له يخبرني اذا زعلته يمكن انا قصدت شي وهو فهمها غلط المفروض يعرف
ليش انا تصرفت هذا التصرف

وعلاقتي مع الام اكيد ما بتتأثر


لأنه النفس البشرية هكذا...تشتري اللي يبيعها...و تبيع اللي تشتريها...

صح كلامج

الصراحه امس فكرت اتراجع بس فات الاوان يمكن انا ظلمته ويايه وهو مستحي يقو ل


تسلمين عزيزتي

الحقران يقطع المصران.......وشوفي شبيسوي

[grade="00008B DC143C 008000 4B0082"]انا رايي من راي البنات .. انتي اتصلتي كذا مرة ورسلتيله مسجات ... لهنــــــي وبس لاا ترسلين ولاا تتصلين وخلج ثجيله ولما يتصلج ويقولج وينج واشحقه ما تتصلين قوليله انا اتصلت المفروض انك لما شفت الرقم انت اللي تتصل عليا ولو قالج انا مشغول قوليله عالاقل طمني بمسج .... وووووبس .....[/grade]

حبيبتي


انتي لاتتصلين

خليه هوو يتصل

والله يوفقج

[grade="808080 FF1493 800080 4B0082 808080"]مثل ما قالولك كل النبات ,, انتي سويتي اللي عليك ,, الباقي عليه

ترى بعدين بيصير كل دقيقه يزعل على اتفه الاسباب ,, حتى لو كان شي اصلا ما يزعل

ويمكن يصير يقول انا اللي اراضيك دايما وانتي لا !!

لا تستغربين ترى كثير رجال كذا يسوون

بيزعل وبيحطك انتي الغلطانه وكل شي بيخليه فوق راسك

انتي عارفه انك ما شويتي شي ,, وغير كذا اتصلتي وارسلتي مسجات ,, وفي النهايه ما رد

خلاااص ايش بقى ؟؟

انتي اشغلي نفسك باي شي ,, ومصيره بيرجع انشاءالله[/grade]

السلام عليكم ورحمه الله

ياربي على هالريايل هو أصلهم أيــــــــــــــــــــــــــــــــــــــــــــه ده .. على قوله المصرين..

لا تعليق ...

بس تحملي لا يكون شايفه له شوفه ..

تحياتي

غاليتي عليك بالدعاء
وثانيا انت الي تقدرين تقدرين الامور ...ان كنت مزعلتنه عليج بالاعتذار اما ان كان العكس ... ولاتعودينه على الاعتذار ان كان الغلط منه لانه بعدين وااااااااااايد بتضايقين من هالشي ..
خليه ياخذ فرصة للتفكير ..والله يهديه ويرده لج رد جميل....... اللهم امييييييييييييين

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

...
...
ولله غمظتيني
ما ادري لو انا مكانج شو كنت بسوي ولله
شكلي بسويلة اكبر طاف

الله ايعينج
بس انا مش مع القطيعه ابد
...
...

و

مع تحياتي لج
deeeeeeeeeeb

حبيبتي اذا انتي غلطانه ولا مب غلطانه الي عليج سويه .. طرشيله مسج مثل ما قالت الاخت ريـمـا

واقطعي عنه عقب ... اذا رضى رضى ما رضى بعد شو بتسووين ...

بس نصيحه حتى لو ما تكلمينه يالي عنه يمكن في يوم من الايام لا سمح الله يمرض وما يشوفج سالتي عنه .. صدقيني ما بينسى هاليووم ....

خليج متواصله ويا اي احد من خواته بحكم انج تاخذين اخبارة من دون ما يعرفووون .... ولا تتصلين ولا تطرشين مسجات من عقب مسج الاعتذار ..

بداية اسال الله لك التوفيق
وحبيت اوضح لك ان اللي تعانين منه شي طبيعي
كلنا تعرضنا له

اختي انا عن نفسي بنصحك بهدوء الاعصاب
وتماسك النفس..........انتي في بداية تكوين حياة اخرى لم تعتادي عليها......ستمشين طريق تجهليه


(الزواج)
ذاك هو الطريق الذي انصحك بتوخي السير فية ....لا تندفعي ....حذارِ من التسرع....واربطي حزام العقل إذا قادتك مشاعرك..... فالعثرات كثيرة......والمطبات متوقعة

دائماًابحثي عن الارشادات .... ولازمي السلوك المتزن


(بداية الزواج)

صعبة..مربكة...وفي نفس الوقت حلوة...وعطرة

مثل ما بتضحكون للحب ....وتشعلون شموع........وتلحنون الشعر
بعد الحب بيزعل عليكم.....والشمع يدمع........والشعر يصمت

انتي يا عرستنا الكتكوته الحبيبة....توك كتكوتة ....وتجربتك للحين ما فقست
وصيتي لك......الصبر .......الصبر........ثم الصبر

بتمرين بالجفا...... وبتلقين اللقا

لكن الاهم من ذلك كله ..... حبك لفيه بشرايط جميله من العقل ...وعطريه بالهداوة.....


وقدميه لحبيبك هدية


حسسيه بنضجك.... برجاحة خياراتك.....باهميتك المهمة.......



عزيزتي.....
اتمنى ان كلامي افادك ..وما اذى مشاعرك الرقيقة
اتمنى لكل من يقرا النصيحة ان ينتصح بها
فهي تجربه امر بها ولازلت
ولله الحمد



اللهم رضاك ورضى الوالدين ورضى زوجي
آميـــــــــــــــــــن

نصيحتي لج ..

إذا غلطانه اعتذري ..

وبما إنج اتصلتي ودزيتي رسايل ..

ما لج إلا الانتظار ..

والثقل زين .. بس مب مع كل الناس

ومافي شي اسمه كرامه وثقل بين المره وزوجها ..

ونصيحتي ..

بعد ما ترجع الأمور لمجاريها .. لا تطوفين الموضوع
واتفقي معاه على أساسيات لازم تسوونها اذا حد منكم غلط في حق الثاني
يعني مب يحقرج ..
لازم يقول لج عن الشي اللي زعله منج .. انتي ماتعلمين الغيب ويمكن يكون قصدج مب تزعلينه بس هو يزعل ..
فلازم الامور تنحل بالتفاهم مب بالحقران

وتمنياتي لج بحياه سعيده وهانئه
وبشرينا عنج