أي الكلمات اللي تحسين انها تهووون (عانـــــس)او(مطلقـــــــة)

انا بالنسبة لي كلهم يهونون

بس نظرة الناس والمجتمع هي اللي تغيييير ...

كلمة مطلقه مافيها شئ

بصراحه من رائي تكون عانس أرحم وأفضل بس المطلقه قويه

والله الموضوع هذا ما احس انه يفيد احد لانه كأنه عياره او شماته للمطلقات والعوانس

]كل الكلمتين لها وضع مختلف

واظن زمنا هذا تساوت عندنا المتزوجه بالمطلقه بالعانس

ولا لا؟ لان اغلب المتزوجات يعانون مشاكل خيانه قل مصرف ريال يشرب

وحال الله يعلم فيه

تحياتي

السلام عليكم

اشحالكم؟ الصراحة انا مع الخوات بنفسجية العين وغرام القلب واشوف انه كلامهم صحيح

وربي يوفق الجميع

ومشكورين على الموضوع

بنظري أن العانس أهون لأن العانس لم تفشل أما

المطلقة فقد فشلت

بالنسبه لي اشوف ان كل وحده لها ظروف فكلمة مطلقه عاديه خصوصا بهالوقت الي العلم والوعي طغى عالعالم وممكن في البعض يقول مسكينه اوفشلت اوغلطت لكن هذولا اشخاص عندهم تفكير شوي رجعي ليش ماتكون تجربه وما اكتب الله انها تكمل وومكن تكون المطلقه نفسها اسعد عن داهلها لانها ماكانت مرتاحه عند طليقها لكن صح ممكن نقول غلطت وماتتتحمل المسؤليه اذا خانته اوماحترمته ووممكن نقول مسكينه لوكانت تحبه لكن هو مزاجه طلقها
واما العانس هذا الشي الي ماتمناه لحد لانه تكون انحرمت من كل شي اوكي هي مرتاحه لكن حلو لماتكون ام او زوجه لهامملكتها الخاصه الانه البعض تخاف من الزواج فتفضل جلستها عند اهلها
ومهما قالت انها سعيده تجيهاغ كثير من اللحظات الي تتمنى فيها انها تعيش مع من راح يكون زوج وحبيب وصديق ومع اولاد يملون عليها حياتها وينذكر اسمها مع احفاد احفادها
لكن كل من حملت هاللقب سؤاء مطلقه او عااااانس فالله كاتب لها هالشي وهو سبحانه ادرى بالافضل لها فممكن العانس لوتزوجت تعذبت بزواجها وممكن المطلقه لو جلست مع مشاكلها ولم تتتطلق ضاعت اولادها او لولم تتزوج وقعت بمعصيه يعني الله ادرى بحالنا ونوكله امورنا
وبالنسبه لي المطلقه افضل

انا برايي كلمه مطلقه اهون من عانس

اولا ماشي كلمة عانس في قاموسي

خاصه هالزمن البنت ما تضيع ان شاءالله حتى لو ما تزوجت

البنات الحين يشتغلون ويدرسون ويكافحون من أجل المجتمع ..

يعني هم يأسسون المجتمع مثل ما الأم تأسس مملكتها

وإذا قارنتوا وحده ما متزوجه وعايشه في بيت اهلها معززه ومكرمه ولها كيان في المجتمع .. احسن من وحده عايشه ذليله عند زوجها ويمكن ما تعرف تربي عيالها ويكونون عالة عالمجتمع


أما الطلاق.. دام انه مذكور في القرآن فهو رحمة للعباد

يعني الطلاق رحمة للأزواج اللي ما قدروا يتفاهمون او اللي موقادرين يكملون حياتهم كلن له أسبابه طبعا

وابدا المطلقة ما تكون فاشلة ان شاءالله

وكلن ياخذ نصيبه بهالدنيا

بنت الغالي:
انا ماشووووووف فالكلمتين أي شيء عادي.......... يعني المطلقه مسكينه شلت في تجربتها وانشالله بتكمل طريقها.............والعانس مالها ذنب وماله داعي نقول عانس بالعكس ياما بنات ماتزوجوا وعايشين ومرتاحين وناجحين بحياتهم اكثر من المتزوجات...............

سبحان الله دارت الايام ........الرد الي فوق كتبته لما كنت مخطوبه وكان نكي خطيبة الغالي وانا الحين فكيت الخطبه قبل الزواج بس فيه عقد قران يعني حملت اللقب الي تتكلمون عنه (مطلقه ) ... الحمدلله اني ماكنت معارضه اللقب من البدايه قدر الله وماشاء فعل .........

الله يعوضج يا بنت الغالي بالرجال الي يحبج ويقدرج ويحطج فوق راسه ..وكل شي يا حبيبتي قسمه ونصيب ..

اشكركم لطرحكم وجهة نظركم

اكيد عاااااااااااااااااااااااااااااااااااااااااااااااااااااااااااااااااااانس لاني اكره الفشل :sad:

بالعكس حبيبتي كلمة عانس تهون
وماهو فشل....

يسلملي حضورك