هل توافقين على زوج اصغر منك؟

العائدات 09-02-2006 32 رد 3,877 مشاهدة
غ
السلام عليكم ورحمة الله وبركاته
خواتي
نيستو ان سيدتنا خديجه اكبر من الرسول صلى الله عليه وسلم
وشو كانت حياااتهم ولا اروع

لا تقولولي الزمن غير
لاء بالعكس
احيانا تحصلين كبير وشغله بالملايين بس عقله صغير مستخف ...واحيانا صغير بس اخلاق وذوق وأدب بس صدقوني تلاقونه محترمها وشالنها ع راسه ومستعديبيع اللي وراه وجدامه عشان يرضيها

وخلنا من كلام الناس ان الحرمه تكبر اكبر من الريال لأن اللي يسمع لكلام الناااس يتعب وقدوتنا سيدنا محمد عاش اروع حياه مع سيدتنا خديجه ولازالت هي المحببه لقلبه ....سبحان الله
بالنسبه لرأيي عادي لو اخذ واحد اصغر عني بسنه ويشتغل وقادر انه يتحمل المسؤؤليه ويحطني على راسه وما علينا من كلام الناس اما اخذ واحد صغير وما يشتغل اكيد هاي لاء .. وبعدين انتو نسيتو الحديث الشريف ( من اتاكم من ترضون له دينه وخلقه فزوجوه فان لم تفعلو ) ما يحضرني الحديث بالضبط ... يعني نحن احين استوينا نهتم بالامور الحياتيه اكثر في الحديث ذكر اهم شيئين الدين والخلق وماذكر صغر السن ... وارد واقول اكبر دليل قدوتنا سيدنا محمد صلى الله عليه وسلم ....
واسمحولي ع الاطاله

اختلاف الرأي لا يفسد في الود
s
عادي ليش لا السيده خديجه اكبر من الرسول صلى الله عليه و سلم
r
مستحييييييييييييييييييييل مستحييييييييييييييييييييل مستحيييييييييييييييييييل

انا اذا واحد ياني اكبر مني اب سنتين اقووول مستحييل احب عل اقل اربع سنين الى ست .... احب ريلي يكون اكبر عني في كل شي .. التفكير العمر ... يحسن التصرف .. يعلمني ان غلطت يصير ابوي و هلي و كلشي .. شاسوي ابواحد اصغر مني اربيه هههههه؟
ش
الرجل ليس بسنه الرجل باخلاقه وشهامته ومواقفه

في رأيي السن ما يشكل اي عيب ودام الرجال خلوق وطيب مافيه اي مشكله

ويمكن الرجال الاصغر في السن يكون احسن من اللي اكبر
ب
انا محجوزة لواحد اصغر مني بسنة عادي أهم شي انه طيب وخلوق ومؤمن ويخاف ربه ومن خلال كلامي معه احسه مثل مستوى تفكيري (الحمدلله)
a
السلام عليكم
انا عن نفسي متزوجة بزوجي وهو اصغر مني بسنة وشهر .....لكن ده طبعا ما كان مقصود لكن هو حبني وانا شوفت فيه انسان محترم واخلاقه عالية جدا ما شاء الله ....وخصوصا ان اللي يشوفنا يقول اننا اخوات يعني شكلنا صغير و انا شكلي يعطي اصغر من سني فكان ده عامل مساعد ليا وخصوصا ان عقله كبير ويمكن يكون اكبر من عقلي في تفكيره وقراراته عشان كده ده مساعدنا جدا واعتقد ده افضل من ان اتزوج واحد اكبر مني في السن ويكون تافه في تفكيره وفي كل حياته .....وطبعا ده موش شرط ان الكبير في السن يكون عقله كبير برضه او العكس .....واكيد في النهاية التوفيق كله من عند الله .....
وشكرا
ا
متحيل كنت اقبل لاني ولله الحمد متزوجة من واحد اكبر مني ب 11 سنة وكل يوم بادلع عليه اما اذا كنت اكبر منه فالله يستر ايش كان صار
ا
اشكركم حبيباتي عالمرووووووووور
تحياااااااااااتي
عااااااااااائدات
ش
الغالين ممكن الاراء تختلف....انا كنت شذيه ارفض دوم بسبه انه المعرس اصغر .... وكنت دوم اشجع الكل انه الوحده مستحيل تاخذ واحد اصغر منها....لين ياني النصيب...اخو زوج اختي انسان في منتهي الروعه اخلاق وادب ودين ...وكل هذا شارني ومتعلق فيني ...بس اصغر مني بسنتين ...انا رفضت في البدايه واصريت على الرفض ...بس مع النقاش مع الاهل والاستخاره والمشاوره...وافقت وخاصه انه يعتبر من النسايب,,,والله والله عشت حياتي معاه ولا اروع...صدق انسان بمعنى الكلمه...الزواج مافيها عمري كم وعمرك كم...لا الزواج عشره عمره تلغي كل الجواجز بين الزوجين .....مالها دخل بالعمر المهم يكون ريال واخلاق ودين وبس ...
الحمدالله اني وافقت عليه واشكر ربي ليل ونهار على هذا الريل...واتصدقون اني بعض الاحيان انا اقول ...انته لازم تسمع كلامي انا اكبر وحده في البيت من باب المجامله ...والحمدالله عندي ثلاثه وعمري ما حسسني اني اكبر منه بالعكس دوم يدلعني واحسسني اني بعدني بيبي ..ودوم ايقولي انتي دلعوتي ...وبنوتي الصغيره...
صدقيني العمر ماله دخل ابد ...المهم الدين والاخلاق
g
يفضل هو يكون أكبر علي الأقل 5 سنين
ب
السلام عليكم ورحمة الله وبركاته
بالنسبه لي مستحيل اتزوج واحد اصغر مني لانه بعدين يدلع علي واذا تخاصمنا بيقولي لاتنسي اني اتزوجتك وانتي اكبر مني
وممكن يقولي يالعجوز
واذا قلتله شي ممكن يقولي اسكتي احمدي ربك لاني تزوجتك

لا لا لا مستحيل مارضاها لنفسي
j
انا دايما كنت افضل لو الريال اكبر بس الحين حاطة عيني على واحد 7 شهور اصغر مني بس والله عقله كبير
ا
قد تختلف الآراء لكن نبقى حبايب
أشكركم عالمرووووووووور
حبيبااااااااااااااااتي
عااااااااااااااااائدات
:clap::up::clap::up:
X