الحمو الموت000ساعدوني

salamo 3alykoum
la ta3ah lemakhalooq fe ma3seyat el khaleq

الله يكون بعونج اختي

الله يسهل عليج الموضوع ويوفقج بس لاتياسين حاولي
بس حاولي انج لو ما قدرتي اتغطين ويهج بس انج تتحجبين واتحاوين انكم ما تتخالطون مع بعض وايد في انهم يعزلون الرياييل بروحهم في يلستهم وغداهم والحريم نفس الشي واشويشوي بتقدرين اتحلين الساللفة والله يعينج يالغالية

حبيبتي ما عليج منهم تغطي ابركلج ولا تطيعين اي احد في شي يعصي الخالق

بصراحة اختي طاعة رب العالمين اهم من زوجك ورضا رب العاملين اهم من رضا زوجك

خلي زوجك يزعل منك ولا يغضب رب العباد عليك

حاولي تقنعينه وحتى لو رضا بالغصب ومن دون نفس تغطي بسرعة ولا عليك اهم شئ انه رضخ للأمر الواقع وبيني له حكم الغطاء بالاسلام

وصدقيني ربي بيوفقك ان شاء الله اذا تغطيتي وبيسهل امورك حتى لو زعلوا منك ربي بيفرجها عليك بأذن الله سبحانه

الله يعينك ويسهل عليك يارب

الله يعينج أختي أم طالب،بالفعل فيه عائلات عندهم لازم الكل يجتمع

على الوجبة،يعني العادات عندهم مهمة،ومايفتكرون بأنه هالشي خطأ..

الحمدلله نحن ووايد من العائلات ماعندنا هالسوالف،الحريم بروحهم

والرياييل بروحهم..

أختي الحمدلله أنج انتبهتي للخطأ اللي صاير،ونصيحة رضا الله أهم من

رضا الناس،وزوجج مابيزعل لو كانت هاي رغبتج،وحتى لو زعل ماعليه

بيرضى ان شاء الله،لكن تذكري لاطاعة لمخلوق في معصية الخالق..

وبالفعل الحمو موت،لازم الوحدة ماتسولف مع أخو ريلها وتيلس معاه

حتى لو زوجها موجود،ممكن سلام من بعيد لبعيد،لكن يلسة وسوالف خطأ،

وخطأ كبير..الناس يوم تتعود على شي خلاص ماتتغير إلا من رحم ربي

يعني ماشاء الله أنتي حسيتي إنه بالفعل خطأ اللي يصير..

تحملي شوي تعليقاتهم،بس يوم بتروحين بيت أهل ريلج،وقت الغدى قوليلهم

إنج بتتغدين مع مرت أخو ريلج،خله يقولون اللي يقولونه مايهمج،رضا ربج ،أهم

أنتي عامليهم بالحسنى ولاتتضايقين من كلامهم اللي بتسمعينه مع الوقت

بيخفون عليج..

وعلى فكرة خواتي الحمو مش بس أخو الزوج،الحمو كل رجل في العايلة يحرم علينا

عيال العم،عيال العمة،عيال الخال والخالة،صح نحن ياما لعبنا وتربينا مع بعض

لكن يا بنات،الوحدة من تكبر خلاص لازم ماتحتك فيهم وتتكلم معاهم،والوحدة

لازم تلتزم بحجابها،والأفضل إنه ما يكون هناك تواجد في نفس المكان،ممكن سلام

من بعيد لبعيد،لكن مايكون هناك يلسة وسوالف...

أدري هالموضوع صعب على الناس اللي تعودوا على أهلهم،لكن حاولوا،المشكلة

الاهل اللي ماتقول لعيالها،هذا صح وهذا خطأ،لكن بالفعل لازم مايكون هناك

إحتكاك مباشر،والدليل ياما بنات إتم تسولف مع عيال عمها أو خالها،ويصير

هناك إعجاب ومحبة بينهم،نحن مش ضد المحبة لكن خطأ الإحتكاك المباشر

لذلك أتمنى يا بنات تحرصون على هالنقطة..


في أمان الله

السلام عليكم ورحمة الله وبركاته

أختي الحبيبة... um 6aleb ...
الله يوفقك وييسر لك أمرك،، أنا اشد على أيدكِ بقوة يالغالية...
فعلا قراركِ صحيح 100% ،، صحيح هو متأخر بس مو مشكلة..
شوفي يالغالية...
الأمر في بدايته يمكن راح يكون فيه صعوبة كبيرة...
لكن نصيحتي لكِ يالغالية...
* عليكِ بالدعاء ثم الدعاء ، ادعي الله سبحانه أنه ييسر لك هالأمر لانك تسعين لرضاه وطاعته في هالقرار.. وادعي أن الله يلين قلوبهم عليك ويسخرهم لك وأنه يجعل هالأمر هين بالنسبة لهم..

* وأجلسي مع زوجك لما يكون رايق وتكلمي معه عن قرارك بكل هدوء،، بحيث يقتنع فيه،، ومهم جدا أنك تقنعينه عشان يوقف في صفك ويكون عون لك بعد الله في هالأمر.. واطلبي منه مساعدتك في هالشي وبيني له وش كثر دوره ووقوفه معك راح يساعدك كثير،، على أني مو متزوجة بس عموما الرجال يحبون المرأة ألي تحسسهم بقيمتهم ودورهم،، بس بدون خضوع وتذلل بزيادة يعني خير الأمور الوسط..

* بعد مايقتنع زوجك بقراركِ ، أفضل شي هو بنفسه يوصل قرارك بكل هدوء لأهله ويقترح عليهم فصل الحريم عن الرجال ويبين لهم بطريقته أن هذا ماراح يفرقهم،، ويبين لهم حكم الدين... لأنه أنا متأكدة تماما كل أهل الخليج خاصة الرجال والحريم الكبار فيهم ، فيهم خير كثير بس أحيانا عن جهل يعتقدون أشياء معينة، بس لما يجلس معهم شخص قريب لهم ويحبونه ويناقشهم بهدوء ترى راح يتأثرون ويوافقون،، لان كل شي عندهم ولا شي يغضب الله سبحانه ورسوله..

* توكلي على الله يالغالية وتغطي وعليك بالدعاء واللجوء لله سبحانه وتوكلي عليه .. وثقي بأن الله سبحانه راح ييسر لك الأمر بدون أي مشاكل بإذن الله..

الله ييسر لك أمرك ويلين قلوبهم عليك ويسخرهم لكِ..
أتمنى اسمع منك خبر عن قريب تبشرينا فيه بأن الأمر تم بدون أي مشاكل..

أختك الداعية لكِ بالخير / حنـــ سدير ـــين

السلام عليكم ورحمة الله وبركاته

أختنا الغالية... أميرة البجع...
ماشاء الله كفت ووفت،،
الله ييسر لك كل أمرك ياررررررب
* * *
وهذا رد خاص لأختي الغالية... zahoora

ثم ان الله حرّم من المرأة الشعر اما الوجه فلا

لان لو كان هذا الشيء ما كشفت المرأة وجهها في الحج

اذا طلب منك زوجك كشف شعرك ناقشيه

اما مع الوجه فلا حرج

عفوا أختي الحبيبة اسمحي لي أن أخالفكِ في الرأي...
نعم يالغالية... الإسلام أباح للمرأة كشف وجهها في الحج ولكن تذكيري يالحبيبة حديث أمنا أم المؤمنين عائشة رضي الله عنها ، كانت تقول بما معناه: أننا كنا في الحج نكشف وجوههنا فإذا حذونا الركبان اسدلنا الغطاء على وجهنا.
وهذا دليل واضح على وجوب تغطية المرأة لوجهها، لانه كما ذكر في الحديث يكشفون وجوههم في الحج عندما لم يكن بقربهم أحد ولكن بمجرد اقتراب الرجال منهم يسدلون الغطاء على وجههم..
وهناك أدلة توضح ذلك...

أحببت أن اوضح لك هذه النقطة،، وأسأل الله أن ييسر لنا طريق الحق وكل مايقربنا إلى رضاه..

أختـــــكم المحبــــة / حنـــ سدير ـــين

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
كيف الحال إن شاء الله دوم بخير ؟
أذا تبين رائي أنك تغطين أحسن أنا أختي كذا اذا رحنا بيت عمي ما تطلع من الغرفة إلى الصالة إلا لما يكونمافي احدمن عيال عمي ولا حتى تسلم عليهم باليد سلام من بعيد وأنا احاول بعد مثلها ( لأن انا ماخذه ابن عمي ) بس هم يمدون يدهم علشان يسلمون أنا بعد شسوي مثل مشكلتج؟؟؟؟؟؟؟؟؟؟؟؟؟

السلام عليكم و رحمة الله تعالى و بركاته
اسفة عزيزاتي اني حخرج شوي عن الموضوع، بس بدي اعرف شو معنى قول رسول الله عليه الصلاة و السلام " الحمو الموت"، ليه يعني الموت، ما فهمت.
جزاكم الله خيرا

حبيبتي ذكرتيني في نفسي يوم اتنقبت ..

بس طبعا انا لا معرسه ولا شئ بعني بنت .. ونحن عايلتنا تقريبا نفسكم .. وطبعا يوم اتنقبت شنو علي حرب .. اللي يقولي زورو واللي يقوللي عيوز واللي واللي .. شو اقولج .. ولا بعد ويقولولي انتي ما بتعرسين.. ليش عشاني اغطر ويهي .. يعني وااايد تعليقات بس الحمدالله استحملت .. وترى انا احصل تعليقات مرات من ابوي وساعات بعد من اخواني.. هم اتحسينهم مفتخرين اني متغطيه بس بعد جدام الاهل .. طنازة وجي .. يعني نفس .. مرت اخو ريلج .. بس عادي انا اضحك واسولف عادي .. وادعي ان الله يهديهم ..

ذكرتيني باختي هي نفسج .. اتشوف اللي يستوي فيني واتخاف تتنقب .. وكل ما حاولت اتغطي ويها .. حد يقووللها شئ اتسيل الغطا ... حليلها اختي .

يعني ابا اقولج بتتنقبين اتنقبي .. بس لازم تستحملين اللي اييج ... وبعدين ما تعرفين انتي يمكن اذا شافوا ان انتي اتنقبتي ومرت اخو ريلج متنقبه ما تعرفين يمكن روا حهم اخوان ريلج يطلبون من امهم ان يفصلون .. ان انتوا رواحكم وهم رواحهم .. ما تعرفين ..

بس اهم شئ ... انج اذا غطيتي ويهج ما تفكرين انج اتظهرينه .. الله يوفقج ويسعدج انشاءالله

عشان جي اقولج اتوكلي على الله .. والله يوفقج انشاءالله ..

وايد اسولف صح .. : )

اختج جسوووووور المحبه

ذكرتيني بحالة أختي مع أهل ريلها بس أحسها أصعب تعرفين ليش
لأنهم عبارة عن عائلة متفاهمة ومتعوديين يكونون إيد وحده و دوم مع بعض سوالفهم و يلساتهم
و الأصعب إنه يوم الواحد منهم بيعرس يجمعون في الصالة مع بعض ويشوفون فيديو العرس مع بعض
وصور الألبوم بعد وعادي يتكلمون عن حريمهم مع بعض
هذا بين الشباب الأبو و الأم ما يدرون ولا ليهم دخل
حرمة ولدهم ما كانت تدري لحد واحد منهم قاللها صور فلانة ((حرمة أخوهم الأجدد )) يوم عرسها أحلى عن صور عرسج

تعرفييين تنقهري ليش تشوفون الصور ، ليش كل شيء عادي عندكم الشرع له حدود والدين

مرة كانت عائلتهم مجتمعة كل البيت الإخوان وحريمهم والوالدين وكانوا يسولفون مع بعض

والواحد منهم ما يثمن كلامه الصراحة لأنه واحد منهم سأل أختي على باله ينكت
إنتي إشقايل تبوسين ريلج جدامهم عادي و الكل يضحك ، أختي ما سكتت غسلت شراعه وسبته
قامت حرمته إدافع عنه ليش تسبين ريلي
ردت أختي أول إسمعي ريلج شو قال بعدين تعالي ارمسي
هالكلام محد يقولها ، هم للأسف كل شيء عندهم عادي

و صدق الرسول صلى الله عليه وسلم يوم قال((الحمو هو الموت))

وآسفة على الإطالة

تغشي مهما صار إنتي الرابحة في النهاية

أول شي أخواتي العزيزات مو حرام إذا الوحده ما غطت وجها وجه المراه وكفها ليستا بعوره أبدا .
فأستغرب من اللي تقول حرام وعن يلحقك أثم إذا ما تغطيتي(ودي أسألها اللي تقول كذا إذا تسمحي جيبي لي فتوه تحرم كشف الوجه)

ثاني شي انتي إذا حبيتي تغطي وجهك أنتي حره أختي العزيزه بس كان أولى من البداية مش الحين بعد ما كليتي وشربتي ومزحتي معاهم عادي كأنك أختهم. وبعدين أهل زوجك يمكن يفهموك غلط عن يفتكروك جالسة تعملي جذب إنتباه ومن هذا القبيل .

بس اللي أستغربه ليش أنتو الرجال والحريم ياكلون مع بعض؟؟؟؟؟؟؟؟

من يوم في بيت أهلي واحنا ناكل منفصلين حتى لما تزوجت لما كنا أنروح بيت عمتي كانت تفصل لي ولها ناكل أحنا الثنتين وأخوان زوجي وزوجي مع بعض بس ممكن نكون كلنا بنفس المكان بس هم بصفرة وأحنا بصفرة ثانية .

ممكن انتي أتجيبيها عشان تفصلو عمركم عن الرجال قولي عشان بعد خاطر زوجت أخوهم يعني حرام كيف تقدر تاكل بغشوتها

هلا اختى والله من كمن يوم كنت اقرأ قصه عن الحمو الموت ....

شوفي اختى ....دامج خلاص عرفتى انه حرام اتغطي ...والمفروض زوجج يقولج وهاتيله قصص من النت علشان يتأثر ...وتغطي ....بعد

وعن الاكل يوم الغداء ....الله يهدي عمتج قوليلها نحن الحريم خلاص نبغي ناكل بروحنى ....علشان تخذن راحتكن .....وما عليج لا

تتحسسن وانتى تقوليلها ...وقوليلها ليش حرام ....خذيها بناحيه دينيه .....واي شي دينى يتقبل بسرعه .....

وخبرينى عن النتيجه

و أتمنى من كل اللي يسألون ليش الحمو الموت قالها صلي الله عليه وسلم ....تدخل وتقرا القصه ....

وكل شئ قاله الله ورسوله عليه السلام .....يطبق ...

قصة (( الحمو )) الموت

http://go.3roos.com/qk93lb5uiTV

وجزاكم الله خيرا ...صح اني مش متزوجه بس نصيحه ...لا تسون سالفه لاخوان ازواجكم ...الا الكلام بحدود ...نفوس الشباب تغيرت يعنى لا تسون مثل امهلتكم ....كانت النفوس قبل صافيه ....

الله يعينج

وخبرينا شنو يصير معاج..

الله يسهل عليج الموضوع ويوفقج

حبيبتي...انا شخصيا مع الراي بعدم تحريم كشف الوجه...يعني معروف ان الفتاوى عديدة (من رحمة الدين) في هذا المجال.

فاذا انتي حايه تتغطين عرى راحتج...بس ترى تغطية الوجه مش الحل !......اولا..المفروض مايكون فيه تباسط بالكلام بينج وبين اخوانه...بمعنى..مافيه ضحك ولا غشمره ولا سوالف مالها داعي...يكون الكلام في نطاق الضرورة بس كاجابه على سؤال بس. وبعدين حاولي اذا هم مجتمعين ..تروحين تسوين لج شىء في مكان ثاني..بحيث يتعودون انج ماتكونين موجوده في حضورهم...وهم بيسحون بهالشىء مع الوقت

والشغله الثانيه بعد...لا تتعطرين وتتدخنين في حضورهم وزياراتكم لهم.........لان هذا فيه فتنه كبيرة للرجال

ولاترفعين صوتج وتضحكين لان يمكن يسمعونج ويجي شىء في خاطرهم..وهذا وارد جدا

انا شخصيا..اشوف ان وجهج اذا مافيه زينه او مكياج ولا انتي جميلة الى درجة الفتنه...فماله داعي تتغطين...مجرد راي شخصي

واذا انتي مستحبه تتغطين اكيد هذا راجع لج...لكن خلي التغطية جزء من التغيير الشامل

شالفايده اذا غطيتي وجهج مثلا وكنتي متطيبة ومتزينه وكاشخه؟؟ او اذا ضحكتني وياهم وتسولفين عادي بدون حدود؟

اتمنى فهمتي نظرتي للموضوع :)

اسمعي اختي مره وانتي رايحه بيت اهل زوجك مهدي الموضوع وبعدين حطي خالتك امام الامر الواقع وجيبي ادله من القران والسنه وفهميهم ان الموضوع مافيه مجال للتفكير او الاختيار وما اعتقد انك راح تواجهين كثر مواجهه نبي الامه مع اعداء الله قريش وتحملي في سبيل رضاء الله واحتسبي الاجر والله معك ثم حنا