ردا لسؤال مقهورة .. من لم يـتـقـدم لـخـطــبتها احـد أبـداً

ليه كل هالتشاؤم تفائلوا بالخير تجدوه

السلام عليكم ورحمه الله وبركاته ....

اول شي ... انا في كثير من الردود قريتها نرفزتني او قهرتني .....
المهم ... انا بقول وجهه نظري ولا حد يزعل مني ... ولا حد يقول اي عشان هي يدها في الماي البارد ما تدري الي يدها في الماي الحار....!!

خواتي ... انتو ليش مصورين الريال ان هو الخلاص لمشاكلكم النفسيه ... .. صدقوني لمه تدخلين بيت الزوجيه أول شي تفتقديه وانا اقولكم عن تجربه شخصيه هو سريرك وغرفت نومك وخصوصيتك وملحفك وكل شبر فيها .. وحتى الغبار تفتقديها فيها ....
تلاقي نفسك من ناس يخدموك إلى انك تخدمي .. وتشيلي وتحطي .. صحيح هو عن طيب خاطر... لكن لو ما سويتي محد راح يشيل عنك ولا احد راح يشيل المسؤوليه وتلاقي نفسك تحاسبي على مشاعر الاخرين بأشياء كثيره زوجك واهل زوجك أمو اختو ابوه اخوه خالتو عمتو .. وهاتي يا مجاملات ......
بالعكس انا قبل الزواج ولين قبل يوم الملكه كنت مستمتعه بحياتي اخر متعه ,,,, ودخلت 25 سنه . ولا حسيت بعنوسه ولا شي ... وكنت اشفق على الي يتزوجون صغار ..... الي اعماريه 19 إلى 21 او 23 .. وانتي تقولين عانس انتي ممكن تحسين حتى بنظرات اهلك يقولون ليش ما تزوجت للحين .. بس والله اول ما تتزوجين اول انسان يحاسبونك ليش ما زرتيهم هم اهلك .. يبون يشفونك 24 ساعه .... تقولين كأنك عايشه في القطب الشمالي ....
صدقيني اللحظات الرومنسيه والدلع الي عايشته في الخطوبه ... ما يختفي ولكن مع مشاغل الحياه يقل ... وصدقيني صدقيني والله شاهد على كلامي ... لمه اشتغل في شقتي اقول ايش الغباء الي خلاني اتزوج ,,, مو كرها بالزواج لكن الدلع الي كان الواحد عايش فيه يخليه يحن لكل شي في حياته العزوبيه ......
وهذا الزوج الي كنتي تتمنيه .. فرضنا تزوجتي .. هل تضمنين 100% انو هو الي بستتك وبعيشك عيشه الف ليله وليله ... لا والله يمكن يطلع واحد يزهقك في عيشتك وطلعها من عينك وتعالي عاد الحقي راضيه واخذي بخاطره .... انتي لمه تتزاعلي مع خواتك والله تضربين باب الغرفه .. وطنشين .... كيف بالله تقعدين تراضين طفل كبير بالبيت !! .....
انا اوصف لكم بالشكل العام ولا يعني هذا اني اعاني من مشاكل لا الحمدالله ولكن المسؤوليه الي تفاجئت فيها اصابتني باحباط ,, والله شاهد على كلامي أني إلى اليوم ما اقدر انا مرتاحه واروح الشغل تعبانه ... واحيانا الدمعه تنحبس في عيني من شوقي لأهلي .. وصدقوني اذا اقولكم اني يوميا عند اهلي ... وبعد ما اشبع .....
وانتي بنفسك شوفي مشاكل البنات الا حماتي ما تحبني وإلا عقرت فيني والا ما ادري شفيها اخت زوجي .. وكل وحده مسكينه تشكي ... لمه توزنينها ...... وانتهت حياتك مثلا بلا زوج ...... لا تنسين ان الله سبحانه سيحتفظ لك بزوج في الجنه .. يعاملك كالملكه .. وانا ادري بتقولي شفيها هاذي .. الناس تتكلم الحين مو بعد الموت انا اقولك عيشي وتمتعي انا اشوف بنات أعمارهم في الثلاثين وفوق واشوفهم مستانسين وفرحانين وبعضهم مرو بتجارب زواج ولا يفكرون يرجعون يتزوجون .. الحاجه الجسديه مو الشي المهم .. هناك اشياء اكبر واكثر مع الزواج تقل وتقل واشياء ثانيه تكبر ..

سامحوني على الاطاله انا مو خبره طويله بس اقولكم من بعض الواقع الي عشته والي شفته والي سمعته ..

تحياتي لكم واتمنى الكل التوفيق ........
والله يرزقك كل محروم امين

صح 25 ماتعتبر عاااااااااااااااانس كلش

انا اعرف اكثر من وحده تزوجت 25 وطالع وخذوا نااااااااااس واجد ممتازين لا فوق الممتازين والله

وبعدين اشدراج يمكن اتعرسين السنه؟؟

باذن الله

اختى الغاليه بصراحه حبيبتي ,,,,

الله يرزقك الزوج الصاااالح ... والذريه الصالحه

يعني إنتي اصبري ...

بعدين الله سبحانه وتعالى بده يشوف قوة تحملك ......

وكيف راااح تدعيه ....

يعني الشغله مش هينه .....

اختاااري اوقات الدعاء التي يكون فيها الاستجابه (( ما بين الأذان والاقامه ، وقت السحر ، عند سماع صوت الديك ، عند سقوط المطر ، عند السفر )) وغيرهـــأ

وتضرعي وتذللي بين يدي المولى جل في علااااه .....

ان شاء الله راح يسجيبلك .....

الله يبشرنــــا بيكي ياااا رب .... ونفرح بيكي ان شاء الله

اخواتي صدقـــــــــــــــــاً .......
إن كنتي ترغبين في الزواج فلا تبتعدي عن هذه الطرق ففيها النجاة في الدنيا والآخرة................
وهي طريق واضح سليم آمن من كل خطر فلا تبتعدي عنه .......



1- الإستعفار
2- قيام الليل
3- الدعاء في كل وقت إجابة
4- الصدقة
5- التقرب من الله في كل وقت .......


فالرازق هو الله وليس غيره ........


آخراً........
اسال الله العظيم رب العرش العظيم أن يحفظ فتياتنا من كل سوء.......
اللهم من أرادهن بسوء فأشغله في نفسه ورد كيده في نحره .....
يا حي ياقيوم ياذا الجلال والإكرام