مااااااااا احبه ... اتمنى لو ماوافقت !!!

هلا إختي ميمووونه

أنا بعد كلامي ما بيختلف عن كلام الأخوات ...

أول شي تسويه عشان أكون حقانيه صلي الإستخاره ... واشكي لربج لأن الشكوى لغير الله مذله ..

وإذا شفتي نفسج بعد كم يوم من صلاة الإستخاره مب مرتاحه وياه .... خلاص ... قولي الصدق ...

لأنه صدقيني دام الحين جذي يقولج .. عيل لما تتزوجون ... وفي المستقبل بتييبين له عيال إشقايل بيصرف على عياله :think:..

عيل ليش يضم الفلوس ؟؟؟ الواحد دامه عايش يتمتع بالفلوس ويصرف عليه وعلى أهله وعياله ...

ترا بعد ما يروح الإنسان ويخلف الفلوس من وراه شو الفايده ؟؟؟؟ دامه حي يستنفع من وراها ...

وصج كلام الأخوات في النهايه إنتي اللي بتتلعوزين من وراه مب أهلج .. فلازم توضعين حد لهالموضوع ..

والسموحه إختي إذا طولت عليج .. بس والله تضايجت عشانج .. ولما قريت موضوعج ياتني قشعريره :sad:..

الصراااحه ما توقعت في رياييل جذي بخلا ؟؟؟ :down:

كل عيوب الرجال تهون الا البخل وانا انصحج تنفصلين دامج للحين ماتزوجتيه وطبعا استخيري والاهم تشوفين شو الاريح

والاحسن لج اكتبي مميزاته وعيوبه وقارني بينهم ,, والله يكتب لج اللي فيه الخير ويريح بالج ويطمن قلبج يارب

حبيبتي خلي الموضوع بيد الرياييل :think::think: يعني كلمي أبوج أو أخوج الكبير ويقعد معاه قعدة رجال وياخذون منه كلمه بخصوص البخل يمكن

باجر بعد العرس يصير مصرف البيت كله عليج شنو موقفج انتي لالالا هذا الموضوع ما ينسكت عنه كل شي إلا البخل عشان تقدرين تحددين مصيرج معاه

والله يعينج عليه........:cry::cry:

الله يعينج على ما بلاج ويوفقج لما يحبه ويرضاه ..

استخيري ربج .. والله يوقفج ..انشاءالله

لا الصراحه هالموضووع ما ينسكت عليه ..
وبعدين حتى لو من الاهل شو يعني .. غلطان حبيبتي انه ما يصرف عليج..
والصرااحه ابركلج ان كل واحد يسير بصوب ..اذا انتي مو مرتاحتله ..
واذا هذا بخيل عليج من الحين يا ساتر عقب الزواج شو بيسوي ..
الريال يكون مررررررررررره كريم فترة الخطبه عقب الزاوج تطلع الفضايح ..
بس هو ماشاالله من البدايه ..
بتكونين ندمانه اكثر واكثر عقب الزواج ..
الله يعينج..

ميمووومة:
مب عارفة شوو اسوي
الله يعيني ...business girl
انت شرات حالتي ؟ شو اتسوين او سويتي ولااا شراتي مب عاارفة شو اتسوين

ميمووووووومة

مب قادره اسوي شي .. ماباليد حيله

وكاااااره حياتي كلها

الله كريم وربي يفرجها علينا ان شاءالله

الله يا رب يسعدج انتي و بزنس غيرل

للاسف ما املك غير الدعاء عندكم

واذكوا دائما انه لا يرد القضاء الا الدعاء فاكثروا

الله يعينج اختي

واضح بوضوح الشمس انه خطيبج بخيل

سمعيني ، خليج قويه ولا تستحين في الحق ، واجهي ريلج وقوليله ، يا يتغير ولا الأنفصال

وما عليج من حد ، انتي اللي بتعيشين وياه ، فقرري من الحينه قبل لا تاخذينه وتطلعين من بيته بلقب مطلقه وعيال

خليج قويه ولا تهابين احد

منو اللي راح يصرف على البيت ديري بالج يطلع منج درهم بعدين راح يتعود عليج العمر كله والله يعينج على هالبخل............... أعوذ بالله...........

:up: :up: :up:

::
:
₪₪

مســـاء الورد
غاليتي
..

هلا اختي
من سابق تجــاربي .. المشاعر ما تغيير الا في حالات نادرة
يعني فرضا انك لغيتي سالفة انه بخيل او فيه صفات موزينة ..
اعتبري انه انسان رائع ومافيه اي عيوب بس قلبك ما يميل له
صدقيني صعب بعد كذا انك تحبينه ..
المشاعر هذي بيد الله عز وجل هو الي يخلق الحب في قلب
الانسان يعني موبيدينا .. حتي لو كان الانسان الي قدامك ملاك ..
يعني المشاعر عادة تتكون من اللحظات الاولي من اللقاء
بين اثنين والمفروض هالفترة تكون اروع واحلي فترة بينكم
عشان كذا نصيحة لك لا تكملين .. هالعلاقة ..
الخسارة القليلة الي رح تخسرينها الان افظل الف مرة من خسارة
بعد الزواج والعيال .. بدون وجود مشاعر متبادلة ..
صدقيني بتظلين طول حياتك تعانين وبس ..
وتخيلي مع كل هذاا وانتي متحملة وتتحاولين تتقبلينه كزوج وحبيب
وبالاخير فيه صفات تخليك تنفرين منه اكثر يعني الافظل تسوين استخارة
والله يكتب لك الخير يالغلا

₪₪

لكــ سياج من ياسمين

₪₪

المقيمــة علي الــود
..

قلبكــم الحنــون

اختي الله يكون في عونج الصراحه بس وقاحه منه يقولج عندج فلوس اذا تبين تشترين شئ اذا الحين جي قالج وانتي بعدج مالكه كيف لو تزوجك اخاف يقولج ما عندي شئ ودبري عمرج الله يكون في عونج واختي من الافضل انج تصلين صلاه الاستخاره قبل ما يطيح الراس في الفاس وتشوفين شو بيطلعلج وان شاء الله خير اختج
بنت زايد555

وع وع وع وع ريااااال بخيل امووووت ولا اني اخذ ريال بخيا حشا


ريلي يقول لي يبتي فلوووس معاج اخنقه في السوق جدام الناس


انا الريال والا هو الله يكون في عونج

اللي انا اشوفه الصراحه انه مايصلح للزواج اذا هو من البدايه مايصرف عليج لاوبعد بكل قوية

عين يسألج يبتي معاج فلوس معناه صدقيني مابترتاحين معاه هذا مبين عليه بخيل بس بعد

استخيري وشوفي اهلج شو رايهم مادمتو بعدكم على البر مثل مايقولون والله يوفقج اختي

الله يعينك
استخيري
مطلقة بعد الملكة احسن من مطلقة بعد الزواج

وليش انشالله ما فيكي تتركيه؟؟؟ اتركيه احسن ما تندمي بوقت ما عاد ينفع فيه الندم.
واذا لا سمح الله بعد الزواج فكرتي تنفصلي ..فما حدا رح يرحمك... اتركيه ولا تترددي ..خدي قرارك واقدمي عليه غصب عن الكل..لأانو الي رح يتزوج انتي مو غيرك... بليز خبرينا شو بيصير معك... عن جد انو رجال بلا زوء ولا اخلاق

انتي تقولين بخيل وما عنده اسلوب .. وانج مب مرتاحة معاه وتكرهينه.. خلاص خليه من غير ندم

للاسف حبيبتي ان البخل آفة كل شيء

ومادمت لم تتزوجي حتى الآن حاولي ان توسطي احد من كبار العائلة لمحادثته

والا فاستخيري الله في هذا الزواج

والله معك

انتي بروحج قلتيها اتمنى لو ما وافقت معناته انج ندمانه ..مادام هو بخيل و ما عنده اسلوب شتبين فيه !!!!!!

دامج في بداية الطريق اتصرفي الحييييييييييين احسن

حبيبتى شاقولش!!

إلا البخل الوحدة ما تتحملة
وهو اصعب شيئ عالمرأة

حاولي تكلمينه وتصارحينه عن هذا الموضوع

وانش مستحيل تقدرين تواصلين على هذا الحال


يمكن يعدل من نفسة ما تدرين

لانه إذا وصلت لهدرجة
وما ادري كلامك كتبتيه وانتى معصبة ولا مرتاحة

يمكن تحبينه
ولا شلون وافقتي عليه من البداية لو ماكان في قبول!!

عدل ولا لا!!


وان شاء الله يتحسن الوضع


ربي يوفقش