مرموم:
السلام عليكم و رحمة الله و بركاته
بصراحة...مش فاهمة ! إيش هو العظيم ؟
الله يحفظ لك بنتك يا رب....
منال الكويت:
والله ما أدري آنا اللي أعرفه إن دكتور الاطفال يشخص حالة الطفل ويعطيج حل إما العلاج أو العملية إذا استدعى الامر بس انج تسكتين على الطفلة لالالالا
وديها حق دكتور أطفال خاص شاطر وهو يحكم بعدين مو كل دكتور يقول لج ما فيها شي تخلينه وتطلعين قولي له البنت ما تشرب شي عندي ومعدتها فاضية
ما يصير ما لها علاج وبعدين شنو يعني راسها من فوق نازل ماله علاج ولا عملية الافضل تروحين تعالجينها في عيادات خاصة أعتقد وايد أفضل وأبرك
والله يشافيها ويطمنج عليها.........
خواطر©:
ماعندي خلفية.............. بس حبيت ادعي لبنتك
الله يشفيها يارب..
سحايب دبي:
و الله خايفه انصح بشي يكون مو للحاله اللي هيه فيها
شوفي لها طبيب او مره كبيره تشوف اللي فيها
و ان شاء الله ما عليها شر يا رب
فجر المحبة:
الله يشفيها ويخليها لك يارب..
قريت مشكلتج للوالدة وتقول يمكن إذا وديتها حق حد يمسدها في صدرها ويكون التمسيد على فوق، لأن الوالدة ماشاء الله عليها تعرف تمسد..
والله يشفيها إن شاء الله
wjoud:
يمنع تداول ارقام الهواتف على العام
لبى قلب وليدي:
يا حبيبتي هذي عظيم شوفي لج وحده ترفع بنتج حرام جذي البنت تعباانه وكل يوم دفي شويه زيت زيتون وانت بايدج شوي شوي مسحي على رقبتها ورفعيها على فوق
ماروكووو:
الله يشفيها ...
فستان العروس:
ماتشوف شر ان شاء الله.
ام حتومه:
اختى الغاليه اول سلامت بنتك ومالها شر الحمد لله اذا طابت واذا توه طرش انتى تعرفين شى اسمه المر اذا ماتعرفينه روحى العطار وانشاء الله تلقين وهو مطهر استخدامه انك تغسلينه بعدين تجيبين فنجان قهوه وحطى كسره من المر في شويه مويه وخليه لمى تميع يعنى حطيها 3ساعات تقريبا لين تشوفينها ذابت صارت ثقيله بعدين جيبيها وحطى على الحلق من بره مره مرتين وانشاء الله اذا حطيتيه في الليل انشاء الله يجي الصبح وهى بخير واستمري عليه لن تجى بخير الله يعافيها هذا من التسنين
اي سوال انا حاضره ماتخافين كم مره سويتها لولدى وماشاء الله عليه بخير وعقبال بنتك با الله طمنينا عليها الله يحفضها ويخليها لك********************************************* وبعدين شفتيها بخير والا وديها الطبيب
shosho_b:
يختي انا ولدي عمره 6 شهور وبالضبط نفس الحاله
مااااااا يرضع والله جنني
ما يرضع الا وهو نايم غصصب اذا مات من الجووع
امي تقول هذا العضيم
وعلى قولتك وديته لدكتور كبير مرره وقال انه مافيه شي
لكن والله شي يضييييييييييييييق الصدر
فيه وحده اسمها ام عوض
حرمه مشهوره تعرف لهذي الاشياء اسالي عنها
هي بالرياض
وامي مجربتها وتدعي لها بعد
انشاء الله تستفيدين منها