بنااات الاماراات

مبروك مقدما ... والله يسعدج إن شاءالله ... الغاليه جان زين اقدر اساعدج ... في الإمارات ما اعرف وين يبيعون ,, بس اهني في بريطانيا عندهم وايد ,,,

كان بودي المساعده ...

السموحه الغاليه

ماادري اذا موجود في محل تيجان في الشارجه؟!!!

سيري مركاتو

الف مبروك حبيبتي..
انا جفت نفس هذي الأقنعة في القرية العالمية..
بالتحديد في القرية اللبنانية على ما اعتقد..

صح انا مع دلوعة مدلعة

تسلمووون حبيباااتي وان شااء الله بسير ادور في هالاماكن واحصل :)

حبيبتي اذا ما لقيتي فيج اتفصلين القناع ...
اذا ما عندج مانع تقدرين تقولين لي شو فكرتج؟؟؟ عادي عالخاص..
والله يوفقج ومبرووووووووك مقدما..

سيري مركز الضيافه اللى فجميرا.... فيه محل في الطابق الارضي بتحصلينه في الويهه اشوي من جهه اليسار يسوي نفس هالاقنعة

تسلمووون عالمرووور...:)

والله الغالية اسمحيلي لاني ما اعرف بس تقدرين تمرين تيجان يمكن يقدرون يفصلولج واشياءهم حلوه

اتوقع تحصلين نفس القناع الأول في سيتي سنتر في محل قريب السينما مقابل المطاعم الي هاك الصوب ..يبيع اكسسورات حلوة وعنده اقنعة وايد نفس الصورة الأولى

اما اذا خاطرج بالقناع الثاني انا شايفتنه من فترة في شورفسكي الي موجود في محلات اللايد بعد في السيتي أو الغرير او برجمان اي حد عنده وكالة محل الكرستال شورفسكي


واتمنى انج تحصيلن طلبج

أولاً ألف مبروك ..

ممكن أي مصمم يفصل لج هالقناع، بس اختي هذا عرسج وانتي العروس يعني مب حفله تنكريه عشان تلبسين قناع!!!!

تسلموون عالمروور...

ميثااني انا مابحط القنااع طوول العرس ....بس بلبسه في بداية الزفة وبس....يعني مفكره في كل شي قبل...وتسلميين على ردج:)

هلا أختي غلا أخوها ..

الفكرة تراها مب يديده .. أنا سمعت عنها قبل سنتين مسوينها .. و بعد في عرس واحد من الأهل ..

نصيحتي لج .. لا تسوينها .. و حاولي تسوين شي ثاني .. لأنه في عرس واحد من الأهل سوتها العروس .. و كل اللي سمعته من اللي يالسين طنازه و بس ..


فكري في المسكه إنها تكون فكرة مثلا .. مب بس ورد حاولي تفكرين في شي ثاني ..

سوي في شعرج فكرة غريبة .. أحلى عن القناع صدقيني .. و بالبركة إن شاء الله ...