بنــــات شو شركة الشحن اللي تستخدمينها ؟؟... أرجو التثبيت

السلام عليكم عزيزاتي

البريد الممتاز هو خدمه التوصيل السريع ياخذ بين يومين الى اربعه بالكثير
ومضمون يعطونك عليه رصيد ويعوضونك في حال تلف الطرد.. والاسعار بدول الخليج


الامارات= البريد الممتاز للخليج
اول نص كيلو 30 درهم + 10 درهم عن كل نص كيلو زياده


البحرين = البريد الممتاز للخليج
اول نص كيلو 4 دينار ونص + دينار عن كل نص كيلو زياده


السعوديه = البريد الممتاز للخليج
اول نص كيلو 60 ريال + 10 ريال عن كل نص كيلو زياده


الكويت= البريد الممتاز
اول نص كيلو 5 دينار + 2 دينار عن كل نص كيلو زياده (غاااالي)


قطر = البريد الممتاز الدولي
اول نص كيلو 35 ريال قطري + 5 ريال عن كل نص كيلو زياده



عمان= البريد العاجل الدولي
اول نص كيلو 3 ريال عماني+ 2 ريال عن كل نص كيلو زياده

مشكورين حبايبي على الردود الجميلة.. أنا أستخدم أرامكس ولكنه غال..
ما هي أسعار البريد الممتاز داخل الإمارات وهل هناك من يعرف اسم موقعه لأني أحب اني وفر على الزبونات أجرة التوصيل...
مع حبي

مرحبا حبيبتي،، تفضلي رابط بريد الامارات

http://go.3roos.com/umz03JUFThQ

دعواتك

همس القـلوب:

أي أحسن شركة شحن

فيديكس
ولا ال dhl
ولا أرامكس
وشلون عن الأسعار ؟؟ وأي شركة فيهم ما تمانع بشحن الأجهزة؟
والبريد الممتاز ايش هو؟

مرحبا عزيزتي
تفضلي هالرابط لبريد البحرين وفيه كل الاجور للبريد الممتاز والعادي
http://go.3roos.com/Cks5UbG3ezj

انا كنت اشحن للبنات بالخليج بالبريد الممتاز لما يكونوا يبون البضاعه بسرعه اقل من اربع ايام
سعر اول نص كيلو 4 دينار ونص + دينار عن كل نص كيلو زياده
وهو مضمون يعطونك عليه رصيد وتعويض في حال التلف..

لكن الحين استخدم طريقه البارسل،، الطرود البريدية، طريقه مضمونه بعد وعليها رصيد
مره ارسلت بواسطتها للامارات استلموها في اربع ايام
ومره للسعوديه القصيم وصلتهم بعد 15 يوم..
وسعر اول نص كيلو 2 دينار + 300 فلس عن كل نص كيلو زياده..

ومره اتصلت على الارامكس، قالوا لي سعر اول نص كيلو للخليج 7 دينار + 5 دينار عن كل نص كيلو زياده.... بصراحه استغليته وصرت استخدم الممتاز او البارسل احسن...

بالتوفيق حبيبتي

مشكورة حبيبتي وجزاك الله خيراً

اخواتي العزيزات

ليالي العين:

وبنات الامارات فية احد تعامل مع شركة الخلف بدبي سمعت انها شحن بري ؟ وتوصل للرياض..
ياليت تفيدوني
:cool2:

LadyDreams:
مالقيت شركة شحن تشحن عطور لخارج الامارات و تكون اسعارها معقوله وارخص عن الفيدكسسس نااااار

فيه تاجره بمنتدى ثاني اقتبس لكم ردها بخصوص استفساركم عن شحن العطور لخارج الامارات.

:

انا تعاملت مع شركة وحدة بس للشحن وهي الخلف وأشحن معهم من دبي للرياض
لكن ما عندي خلفية عن الشحن من الرياض لأي امارة ثانية، غير ان هذي الشركة ما يوصلون للبيت يعني انتي تروحين لهم توصلين أغراضج وصاحبة الأغراض تستلمها من المكتب.

وهالشركه ما تحط سعر للكيلو، بس يشوفون الأغراض ويقدرون القيمة، وعادة تكلفني الطلبية بين 200 - 300 درهم. وتوصل خلال يومين تقريباً.

اتمنى اكون افدتكم،،، دعواتكم

مشكوره على هالموضوع الحلو والمهم
بس لفت نظري الجدوال اللي حاطينه في قطر البريد الممتاز ارخص يعني احنا على النص كيلو اعتقد 37 ريال وعلى كل نص كيلوا زياده 5 ريالاعتقد او 6 ريال يعني ارخص بس يمكن لان السعوديه كبيره هذا شي ثاني بس والله البريد الممتاز حلو يوصل بضبط 3 ايام

أشكر كل اللي تفاعلوا بهالموضوع... و جزاكم الله ألف خير على المساعدة ما بين بعضنا

أنا لحد اللحين انتظر بضاعة سائلة من الرياض والريال هناك وصلي اياها عن طريق النقل الجماعي طالع من الرياض لأبوظبي.. فعطاهم الغرض لي ولما يوصلون يدقون علي

لأن بقية الشركات المعروفة العالمية ما توصل أي سوائل بين الدول

بنات اللي شتركين في خدمة أرامكس shop& ship
ياليت يقولون رأيهم في الخدمة اللي جربوها
والطريقة كاملة

اتمنى اعرف لو بغيت اطرش اشياء لدول الخليج بس مب عن طريق البريد يعني شركات التوصيل شو الشركة الرخيصة وكيف نظام الدفع ؟؟ يعني لو بغيت انه المستلمة هيه الي تدفع التوصيل ..

ياريت اعرف .

ليالي العين:
العفووو من كل البنات

وهالموضوع انا طارحته لتعم الفائدة للجميع...
:up:


بس المندوب هناك بعثهم بشركة خاصة محلية تطلع من عندهم سيارة تقريبا كل يوم من الرياض لأابوظبي والتوصيل اعتقد ب 30 درهم ل 2 كيلوو ... لأنهم يجمعزون الطلبات وياخذونها مرة وحدة ..

بحاول اعرف اسم الشركة وابلغكم بأقرب وقت يوصلني الطرد.

تحياتي..

يا ريت اختي تعطينا اسم الشركة ورقمهم

ويزاج الله خير

نعم البريد ارخص واللي ذكرتيهم ارسل انا عن طريقهم بس الفيدكس يقولون اغلى من الآرامكس

السلام عليكم \
البريد الممتاز في الكويت يوافق على ارسال الاشياء السائلة اول نص كيلو = 5 دينار
واي نص كيلو بعده بدينارين :)

http://go.3roos.com/umz03JUFThQ

السلام عليكم
اعتقد خدمة الطرود في الامارات تسمح بارسال المواد السائلة :)

يعني اتصل بالبريد واسألهم عن خدمة الطرود اذا حبيت ارسل عطورات لخارج الامارات؟؟؟
وكم ظنج يكلف؟
لانه البريد الممتاز ممنووووووووووووع شحن السوائل :( مع انه رخيص وخدمه حلوه

أخواتي أنا تاجرة أتعامل مع كثير من دول الخليج ، جربت أرامكس داخل الدولة وممكن إذا عندكم طلبات وايد محلية تقدرون تروحون أرامكس وتشترون دفتر كوبونات مكتوب عليها بزنس وومن ويطلع الكوبون بحدود 15 درهم أو عشرين لأنهم زادو أسعارهم الحين وصالرت مب أقل من 35 درهم بس أحب تفيدوني معلومات أكثر عن البريد الممتاز ومشكورين كلكم.

لو سمحتوا يالغاليات ممكن رقم أرامكس في الإمارات (العين أو دبي أو أبو ظبي) مع جزيل الشكر

هلا اخواتي انا الصراحة اتعامل ويا الارامكس

السلام عليك يا جماعه اللي عنده فكره عن شحن البضاعه من مصر الى البحرين كم تكلف ... انا ابغي اشتري ملابس من محلات جويا بمصر بس ابغي اعرف تكلفة الشحن كم بتكلفني تقريبا اللي تعرف تخبرني وجزاكم الله الف خير ....

تكلفة الشحن من مصر لا تكلف كثيرا يعني ممكن كارتونة كبيرة ومتروسة تطلع ب 8 دنانير فقط