بخصوص الوحام

هلا وغلا حبيبتي ...

بخصوص الوحم بصراحة الوحدة من تعرف أنها حامل تبدأ بطلبات الي ما تخلاص من شي إلى شي خصوصا إذا شافت الشي قدام عيونه تحب تاكله ... من ناحية الشامة أنا في حملي الأول ما خليت شي في خاطري ألا وأكلته ... وما ظهر شي على البيبي .. أنا بعد سمعت عن هذه الشي إذا الأم ما أكلت الي في بالها رايح يطلع شامة والله أعلم ...

سلامي وتحياتي ...

اختي الوحم مجرد حالة نفسية تمر فيها الحامل وتزيد او تقل من حامل لاخرى على حسب تغير الهرمونات في جسمها

والقول بان اللي تتوحم بشي وما تاكله يطلع في البيبي اكبر خرافة ومالها اساس من الصحة

ومافهمت عليك يعني ايش (( الفرق بين يوم تكون مشتهيه شي عادي أو شي مشتهيتنه من الوحام؟؟ )) ... تغير مستوى الهرمونات في الجسم يخلي الحامل تشتهي أكلات معينة او تكره اكلات معينة لا أكثر ولا اقل

شكراً ع التوضيح يالبحرينية و يا ROomy :shy:

هلا الغاليه..

حبيبتي رومي الوحام شي موجود فعلا وياثر ع البيبي...واكبر مثال بنتي..توحمت ع الرطب وماحصلته لانه موسمه وظهر فيهاحتى اخوي امي توحمت ع كبد..وفعلا طلعت له ف ظهر كبده عوده..

ليلي..لما يكون في خاطرج شي من الاكل اكليه ولا تحطينه في خاطرج.,,واحس ماشي فرق بين الوحام وومشتهيه شي عادي...

الله يتمملج حملج ع خير..

لا مشرفتنا اسمحي لي ايش دخل هذا في هذا .... هي تصادف

انا فيني شامة صغيرة مرة في صدري واختي اللي بعدي واللي بعدي كلنا في نفس المكان ... امي تقول ماعمري توحمت على شي ما اكلته ... يعني لو وحدة توحمت على سمك ولا اكلته بيطلع في البيبي شكل سمكة !!!

هذي خرافة بس تصادف والناس صدقتها بس شي علمي مستحيل ... مافيه رابط

العهد... أعرف وايد ناس استوالهم جذي مب شرط حبة خال... بقعه بس.

و أنا...موب حامل بس حبيت أعرف

السلام عليكم ورحمة الله وبركاته
ا ختي رومي
نعم الام اذا اشتهة شيء ولم تاكلة
تظهر وحمة على الطفل
وهذة صار ت معي
في بنت دانة حفظها اللة

الوحام يختلف من وحدة لثانية مو شرط