زوجي اصغر مني ....!!!

حبيبتي فرق السن هذا شئ طبيعي..وايد بنات خذوا رييايل اصغر عنهم..وبعد 10 سنوات..ولكن ان وجد الحب والتفاهم..مشت الحياه بينهم..وان شاء الله المتزوجات..يفيدونها..والله يوفقها ويسر امرها يارب:)

السلام علييكم


شوفي رايي انا ... على الشخص نفسه ...

يعني في بنات وايد ماخذين ريايل اصغر عنهم و عادي عندهم مشين .. نفس ولد عمي ماخذ وحده اكبر منه بسنتين و كيوت مع بعض

بس اذا في حالة رفيجتج احس بتتعب نفسيا


لانه الموضوع في بالها ... و مسبب لها حساسية زايده ..... و هل شي اكيد مع الوقت بيكبر خاصه يعني خمس سنين مو سنة او سنتين ....


لو اهي من النوع الي مسويه طاف جان بقول اوكي .. عادي بس باني عليها من كلامج من النوع الي وايد تفكر و تخاف و حساسه ... و هل شي مابقص عليج باثر على نفسيتها وايد

خاصه اذا ريلها يابها على مزحه او شي ...

شوفي ماظن من ناحية الريال بتكون في مشكلة لانه هو الي يه و خطب و لو كان معترض عن العمر ما جه و خطب صح؟؟ يعني هو بقناعه جه و خطبها

المشكلة مو فيه احس في رفيجتج .. و اكيد اي بنت بدالها بتحس بنفس الشي...


فنصيحتي شوفي وضعها ... اذا اهي حست انه واااااااااااااااااااااااااااااااااااااااايد ماثر عليها و بتنهار من هل شي و ماتتحمل منه اي مزحه من هل نوع ... برايي ماتاخذه بصراحة .... لانه وايد بياثر اعرف وايد بنات جي


بس اذا هي خايفه منه اهو اما الموضوع بشكل عام مايهمها و بس يهمها رايه و تخاف يعايرها .. تفتح معاه السالفه بس مو بشكل انها تبينله انها تخاف انه يعايرها علشان مايمسكها عليها بس تفتح موضوع نقاش تقولها شرايك بلي يتزوج وحده اكبر منه ياثر على نفسيته و من هلال كلام و تشوف ردة فعله و اذا ابد ماهمه خلاص ... مافي مشكله ...

بس الي اقصده دام اهم في فترة خطوبة وااااااااااااااااااااااااااااااااااااااااااااااااااايد مهمه هل مواضضيع للنقاش علشان محد عقب ينصدم من الثاني و تصير بنهم حساسيات و مشكال لين ماتكبر و تصير شي كبير ...

و في النهاية الله يوفقهم انشالله

أهم حاجة ثقتها في نفسها... وماتحسش أبداً إنها أكبر منه
تعتبر عمرها 20 وتتصرف على الأساس ده
تصغر عقلها معاه ومتحسسوش انها فاهمة حاجة أكتر منه
دايما تحسسه ان عقله أكبر و إنها محتاجة خبرته
يعني ببساطة... هي نفسها تصدق ان عندها 20 سنة وتتصرف على الأساس ده

الغرنجيه;4082198:
هلا خواتي مشكورات على ابداء الرأي صديقتي تزوجت اللي اصغر عنها وبصراحه مثل ما اشوف عايشه في نعيم وتقول انه زوجها ميت فيها ومدلعنها ومشاء الله الله رزقهم بولد كيوت الله يهنيهم وانا اقتنعت انه فرق السن مب مهم


ومشكورات على المرور

الله يهنيهم ويحفظهم ويتم نعمته عليهم

مبرووك البيبي ..
والله يهنيهم ..
وااو الموضوع قديم شوي ..:)

الحمدلله أهم شي السعاده والراحه ..

ان شاء الله اللي لهاخبره تفيدك

•
•
•




هلابك اختي



أحس هالمخاوف اللي تحس فيها صديقتك مجرد خيالات أكيييد بتندفن

بمجرد انها تتأكد من صدق مشاعرها نحو هالزوج ..


اذا هو يحبها و واثق من اختياره

و مستعد يعيش حياته بدون مايلتفت للصغائر

صدقيني بتمشي حياتهم على احسن مايكووون ..



الله يوفقها ..


و سلمي لي عليها :flower:


•
•
•



اختك


♪ ترنيـــمة ♪

السلام عليـــــــــــــكم

أنا أقول انه مب عيـــــــــــب

لكن في حالة وحده بيكون زواجهم ناجح ...

في حالة لو إنه الريال والحرمه متفاهمين ..

ثاني شي ...

البنت لازم تفكر انها عقب الزواج ما بتتحسس من الناس من اللي حواليها ؟؟ لو حد قاللها انه ريلها أصغـــر عنها ..؟؟

يعني لازم تفكر في وايد أشياء قبل لاا توافق ..

و أنـــــــــا أشوف إن ســـــــــن 21 وايد سغير بالنسبه للريال ؟؟

لانه صغير ويمكن ما كون عمره ؟؟

خل تسأل عنه اذا هو يشتغل والا ما يشتغل

قد المسؤوليه اللي بيحط عمره فيها والا لا ؟؟

لانه الزواج مسؤوليه مب بس تعال اتزوج وخلاص ؟؟

وهـــــــــــــي لو متفاهمه وياه واتحس انه مافي اي اشكال بالنسبه ل إنها تاخذ وواحد أصغر عنها ..

وسالت عنه وشافت انه هو زين

خلاص خل تستخير ربها وتوافق ..

واللي فيه الخير بيصير ان شااء الله ..

والســــــــــــــموحه

الف مبروك .. باركيلها بنايه عنى .. تستاهل كل الخير .. و الخيره في ما اختارها الله ..

انا لي قريب جوزي متجوز واحده اصغر منها بسنه بس عمروا لا عايرها ولا جت على لسانه ابدا بالعكس بيحبها جدا
رغم انه بصراحه مش باين الفرق في السن بس هو احلى منها ومش باين عليه سن يعني تديله اصغر من سنه
فهي شكلها اكبر منهبس هم اتجوزوا كبار يعني 21 صغير
هو اتجوز 27ولي قريبي بردوا متجوز واحده اكبر منه سنه والله بيعايرها بس بعد فتره من الجواز يعني بعد 20 سنه
والست بيان عليها السن قبل الراجل
فطبعا لكل حاله شواذ بس هو بصراحه سنه صغير...21 لسه ممكن مايكونش نضج ويحس بالفرق
فانا رايي تدرس الموضوع كويس جدا
وانا لازم اكون اصغر من جوزي او نفس السنيعني انا اصغر من جوزي بسنه وده في رايي كويس لانه بيخلي بيننا تقارب في حاجات كتير
وربنا يوفقها

أعرف وحده ريلها اصغر عنها بـ 8 سنين بسسسسسسسسسسس يحبها ومقتنع فيها

بصراحة ما احب الزوجة تكون اكبر وبعد هي اكبر منه بفرق كتير مره اختي

وياريتهم بسن كبير مايفرق لكن هو 21 مره صغير عليها وتفكيرة بيكون تافه لسا مو عاقل مو متلها

يعني ماودي افرق بينهم بس لاتنصحيها بقبول الخطبة لانها تسوي مشاكل مرة

حبيبتى مافيه فرق كبير

وترى مو بالسن اشكثر ناس اكبر منا لكن عقولهم صغيره

خل تتوكل على الله هو راضى فيها ولو مو راضى فيها ماقبلها كذا


الله يوفقها

مرحبا

انا زوجي اصغر مني بسنتين ... وقبل الزواج كنت رافضه اخذ واحد اصغر مني او في عمري

لكن لما شفت اخوه اللي اكبر منه متزوج وحده اكبر منه بـ 6 سنوات .. ومدلعها ولا كأنها اكبر منه تشجعت

وانا اقول لك من واقع تجربتي

اتعامل معاه وكأني انا اللي اصغر .. في الدلع والسوالف .. والحياة .. واحيانا اسوي نفسي ما افهم وهو اللي يفهم علشان يحس برجولته

اما بالنسبة للمشاكل الزوجه واللي الكل لازم تمر عليه ... دايم القى نفسي اتهاون معه واقول معليه توه صغير .. انا الأكبر والاعقل ... حتى هو صار يعرف اني اعقل منه ... وما عمره فكر لاني اكبر منه اعقل منه ... لكن انا اتساهل معه كثير ..

عموما التوفيق من الله

وما احنا احسن من الرسول عليه الصلاة والسلام والسيدة خديجة رضي الله عنها ... كانت تكبر الرسول عليه الصلاة والسلام بـ 20 سنه

هو يعتمد على شخصية الزووووووووووج

مهما يكون الفرق اذا هو شخصيته قوية ومعتمد على نفسه وشاريها

فانا انصحها تاخذه


وهو خاطبنها ويعرف عمرها وراضي فيها


اهم شي هي تحاول تحسسه دوم انه هو الكبير والمسؤول عنها بطريقة انها تحاول ماتتفسلف عليه وتبين انها اكبر واعقل

رأيي تسأل بالأول هل هو متحمل مسؤولية أهله وقادر يمشي أمور بيت أهله ويقضي أمورهم فبالتالي بتقدر تعتمد عليه ، أما لو مدلع وأبوه شال وحاط فهذا بيتعبها شوي لأنه يحتاج خبرات وايدة في الحياة
21 سنة أظنتي بعده صغير ............. بس مالازم نحكم
الله يوفقهاااااااااااااا

عزيزتي رايي انها ما تردد عشان الفرق بالعمر ، الفرق 5 سنين يعني يعتبرون من نفس الفئة العمريه مش من جيل آ خر وقدرة التواصل والتفاهم كبيره
اهو لازم يمكن بين فتره وفتره بيعلق على الموضوع ولو من باب المزاح اهم شي انتي ما تكونين حساسه وايد وتاخذينها علثه للمشلكل كوني عاديه وتقبليها بمزاح وردي عليه بدلع انه ها سبب حبه لج، ثانيا خذيها نصيحه الموضوع اللي عمرج ما تبين حد يكلمج او يناقش فيه لا تفتحينه ابد ابد ابد يعني مثال اذا كنتي متحسسه من السن ابد لاتسألين انا شكلي صغير ، انت يبين عليك اكبير ، انا متنت وكبرت، او اي شي يدور حول ها الموضوع لانح اذا تكلمتي فيه ولو مره بيتعود عليه ودوم بيتكلم عنه
والله يوفقج

للرفع

مراحب بنات انا بخبركم عن قصة وحدة من ربيعاتي اتزوجت واحد اصغر عنها ب 3 سنوات كان عمرها 22 سنه وهو عمره 19 سنه ....
الريال انسان متحمل المسؤوليه بشكل كبيييير الحين عندهم 3 اطفال ومبينه هي اصغر عنه وربيعتي تنسى دايما انها اكبر عنه وعمره ما عايرها ولا طرى سالفة العمر .....
العمر مب معيار للسعادة الزوجية ....والحياة الزوجية عمرها ماتخلى من المشاكل سواء كانت المرأة اكبر من الرجل او اصغر منه ... في ازواج اكبر من حريمهم لكن للأسف ماعنده مسؤوليه اتجاه ابنائهم....
حبيبتي انا انصح ربيعتج تصلي صلاة الاستخارة اكثر من مرة واذا في نصيب الله بيسهل لها
بالتوفيق حبيبتي