ميزانيه للعروس

بسم الله الرحمن الرحيم

أولا :
يوضع كل مبلغ في ظرف و يكتب عليه
مثال يكتب كلمه المسكه علي الظرف و يوضع فية المبلغ المخصص للمسكه

ُثانيا :
أذا كان مافيه حفله ثاني يوم تلغي المبالغ و توزع علي باقي الأشياء إلي تحتاجينها و الأفضل أنك تضيفيها علي الذهب

ُثالثا :
خصصي مبلغ من المهر لو بسيطه تبرعي فيه للمحتاجين

رابعا :
أنا سويت الميزانية لمهر 6 آلاف كويتي علشان ماتحتاجين لأحد و يكفيك المهر و أكيد راح يزيدونك الأهل في حالة الزيادة وزعيه حسب رغبتك

خامسا :
حولي المهرا لكويتي ألي عملة ديرتك وأذا كان أقل خفضي من مبالغ الأغراض و أذا كان مافي ثاني يوم راح يكون زيادة في المبلغ أيضا ممكن تستفيدين منها أذا كان المهر قليل
سادسا :
معضم المبالغ المكتوبه أسعارها مناسبه وتحصلين معظم المحلات تعطي نفس الأسعار و أحسن شئ الأعتدال في الشراء لا تبالغين يعني 700 أجار للثوب الأبيض تروحين تأجرين ثوب بألف طبعا ماراح يكفيك المهر و يأثر علي الميزانيه
سابعا:
سامحوني علي القصور و إذا نسيت أي شئ ممكن تكتبون عنه و لا تنسونا بصالح الدعاء


المهر 6 آلاف كويتي :
1- ثوب الأبيض أجار 700 دينار
2-مسكه 100 دينار
3-مكياج أول يوم 200 دينار
4-ثوب ثاني يوم 300 دينار
5-مكياج ثاني يوم 70 دينار
6-دراريع 350 دينار
7-بدل 110دينار
8-قمصان نوم 100دينار
9-عبايات وشيال 100دينار
10-عطورات وبخوروكريمات جسم 0000الخ 150دينار
11-ذهب و ساعات 3000دينار
12-أكسسوارات 40 دينار
13-حقائب و أحذيه 110دينار
14-منتجات للبشرة الأفضل من صيدلية أو طبيعيه وتستخدم قبل العرس و تكمل بعده 70 دينار
15-ملابس للشقه بديات و تنانير فوط للجسم 0000الخ 150دينار
16-مكياج الكريم أساس يكون الأفضل غالي أما باقي المكياج من الماركات الوسط مثل ريفلون 90دينار
17-تصوير فيديو و فوتغرافي مع شريط كاسيت للدخله 200دينار
18-الصالون من تنظيف بشره حمام مغربي مانييكير و قص شعر و صبغ 0000000الخ 110دينار
19-الجمعيه (شامبو بلسم حمام زيت معجون أسنان00الخ) مع جهاز الأستشوار 50دينار