خبيرات التجميل بالاماااااااااااااااااااارات

أم حميد 2000 01-02-2006 42 رد 14,580 مشاهدة
ح
الصراحه نحن نحب نكون فيران تجارب بهالمكياج
حشا ما يسوا علينا
والله لو احصل وحده تحط المكياج بطريقه حلوه والله اثبت عليها وما اغير
بس
وييييييييييييييييييييييييينههههههههههههههها وينها ؟؟؟؟؟؟؟؟؟؟؟
ر
سلاااااااااااااااااااااااام يا بنات الامارات
ياريت تفيدوني بأسماء الصالونات اللي عندكم عرسي رح يكون عندكم بالشارقه على الصيف ان شاءالله:cool2: وحابه اروح عند وحده ما تكون حيا الله كلام اشي ناعم وبسيط :shy:يكون المكياج والتسريحه .وشاكره الكم
ت
هلا خواتي ...

جربتو فاطمه العوضي ؟؟؟؟

أنا جربت وايدااات والله حتى عاشة البحرينية جربتها .. حلو مكياجها ... بس عاشة في البحرين و ما نتمكيج عندها الا في المناسبات ..... بس والله العظيم مكياج فاطمه صدق غااااوي و تمكيج من الخاطر ... وتعاملها راقي....

الي تبغي رقمها اتراسلني على الخاص ...
ج
ام حميد 2000

صراحة وايد أتعجب من كلامج ..
ويوم بتتكلمين تكلمي عن شخص واحد .. وهي انت ! ولا تجمعين الجميع

وتشاركين باسماء متعددة وتكتبين نفس الكلام

انا رحت عند شما ..
وسويت مكياج عادي ..
صراحة كان كأنه شبيشل
وحلو ومرتب ..
وشغلها نظيف..

وما سبت ابدا اي مواطنة تمكيج .... بالرغم من اني غلط على وحدة بس سكتت

فما ادري شو سبب الحملة هاي على شما
اللي قايمة فيها ..

اذا كنت مستخسرة 500 اللي دفعتيها
ترى يالسة تدفين الف 500 من الاثام على ظلم شما ..

واذا انت عندج تجارب ناس مثلج اونه ما عجبهم المكياج
فأنا ايضا عندي تجارب ناس عيبهم المكياج
وكل مرة يروحون عند شما

بس العيب مب في الوحدة اللي تمكيج ..
العيب في اللي تروح تتمكيج .. ولا تعرف هي شو تبي بالضبط
وما تعرف اصلا شو لون فستانها ..


أم حميد امسكي لسانج احسن ..
ووبسج ذم في (( شما )) وغيرها ..

وهذا ان دل فانه يدل على اخلاقج ..
انج تخصصين مواضيع في المنتدى على ذم فلانه وعلانه

عيب عليج يا الطيبة

وهذا مب دفاعا في (( شما )) وغيرها

بس تعلمنا انا ما نظلم .. ونقطع رزق الناس

على كلام ما له اي اصل .. من وحدة ما نعرف مصداقيتها
وما نعرف نيتها .. ولا ذوقها في المكياج ( والناس اذواق )
حشمي الناس اللي دخلتي بيتهم

واتقي الله في اعراض الناس

انا كنت بطنش وما برد على الموضوع ..
مثل وايد ناس طنشوا وما عطوا اي تعليق ..امس صديقتي حجزت عند شما حق عرسها
يعني ما اهتمت لاي تعليق
وهي تشارك في المنتدى

لانها واثقة من الانسانة اللي بتتعامل معاها

بس مثل ما انت يا الطيبة منقهرة علي فلوسج
انا بعد الفضول قهرني وقلت لازم اقول كلمة حق

السموحة يا الطيبة على الكلام اذا غلطت


ا
أختي جمالك
الأخت أم حميد قالتلنا تجربتها حتى الخوات الباقيات وكانوا بس يبغون يفيدون البنات
ولا تحطين فبالج أي شي وبعدين مثل ما قلتي الناس أذواق أم حميد ما عيبها المكياج
بس مثل ما قلتي في وايد عيبهم
يعني مثال ترا قالت أم حميد هيفا صفر مزاجيه وفي بنات يقولون غاده أسلوبها مب زين ويا
الناس وتراهم مايقصدون انه يقطعون رزقهم بالعكس وايد يسيرونلهم

وإنتي لا تزعلين وحصل خير واحنا ترا نستفيد من تجارب بعض
وخليج كوووووووووول حبيبتي

وعني أنا أسمع رمست الناس ومب دوم آخذها وترا واايد أحب أجرب و يختلف المكياج من وحده لين وحده
وهاي (f) حقج أفا عليج بس :smile:

أم حميد حبيبتي ممكن أرقام :

مادونا خورى
عايدة المازمى
عايشة
سيلفى

أتريا
ا
[size=8][B][size=5]ههههههههههههههههههه
بصراحة ياأم حميد نحن شلة بنات متيمعات في الكلية ويالسين نضحك عليج وعلى رمستج..
في كل منتدى من المنتديات الي ندخلها نشوفج مشتطه.. لأنج تدخلين نفس المنتديات الظاهر الي نحن ندخلها.. وبنفس الأسلوب تهاجمين الأخت شما وتذمين شغلها..
غليلة..أم حمده..أم حميد.. أحلى فراشة وأحلى عروس وأشطر نمامه.. مب هاي كلها أسمائج وتدخلين المنتديات بهالأسماء المختلفة لكن متشابهه في الهدف الي هو ذم بنت الناس وسبها والتقليل من قيمة مكياجها.. تعرفين المقولة الي تقول وجهان لعملة واحدة.. انتي جذيه بالضبط.. تحملين عدة أسماء وتدخلين كل المنتديات بسسسسسس عشان تسبين بنت مواطنة..
بصراحه كلنا سرنالها وتمكيجنا عندها.. وهاذو نحن متيمعات مع بعض ونرد عليج فينا الحلوة والبيضا والسمره وامستوياتنا في الجمال مختلفة .. لكن والله العظيم وربي بيحاسبنا على رمستنا ان ماشفنا من الأخت شما إلا كل خير.. انسانه راقية جدا وذوق ومحترمه وشايفه خير.. وشغلها مب بالمستوى الي انتي توصفينه.. بالعكس ماشاالله عليها كلنا تمكيجنا عندها وطلعنا ونحن راضين ومستانسين.. وكل المنتديات يمدحونها ليش انتي بس بالذات تذمينها.. يابنت الحلال انتي تتعاملين مع ناس فاهمين.. نحن الي ندخل المنتديات كلنا ربع ونعرف بعض ونقدر ونثمن رمستنا ..أما انتي الوحيدة الي اسلوبج فيه كلمات سوقيه بصراحه الا مرة ووووووووع ومره أرررررررررف شو هالأسلوب ..بعدين لو كان هدفج النصيحة صدقيني لازم تتعلمين آداب النصيحة .. لأن الناصح مايكون متحامل وحاقد بهالشكل على الناس..
بعدين شوفي نحنا والله العظيم مالنا مصلحة في الدفاع عنها ولا عن غيرها.. ليش نحن بنحط شي في جيوبنا.. ؟؟ لكن مثل ماقالت احدى الأخوات أعتقد جمالك ان المفروض الواحد يقول كلمة الحق ولازم يحترم بيوت الناس الي يدخلها.. بعدين ولنفرض انج ماطلعتي حلوة.. يمكن انتي مستوى شكلج عادي جدا.. لاتقولين عن نفسج جميله وبشرتي مخملية.. مثل ماتكتبين في المنتديات الثانية وبالأسماء الي نعرفها غير الأسماء بعد الي ماتعرفنا عليها للحين.. نحن مب شايفينج ومانعرف شو ملامحج.. ومافي بنت بتذم نفسها أو بتقول عن عمرها انها مب حلوة.. وبالنسبة للإفتراءات الي تفترينها عليها انها تسب المواطنات.. شوفي عمرج كيف تسبين شما وقلتي ان هيفا مزاجية .. شو هذا ماتشوفينه سب.. ؟؟ بعدين محد ضربج على ايديج.. وقال لج سيري عندها.. دامج تمدحين بعض الخبيرات سيري لهم وخلاص ولا وايد حارقتنج ال 500 درهم؟؟ صدقيني نحن مستائين من ان رمسنا بهالأسلوب في هالمنتدى الراقي والي يسمح لنا ان نتبادل الحوار والآراء مع بعض.. بس حسينا بظلمج تجاه انسانه ولعلمج لها سمعه كبيرة.. يمكن ماتكون سمعتها كبيره عند الناس الي مثلج أو في مستواج.. بس كل زباينها نحن نعرفهم وبالأخص إن نحن أهل دبي ونعرف شو من الجبايل والمستويات الي يتعاملون معاها.. فاحفظي لسانج ووفري على نفسج الكلام والذم والسب لأن انتي بهالطريقة يالسه تغتابين مش تنصحين هذا أولا وثانيا.. في وحده ويانا هالوديه يالسه واتصلت بالأخت شما وخبرتها عن السالفة .. فقالت هيه أعتقد اني عرفتها.. لأن واي من الزباين خبروني عن هجومها.. بس قالت قولولها لما هاجمتني بهالطريقة وذمتني بهالأسلوب اللطيف ههههه .. ليش ماقالت بعد عن ستايلها وذوقها ولبسها ونوعية شعرها .. قالت أنا مابرمس عن الناس .. بس بعد الله يسامحها .. وواثق الخطا يمشي ملكاااا.. فهالكلام الي ألحين قالته لوحده من اربيعاتنا ونحن كتبناه بالحرف الواحد.. وتقول بعد انها هي ماقالت عن نفسها انها خبيرة تجميل ولا في حياتها نشرت صور أو مقالات أو عارضات وكتبت اسمها وخبيرة التجميل.. انتوا الي تكتبون هالمسميات.. ولحظه شوووو هيه تقول ان وظيفتها تصحح العيوب بالمكياج بس ماتسوي عمليات جراحية تجميليه في الويه...
وياما سرنا عند مصممين وصالونات ومواطنات ودفعنا اذا انتي حارقتنج 500 درهم نحن دفعنا أضعاف أضعاف هالمبلغ وخربوا ثيابنا ومكياجنا وسكتنا وماسبينا ولا ذمينا.. لأن الناس أذواق... ورحم الله امرئ عرف قدر نفسه.. واسمحوا لنا ياأحلى بنات على رمستنا وعلى ألوبنا في الرد على أم حميد.. بس لأن أسلوبها مب أسلوب وحده تنصح.. أسلوبها أسلوب وحدة تهاجم..ومانعرف شو الغرض من هالشي او شو مستوي من بينها وبين هالإنسانه عسب تاخذ منها هالموقف السلبي الفظيع.. وعلى فكرة أم حميد البنات يقولون لج اهنه في التقنية.. انتي بطريقتج هاي يالسه تسوين لشما دعايه والله .. لأن يمكن في وايد بنات مايعرفونها بس ألحين عرفوها من كلامج.. وأكيد بتكون عندهن مناسبات وبيسيرن وبيجربن مكياجها وبيعرفن بروحهن شو سر الهجوم العنيف على بنت الناس..
[/B][/size][/size]
ا
مراحب خواتي
بالنسبه للاخت الي حاطه انه ام حميد واحلى فراشه نفس الشخص فانتي غلطانه اختي
نحن والله مب نفس الشخص وام حميد ماعرفتها الا عن طريج هالموضوع فحرام تظلمينهاا
وبالنسبه للمكياج انا قلت انه عادي وهذا ذوووق مافيها شي الناس اذواق
الشي الوحيد الي صدق كان قاهرني الفلبينيه لانها بالفعل وربي شاهد على هالكلام انها ماكانت اتعرف تستشور وسوت لي شعري خرابيط والي يقهر اني قبل لا اروح عندها البنت الي اتسويلها دعايه اكدت لي انه الفلبينيه وحده محترفه فأعتقد اي حد اذا بيكون في مكاني بينقهرر .
واتمى هالكلام مايزعل حد والسموووووووووووووووحه :)
أ
السلام عليكم
جمالك والشامسية
انا قلت الصراااااااااااااااحة وما يهمنى انتقاد حد
قلت رأيي عن مكياجها أقل من العادى وقلت عن الفلبينية الى تسوي تسريحات هاى اصلا ما تعرف تيود الاستشوار
واضحكوا على نفسكم مب علي
ولا تتحرين ان شكلى يخرع بالعكس الغالية انا واثقة من جمالى
واذا انتوا تتعاملون مع مصممين بعد انا اتعامل معاهم وجان تبين اساميهم بخبرج وعادى احط بيزاتى لفستان من 4 الى 10000 للفستان ما تهمنى البيزات حبيبتى
بس أقول حراااااااااااااااااام الوحدة تسير لوحدة ما تعرف تمكيج وتعج بيزاتها ع الفاضى
وانا يوم سرت لشما بناء على المدح وقلت خل اجرب واشوف احب التجارب
وانا سرت عند عايدة مكياجها حلو واسلوبها احلى مب مثل شما يلست تذم المواطنات الى يمكيجوا وهالكلام الى اقوله الله شاهد علي
يعنى ما بذم وحدة منى والدرب
وربى الشاهد علي الى شاف مكياج شما على انصعقوا ما عيبهم المكياج ابد وزين تلاحقت على عمري اخر شئ وعدلت الى المكياج
وحدة الله يذكرها بالخير
يعنى سويت مكياج وتسريحة من اول ويديد
وانتى يا اخت جمالك انا بقول الصراااااااااااااااحة عن مكياجها ما يهمنى انتقادك
وانا اخلاقي عالية لا تيلسين ترمسين عن اخلاقى ليش انتى تعرفينى أصلا عشان تقولين شئ عن اخلاقى
ولا مقهوووووووووووووووورة عشان قلت الصراحة



الندية مشكورة الغالية على ردج
أحلى فراشة يتحرونى انه انا وانتى واحد يلا نحن خوات خلهم يشكوا ولا بعد طالعين لى بأسامي ما ادرى من وين يايبينها يتحرون
كل هالاسامى لى
الحمدلله والشكر على نعمة العقل
والواحد الصراحة لازم يكذب عشان لا يزعلون منه على صراحته
ع
أنا جربت عند شما و بصراحة تعاملها و مكياجها رووووووعة بس مستغربة ليييييش كل ها عالبنية والله حررراااام لانا احنا أصلا ما شفنا منها الا كل خير
M
مرحبا بنات إذكرن الله ...لا إله إلا الله ....شكل المنتدي نضرب بعين ....حبيباتي إحنا كلنا خوات هنه....وحابات نستفيد من تجارب بعض مب نعادي بعض ....وكل وحده تقول رايها في الخبيرة وبعدين ربنا يحاسبها .....إذا كانت صادقه وإلا تتبلى عالبنت ......عيب اللي يصير ...يعني اللي يقرا مواضيعكن من خاري لبلاد شو بيقول عنا الإماراتيات ....فكرن بنات إنتن تتناقشن والعالم كله يقرا كلامكن ....ما يصير جذه يا جماعة الخير ......والسموحه منكن الغاليات ...


عاد أحينه بخبركن تجربتي يالغاليات .... انا صراحة أحب مكياج نورة علي ....وايد إنسانه رائعه وذوق وأخلاق عالية ولي 4 مرات حاطه عندها وفي كل مره تحطلي ستايل غير وأحلى ...وجربت عايدة أول ما ظهرت كان مكياجها ما عليه كلام بس أحين غلت وما عجبني شغلها ...وبالنسبه لأم شمه مكياجها بعد حلو ما عليه كلام بس ستايل واحد وما تغيره ....وهيفا صفر غالي عالفاضي شي مواطنات شغلهن أحلى وأحلى....وعدكن رحاب بعد شغلها ما عليه كلام ...وعذبه من الشارجه حلو شغلها بعد جربتها 3 مرات بس 2 عجبني ومره أبد ...مو حلو كان عادي وايد ...

المهم حبيباتي هاي تجاربي مع بنات بلادنا الخبيرات ...الله يوفقهن إنشالله ويزيدهن .....
خ
مرحبا..... لاتعليق على الميك اب

تعليقي على الحوار الساخن..........

وياليت لو الموضوع ينحذف.......... عشان تهدا العاصفة..
ج
هلا بالطيبات

حنا ما نريد نفتح حلبة مصارعة

وبالعكس الاستفادة من خبرات الاخريات ضرورية

بس للنقد اسلوب وذوق
يجب ان تتحلي فيه الوحدة

واختنا ام حميد الله يهديها شفتوا شو كاتبة الشامسية
بالفعل دخلت كذا منتدى وشفت كلامها هذا

هذا ما يسمونه نقد
يسمونه هجوم ومقصود

فالله يسامحها

والحمدلله فيه ناس ردوا مثل الشامسية والاخت عائشة1234


فالله يسامح الجميع
ف
حبييتي ام حميد عندي لج وحده تمكيج خبيرة المكياج (( فــــــــــــاطمة الزرعوني )) فنانه في رسم العين ونظافتها في المكياج بدرجة الاولى واهم شيء عندها الذوق الرفيع في تعاملها لانها صدق تحط المكياج بالضمير. وسعر مكياجها مع الاسبيشل 250 اذا هي بتي عندج واذا انتي بتسيريلها 200 وانا سرت عندها صدقيني المكياج روووووووووووووعه واهلي تخبلو على المكياج وانا ما ابالغ .
ف
صح كلامج ليش نحنا نتبادل باسلوب مهاجم نتمنى من كل الاخوات الكرام فن في تعامل مع الاخرين .
أ
السلام عليكم
بنات كلامكم على العين والرأس وهاى مسألة ذوق
وانا قلت رايي بصراحة وباجر ربى بحاسبنى على كل كلمة اقولها
وتعرفون والله لين يومكم البنات يرمسون عن مكياج خواتى الى تعدلو عند شما
والصراحة ما فيها عيب
بس الله يهداهم فى بنات ما عيبهم الكلام
انا مثلا تعدلت عند عايدة وعزة مكياجهم ما عليه كلام وفى بنت ثانية تقول مكياج عايدة عادى
يعنى السالفة مسألة ذوق
وان شاء الله يتسكر الموضوع
عشان الكل يرضى
M
عزيزاتي الله يهدي النفوس انشاءالله
ع
خلاص عااااااد غيرووووا السالفة أنا بصراحة يعجبني مكياج حنان اللي في سيدتي الجميلة و جلونا من هالحرب
g
مشكووووووووووووووووووووووووووووورة
b
انا يعجبني ميكاج العنود من الشارجه وريحانه من دبي وندى من دبي
ا
بنات حبايبي ممكن اطرشولي رقم خبيره تجميل عاشه الله يعطيكم العافيه..
X