أريد شراء لاب توب مستعمل ............

عندي لاب توب مستعمل جيد جدا
اللهم الصوت مو شغال فيه يعني تقدرين تصلحينه قيمة اللاب توب الاصليه 7000 وابغي ابيعه ب 2000درهم

عزيزتي ام طالب

وش هي مشكلة الصوت بالضبط ؟

وكم مدة استعمال اللاب توب ؟

وأي نوع ؟

وتسلمين

انا ما عندي لاب توب ابغى ابيعه لكن زوجي في ارامكو ممكن يحطلك اعلان في موقع ارامكو لأنهم كل يوم يبيعوا لاب توباتهم ويشتروا غيرها يقول طلعت مواصفات احسن لأن شغلهم يتتطلب المهم لو كنتي متحمسة قوليلي بس على فكرة انا في الدمام بالسعودية الظاهر بعيدين عليكي صح ؟؟

انا عندي لاب توب توشيبا
الاستعمال سنة وحدة بس
إشتريته 10 ألا ف ريال والله العظيم
وأبي أبيعة 5 ألاف ريال
ومواصفاتة خرافيه

سلام
عندي laptop مالي أبي أبيعه مع إنه جديد ما صار له أكثر من 6 شهور... بس أبغي واحد ثاني كنوع من التغير
جديد وحلو .... من ماركة benq
مممكن إزورين الموقع إذا حبيت إتشوفين مواصفاته
نوعه إسمه Joybook 5100
www.benq.com
مافيه أي مشاكل، صغير وسهل الإستعمال ليه محفظه رائعة الشكل بس من دون شنطه
فيه بعض الخدوش جدا صغيره ومو ملحوظه عشان ما أقص على أحد
أعرضه للبيع ب3000 درهم إماراتي
..................................................
هذا آخر سعر أقدر أبيعه ...لأنه جدا جديد وما فيه أي مشاكل
ناويه أبيعه مع مجموعه من البرامج الرائعه طبعا كنت منزلتنهم عن طريق الإنترنت إذا حابين.... ومعاه CD آخر للبرامج أخرى
هذا طبعا من غير السيديات الملحقه معه أول ما إشتريته....
.................................................................................................

أي واحد حاب يشتريه على الخاص ....................

أخت عريس

هلا بك بخصوص أرامكو .. أعتقد السالفة رح تكون طويلة وأنا ابغى اخذها من قاصرها زي ما يقولون .. بس مشكورة على العرض .. :)

وانا من السلطنة


ameraa

هلا أميرة شكله لاب توبك روووعة بس أقدر اشتري بخمسة الاف واحد جديد وانا أبغى واحد مستعمل عشان سعره أقل .. :)


Lolleta

هلا عيووني مشكورة ع العرض بس انا ادور لاب توب لأن بالبيت عندنا 3 كمبيوترات واختي رح تشتري لاب توب وانا كمان ناوية على شراء لاب توب بس مستعمل عشان كل ملفاتي و اشغالي تكون عليه واخذه معي للضرورة

مشكووورين وبانتظار بقية العرووووووووووض

هلا والله
باين غلطت وكتبت كمبيوتر
بس الحين عدلته الي عندي لاب توب

انا ابااااااااااااااااااااااااااااا اشتري لا بتوب مستعمل بس ما ادري اذا عادي عندكم الاقصاااد ههههه

الي ترضى بالاقصاد اتخبرني لاني هالشهر مرصوووصه وايد

واباااه اوكيي يعني كلشي جاهز فيه مال لانترنت وهالسوالف..وما باا حد يقص عليه

Lolleta

بصراحة اللاب توب حقك بمواصفات حلوة بس سعرك هو 3000 درهم .... وأنا اللي أقدر ادفعه هو 2000 درهم فقط :pain:

مافي تخفيضات .. :shy:

عروس الموج ... هلا وغلا والله يوفقنا بشراء لاب توب ممتاز أنا وأنتي ... وأنا زيك مرصوصة خاصة اني جيت من سفر و راجعة منتفة بمعنى الكلمة ههههههههههههههههههههه بس فيه ميزانية للاب توب

من تبي تبيع لاب توبها المستعمل بــ 2000 درهم بس يكون جيد جداااا وصالح للاستعمال ... ما ابى اشتري واحد و اندم

من ينقص من ينقص آلا اوله آلا دو آلا تريه

لوووووووووووووووووول توته الصغيرونه والله اتخيل عمرنا امبسطين ويالسين نشحت لابتووووب ههههههههه


هي والله انا نحتايه اني اشتري لابتوب بس اباه مستعمل عندي كمبيوتر و استخدم لابتوب اخوي بس من يرد اضطر اني اسلمه

يالله يبنااااات منوووووو ينقص ومنو يرضى بالاقصااااد

هلا توته الصغيرونه بس لو أقدر ما أقصر
بس بعد حاطه ميزانيه معينه عشان أشتري لاب توب جديد

عروس الموج

شحاتات 2006 أخر زمن نشحت لابتوبات ههههههه ... وبانتظار لاب توب بسعر يناسبني ووحده ترضى بالاقساط لاختي العزيزة عروس الموووج

لوليتا

ما تقصرين حبيبتي .. ومشكوورة

عليج بمركز الخليج اللي بدبي.. بر دبي

يبعون لاب توب ب 1000 درهم مستعمل من اليابان.. انا مااخذه لحد الحين 4 وكلهم حلوووين..

بنتيوم 4

تسلمين ام مهير ...والله انا نسيت مركز الخليج...

يبالي امر عليهم...

تووته الصغيروه هااا امر عليج انسير ضربه انا وانتي...؟؟؟

أم مهير

:cry::cry::cry:

وش بيوديني الحين لدبي والدراسة الأسبوع الجاي

لكن بدور على أي حد رايح دبي وأعطيه الفلوس بس خبروني بأي محل ووين هذا مركز الخليج بالضبط أنا مو من الأمارات فأستحملوني شوويه .. اوكيه .. وصراحة سعره وايد رخيص بـ 1000 درهم بس .. يعني استعماله أوكيه ومشى معك تمام وكيف هل فيه خدوش ؟ أريد التفاصيل اذا مافيه ازعاج

عروس المووج .. ياريت والله نسير مع بعض هناك بس أنا بعيييييييييد :no: ... وخبريني بأخر أخبارك لشراء اللاب توووت



بانتظاااار الردووووووود

ربي يوفقكم

ام مهير ممكن عنوان مركز الخليج بالضبط :)

بإنتظااارك ام مهيــــــــــــــــــر

قلب زايد

هلا وغلا بك

هلا اخوااتي والسمووحه عالتاخير..


مركز الخليج يقع في دبي..


في منطقه (بر دبي) بالضبط عند فندق رمادا.. وماايضيع لو تسألون اي احد..


ومركز مؤسسه (الاتصالات) يقع فيه ايضاا بنفس البناايه.. يعني ماايضيع ابداااا وبالقرب من (سفرياات الريس).


بنايه بيضاء .

ألف شكر أم مهيــــــــــــــــر