بنتي وايد صغيره

هلا
أنتي وديتي بنتك للدكتووور أذا جاف وزنها وطولها وعمرها وقال طبيعي لا تخافين .. أو غيري نوع حليبها الصناعي أنتي شو تعطينها الحليب ؟؟؟ لا تخافين يا أختي

حرام عليج 6 كيلو وهي عمرها 9 شهووور ............ شوي شوي شوي

حبيبتي وديها عند الدكتور شوفي شو بيقووول ....

ما شاء الله انا ولدي الحين 8 شهور ووزنه 9 كيلو بس الي يشوووفه يقووول ضعيف ....

صح في فرق بين طفل واخر .. بس الصراحه وزن بنتج بالنسبه لعمرها شوي

فعلا الوزن ناقص.. ماذا بالنسبة عن دمها؟ هل هو ناقص ايضا؟؟

اختي ليدي بنتك ماشاء الله عمرها تسع شهور يعني لازم تاكل كل شئ تقريبا حاولي انك تهتمي باكلها يعني هي بحاجة لاشياء كتيرة مو بس الحليب عندك مثلا اللبن الزبادي راااااااااائع واكثري من العصائر الطازجة وجربي انك تطبخيلها الحليب متل ارز بالحليب الطفال تحبها وعندك مثلا انك تطبخي الحليب مع شوي نشاء وقليل سكر او عسل ويارب بالتوفيق طبعا بالاضافة للحوم والاسماك(f)(f)

انتين تشوفين ان نموها طبيعي أو لا ؟؟؟؟

أذا كان طبيعي مافي مشكله و فحصي دمها أيضا ..

ما دام انها ترضع طبيعي بس عليش بالعافيه بها لأن هذا الليي فيه الفايده مو الصناعي الليي يمتن الطفل و بس.... و علشان تكبر بتش بسرعه أنتين كلي حلويات و كاكو وااجد و كثري من أكلش علشان يزيد الحليب عندش و يصير أكثر فايده و بعد ماشاء الله عليها بتش الحين تسعة أشهر يعني المفروض تاكل كل شي و عندي وصفه علشان تسمن ... أخذتها من المنتدى من فترة و فادت ويه بتي و من صار البال عليها صارت والله العظيم ترجعه و ما تتقبله .. أعوذ بالله من الشيطان الرجيم..

الوصفه هي ... تغلين الرز المصري الين يستوي مثل الهريسه و بعدين تقطعين عليه تفاحه و شوية حليب و عسل أو سكر و تضربينهم في الخلاط و تعطينها في اليوم منه ثلاث الى اربع وجبات في اليوم و ان شاء الله في فترة بسيطه تسمن و تكبر بتش بسرعه ..

و ماعليها الا العافيه

[align=right]حبيبتي اذا نتائج فحوصاتها سليمه و ما فيها فقر دم انشاء الله يمديها تكبر ..
اعملي لها نظام غذائي كويس ..بصراحه احس انها مره صغيره حتى لو تتعب ما حتقدر تقاوم مسكينه
انا اطفالي التوأم عمرهم الان 7 شهور و كم يوم وتبارك الله اوزانهم :الاول 11 والثاني 11 و ربع الله يحفظهم .
بقول لك نظامي معهم بالمره عادي :
*رضعة حليب الساعه 6 الصباح 175مل وينامون . لاني للاسف ماقدرت ارضعهم صدري لاني ولدت قيصريه و هم كانو مايقدرون يرضعون وجلسو شهرين في الحضانه .
*الساعه 10 او 11رضعه يصحصحون و يتحركون وهم نايمين ادري انهم جاعو اعطيهم رضعه ثانيه وعلى طول باخر الرضعه ينامون .
*الساعه 3 تقريبا يصحون وانا معودتهم اعطيهم مويه من سلق الدجاج طبعا هذي طريقة الوالده معنا (كل عيالها ) بس لما سالت الطبيب قال مره كويس بس صفي الدهن منها وقال كان بداتيها من الشهر الخامس وخصوصا انها غنيه بالحديد و انا توأمي ما يشربون الفيتامين لو اموت واذا غصبتهم رجعوه اصبها في كاس كبير للاثنين و احط عليها خبزة توست وحده بدون اطرافها واخلطها بالشوكه وبعدين بالشاخول فتحاته كبيره اصفيه بالرضاعه وطبعا لان ماء السلق اكثر بكثير من الخبزه يصير مره سايل كانه شوربه ماكأن معه خبز..بعدها بساعه اعطيهم اي فاكهه عندي (موز تفاح كيوي كاكي برتقال كمثرى ...الخ)طبعا مو كلها نوعين مثلا .وهذي هي الوجبه الرئيسيه الوحيده لهم .
*بعدها باربع ساعات الساعه8 او 7 حسب الوضع و اذا حسيت انهم جاعو اعطيهم كل واحد علبة زبادي المراعي لانه أخف حموضه وأفود من زبادي النكهات مثل ماقال لي الطبيب وبصراحه ازيده شوية مويه مع نص ملعقه صغيره سكر او اقل شي مايذكر .
*وحوالي الساعه 12 اعطيهم حليب مع 2 ملعقه سيريلاك يقولون اذا صارت الرضعه ثقيله وشبع الطفل ما يقوم عليك جوعان وانتي نايمه ههههههه وصارو هالايام ينامون الساعه 1 الى 2 الفجر وعليها لرضعة الساعه 6 واحيانا اذا ما صحو جوعانين اخليهم لرضعة 10 .
((ولان عندهم امساك صرت من اسبوعين او اقل اعطيهم أكله حلوة و مغذيه و راح الامساك اخذتها من وحده من الاخوات فالمنتدى وهي خلطة التمر و الشوفان واعطيهم كل 3 ايام او يومين على حسب الامساك عندهم ))
اتمنى ربي يكبر بنتك و يخليها لك ومن تجارب قريباتي و كلامهم عن اشياء يعطونها اطفالهم في هالعمر سمعت منهم ان اكثر شي يسمن الطفل السيريلاك ماادري انا بس اضيفه برضعة الليل؟
أدري طولت بس أتمنى أكون افدتك و لو شوي واتمنى تدعين الله يحفظهم لي وينحف أختهم ههههههههه.

حبيبتي ما قلتي كم وزن بنتج لما ولدتيها وهل ولدتيها كاملة( تسع أشهر ) ولا خديجة ( من الخدج)

لأنه ولدي بعد صغير قريب بيكمل سبع شهور ووزنه 5 كيلوجرامات وواحد ولا إثنيين بس لما ولدته كان خديج ووزنه 1.3

علشان شي يقول لي الدكتور ألحين نموه طبيعي إعتمادا على وزنه لما ولد خصوصا إنه عنده شويت مشاكل في غدة النمو

Arnobat_ALfreej:
حبيبتي ما قلتي كم وزن بنتج لما ولدتيها وهل ولدتيها كاملة( تسع أشهر ) ولا خديجة ( من الخدج)

لأنه ولدي بعد صغير قريب بيكمل سبع شهور ووزنه 5 كيلوجرامات وواحد ولا إثنيين بس لما ولدته كان خديج ووزنه 1.3

علشان شي يقول لي الدكتور ألحين نموه طبيعي إعتمادا على وزنه لما ولد خصوصا إنه عنده شويت مشاكل في غدة النمو

صحيح كلامك حبيبتي لان الطبيب عادة يقول لازم مراعاة ان الطفل يزيد في الشهر نص كيلو او كيلو الاربع بناء على الوزن الولادي ..

على فكره انا توأمي برضه خدج ولدتهم وانا بالشهر السادس وكان وزن الاول :كيلو وشوي والثاني : كيلو واحد بس مو شرط يتم النمو بطئ ويكونو صغار عيالي ماشاء الله اوزانهم كويسه مثل ماقال الطبيب.

عيل آنه شتقولين ولدي عمره سنة وسبع شهور ووزنه بس 10 كيلو،،، سويت كل الفحوصات كل شي طبيعي حتى الدم كان زين،،، مثل مايقولون في أطفال حبتهم صغيرة،، إذا كان نموها طبيعي لا تقلقين أختي..

آنه يوم كان عنده تطعيم التسع شهور،، شافته طبيبة المركز الصحي وقالت حجمه صغير وراسه عود وخلتني أسوي مناحة يومها،، بس كل الفحوصات كانت سليمة،، يمكن لأن آنه وأبوه حجمنه صغير طلع الولد علينه، مع أني يوم كنت صغيرة دبدوبة..

راجعي الطبيب وشوفي سبب الترجيع وخل يسوي فحوصات للدم وتكرمين البول والبراز علشان ترتاحين...

اصغر ماما...ارسلت لج رسالة على الخاص...عندي شوي اسئله

بنتى عمرها سنتين وزنها 8 كليو.... وايد ضعيفه اللى يشوفها ما يعطيها سنتين...

وتشوفها د التغذيه.... عاليج بالروب فى كل وجبه وبعد الزبده أو زيت زيتون فى كل وجبه... وبعد عطيها أفوكادو وعصاير ثانيه

هيه وبعد عطيها بطاط ولا تنسين الحليب...

والسموحه

انا بنتي عمره 10 شهور ووزنها 7 ونص

كل من يشوفها يقول وايد صغيره اكليها شبعيها وانا الحمدلله مب مقصره معاها

وديتها للدكتور قالي البنت طبيعيه وكل شي طبيعي الحمدلله

اما انه بنتي ما شاء الله تبارك الله اللي يشوفها يعطيها اكبرمن سنها بوايد لأنها دبدوبة وعمرها ثمان شهور انا احس ان الياهل على طبيعة هله اذا انتي او زوجك كنتو ضعاف فهذا شئ طبيعي ولمن اذا تبينه يمتن صج عليج بالروب بالليل قبل لا ينام صج يمتن

كل طفل يختلف من طفل لآخر,,انا الحينه ولدي دخل الشهر 12 يعني باذن الله تاريخ 3/3 بيكمل السنة واللي يشوفه يقول انه 7 او 8 شهور، ولحد الان عنده 6 اسنان، وشكله ما راح يمشي الا اذا كمل بعد السنة، على حسب اللي اشوفه..وزنه اعتقد 8 شكله صغييييييير بس شسوي

مرحبا يا بنات.....


ان شاء الله تمتن بنووووتك يارب ...

ابغى اسالكم متى اقدر اعطي بنتي زبادي الحين كملت 5 شهور ودخلت في السادس....

وومتى اقدر اعطيها شوفان ؟؟

ليش الصفحه الثانيه ماتطلع؟؟؟