أوافق على اي واحد فيهم بنات بليز تراها مسألة حياة !!!

&&_عاشقة الجوري_&&:
الاستخاره ثم الاستخاره

انا اشوف انك بنيتي على ان الثاني مو مهتم فيك عشانه مايرسل لك في فتره حتى ماتعتبر فتره رسميه بينكم
يعني شئ قبل العقد يعني قبل ماتكونين زوجته
انا اشوف الظاهر ان الثاني تدققين فيه شوي
لان مشكلة الي مايصلي صح ممكن يتعدل لكن لازم تحطين ببالك انه يبيله جهد

والثاني يبيله سؤال اكثر واكثر
عموما لايكون تفكيرك هذا سمين وهذا نحيف وهذا ملامحه شوي كبيره حطي ببالك ان الموضوع موضوع زواج
حياة تعامل اولاد مسئوليه
والله يسهل امرك

للحين ما قريت باقي الردود

بس انا اؤيد كلام عاشقة الجوري :up:

نصيحه لج الغاليه
انسي فكرة انج تاخذين الاول ..
والله والله والله بتندمييين طووول عمرج لانه فاااقد اهم ركن في الحياه وهو الالتزام .. وعمرج لا تصدقين انسان يقول لج انا بتغير وبلتزم .. ممكن عشانج يتغير اسبوع شهر سنه لكن اكثر اسمحي لي هالناس ناااااااااااااااااااادرا ما تلاقينهم وهم من نفسهم يكونون مقتنعين في الالتزام وطول عمرهم تلقينهم يفكرون فيه مب مثل اللي من اهلج تقولين انه نوى يتغير من عقب ما ياخذج .. لالالا هذا مب كلام واحتمال يوديج فمصايب لو صدقتيه ..
يعني لا تفكرين في الاول خيير شر مهما كااان لاني والله شفت الدنيا وعرفت الناس وشفت من هالنوع والله ما فيهم خير لاهلهم ودايما ورا ملذاتهم عفانا الله حتى لو قالوا لج بنتغير ما يقدرون ..

وبالنسبه للثاني شوفي الغاليه انتي مدحتيه ومدحتي التزامه لكن النقطتين اللي مأثرات فيج شكله ولهفته عليج ..
بالنسبه لشكله حبيبتي ما بقولج مثل ما يقولون دايما الاهم اخلاقه .. لا الشكل مطلوب بعد لكن حاولي تشوفين هالانسان بقلبج قبل عينج .. حاولي تعطين نفسج الفرصه انها تشوفه بصورة احلى واحسن .. حطي في بالج انج بعد الزواج بتشوفينه احلى من كل الرياييل والسبب انج بتحبينه .. هل بتقدرين تعيشين معاه والا ان الشكل ممكن يأثر سلبيا عليج ؟؟
لا تتسرعين وحاولي توزنين افكارج بدون ما تفكرين بقلبج .. بس بالعقل .. هل هو فعلا يستاهل الرفض لمجرد الشكل ؟؟ وتظنين ان انتي بتحصلين واحد احسن منه من الناحيتين الالتزام والشكل بعدين ؟؟

وعن لهفته عليج انا اشوفه ريال متزن الصراحه وتصرفه وااايد حلوو وتفكيره بعد وهالشي يطمن انه ما خذاج معاه بالكلام وانتي بعدج مش على ذمته.. انا خطيبي كان جذا .. ونحن مالجين كنت اتضايق اول ايام ليش ما احسه ملهوف علي وانا حليلته .. اقول انا كل الناس تمدح جمالي ولما يزورني اكشخ له اخر كشخه لكن بعد ما احسه يبيني من قلب وما اشوف هالشي في عيونه ..
تصدقين كلها ايام قلااايل واشوفه تعلق فيني .. كل يوم يحبني اكثر لانه كل يوم يعرف شخصيتي اكثر وهو من البدايه ما كااان يعرفني فما يستوي الومه حتى ولو كنت حلوه لان الجمال شي والحب شي ثاااني ومن الحب تيي اللهفه الحقيقيه بعدين ..

في النهايه بعد احب اقولج ان انتي مش مجبورة على الاثنين
فحاولي تفكرين اكثر في الثاني اما الاول انسيه .. وعقب ما تقررين على الثاني سواء بنعم او لا .. صلي استخاره والله بيكتب لج الخير ان شاء الله

الله يحفظج الغاليه والسموووحه

وكلي أمرك لله و صلي إستخارة...و هو لن يضيعك أبدا...

ولازم تسألي أكثر على الشخص الثاني....مش بس من كلام أخته...لأنها أكيد راح تمدح أخوها...

لازم أهلك يسألوا عليه و على أخلاقه...

اول شي استخيري ربج...وبعد الاستخاره لا تفكرين في الموضوع ابدا ..لانج وضعتيه بين يدين الله معناته هو بيوصلج لطريق الي فيه خير لج...وثاني شي حطي في بالج الريال ..اذا ما يبي يتغير من نفسه ما بيتغير ..لو الحرمه لها تاثير بس بعد ..وربي يوفقج انشالله

تبين نصيحتي .............. اكيد تبينها صح :)


اخذي الثاني لانه مبين انه محترم جدا لدرجة انه ماكلمك ولاقرب وينتظر ردك له ............. الاول ممكن بس بتتعبين معاه وتشكين فيه ........... الثاني اذا على شكله عادي شفيه السكل الكببير بالعكس مافيها شي اهم شي تتقبلينه نفسيا ...............والله يوفقج

واكيد واهم شي الاستخاره ......................

ياأختى العزيزة موفقة أولا و أقولك عليكى بالاستخارة ثم دعينى أهمس بأذنك أنك لو خيرتى بين الجمال فى الرجل و الأخلاق اظنك سوف تختارى الأخلاق و أنا أضم صوتى معك لان هذا ليس كلام نظرى مثالى و لكنه الواقع و بالنسب للرجل الأول لو كنت مكانك رح أرفضه دون نقاش لا نريده عبد للك يصلى لأجل انك تريدينه يصلى نريده عبد لله اذن شاورى الله أولا ثم نفسك و أهللك و لا تقفى عند بعض الأمور و حياة سعيدة ياعزيزتى

السلام عليكم

عزيزتي لا تتعجلي كثيرا ً فالحياة طويلة أمامكِ

و أعتقد بأنك لم تبلغي سوى ال20 من عمرك على حسب قولكِ ( يكبرني بسبعة أعوام و عمره 27 )

عزيزتي فارق السن ليس بمهم أبدا ً ..،

ثم ان الشكل ليس بمهم أبدا ً

لا تكترثي ان كان شكله لا يعجبكِ

بل اكترثي ان كان تصرفا ً به لا يعجبك ِ

و أنـا أنصحك نصيحة أخت في الله لاختها في الله

توكلي على الله و صلي صلاة الاستخارة

فالله لن يضيع من دعاه و استشاره ابدا ً

عزيزتي ..

على وصفك ِ اختار الشخص الثاني و انا مرتاحة البال بعد الاستخارة المهمة

لنتطرق الى شيء آخر

ربما بعد زواجكِ يتغير قريبكِ و يصبح ملتزما ً بفضلك ِ

و ربما لا .. الله عالم الغيب

و ربما ان رفضتيه تحدث مشاكل بصدد الرفض فهو قريبك

مشاكل اعني بين العائلتين

و ربما يكونون متفهمين للأمر

من ناحية اخرى

الشخص الثاني محترم لدرجة انه لا يريد ان ينخرط معك قبل الارتباط الرسمي

عزيزتي

توكلي على الله و ان اتخذت قرارا ً فأتخذيه بحكمة

و انتظري في فترة الخطوبة و تعرفي على الشخص الذي سترتبطين به اكثر

و اتخذي قرارك ِ أأتزوجه أم لا ؟

فترة الخطوبة لا يحدث فيها اي شيء بين الزوجين

لذا بتعرفكِ عليه تستطيعين ان تحددي مشوار حياتكِ

معه ام بدونه

وفقكِ الله لما فيه الصلاح و رزقك ِ بالزوج الصالح الذي يسعدك و يريحكِ

اختكِ

a witch

الغاليه انا اشوف انه الاختيار الثاني هوه الافضل والقرار الاخير راجع لج ....والي عجبني في شخصيته انه ثقيل مره ولا بين لج شي مع انه خاطبنج ويبيج والدليل اخته تقوول ملهوف عليج بس يخاف من الغلط ..

صلي استخاره وباذن الله خير :)

مشكورات جميعا على كلامكم اللي ريحني كثير

انا فعلا اعطيت نفسي فرصه شهر ونص من الان افكر فيها براحتي لان الثاني وهو اللي

انا ارجحه لازم يخلص اشويه امور خاصه بالبناء لانه جالس يبني بيت المستقبل وتقريبا

محتاج شهر ونص على ما يجهز هالفترة بفكر فيها براحتي وبنسأل عنه اكثر والاكيد

الاستخارة مع انه الى الان تراودني هالافكار الغبيه عن شكله بس احس اني ماراح القى مثل اخلاقه

والتزامه وفوق هذا عمله ممتاز ومخلص جامعه

ادعولي يا بنات والاكيد اني ادعي لكم ربي يوفقكم ويستر عليكم جميعا

الله يوفقك اخت امل

انا دخلت الموضوع متاخر بس نشالله يا رب انو يكون نصيبك مع الشب المحترم والي يستاهلك
بس بصراحه من كلامك بين انو الشب التاني احسن من الاول بيكفي انه يحبك ومش متلعب ويخاف على عرضه وكرامته لانو لو ما بيخاف على نفسه وعليكي وحتى انتي دلوقت ما في شيء بينكن ما كان ما تكلم معاكي وخاف عليكي فنصيحتي لك اختاري الي يقول لك عقله عليه برغما نو التانيه مرجح اكتر من الاول وربي يوفقك ويوفقهم

صلي صلاة الاستخارة

وأنا أقول لو تسألون عن الثاني أكثر إذا طلع كويس فالله يوفقك

وهذا شي يراجع لك

السلام عليكم ..

اختي امل انا رأي غير شوي عن آراء بعض الاخوات .. صؤاحه حطيت نفسي مكانك و فكرت بالموضوع.. شوفي شنو طلع معي..

اولاً بالنسبه للي يقربلك ترا انتي عرفتي عنه كل هالمعلومات لانه يقربلكم و تعرفين اطباعه حتى موضوع انه يكلم بنات والا لا اعتقد انك عرفتيه من احد قريباتك و الا ما كنتي عرفتيه ابد .. لو مانتي قريبته ما كنتي عرفتي انه ما يصلي جماعه بالمسجد لان بكل بساطة انتي منتي غريبة عنهم عشان يخبون عليك هالشي ؟ و بالنسبة لعلاقاته بالبنات صح انه شي يخلي الوحده تتردد وايد بس لا تنسين بهالزمن نـــــــــــادر ما تلقين واحد مو مارة عليه هالحركات ان كان بمراهقته والا في بداية عشرينياته ..

الثاني غريب عنكم و ماتعرفين عنه الا الي يقولونه الناس و ما ادراك ما يقوله الناس .. محد يضمن كلامهم صح والا غلط .. يعني ما تعرفين عن ماضييه او طبيعه ديانته هل هو ملتزم ؟ عادي .. والا شنو بالضبط

فانصحك اول شي انك تصلين استخارة بكل قلب خاشع و مع هذا تسألون عدل عن الرجال الي ارتحتيله اكثر شي لا تكتفون باهله بس لا اسالوا كل من يعرفه و بالتوفيق يا عمري والله يهدي سرك ان شاء الله :)

نصيحتي لج مثل ما قالوا البنات انج اتصلي صلاة الاستخارة،،، عقب شوفي تحسين بالراحه تجاه من فيهم،،
من ناحيتي انا احس ان الثاني افضل لج،،،،
لان الرجل لا يقاس بالشكل انما اخلاقه وعلاقته برب العالمين،،،
الأول مايصلي وهذي نقطة مهم جدا،، الصلاة تنهى عن الفحشاء والمنكر،،،
الثاني اتقولين انج ماتلاحظين ان يميل لج او يحبج،،، مب شرط يبين لج هالشي الحين،، لان الحب ايي عقب الزواج،،
والقرار لج اولا واخيرا،،، والله يوفقج

هلا حبيبي امل

انا رايي زي البنات فكري كويس هذا مستقبل وحياة

وحتى لو رفضتي الاثنين لو قدر الله لا تستعجلين وربي اكيد بيلهمك

اتمنالك التوفيق

[grade="00008B FF6347 008000 4B0082"]مرحبا امل

انا لو منج اكيد بختار الثاني لان شكله متزن اكثر اما الاول فهو حاليا مستعد يسوي كل اللي تبينه علشان يرتبط بس بعد الارتباط في احتمال كبير ترجع ريما لعادتها القديه اكثري من صلاة الاستخاره والله يوفقج انشالله


تحياتي ...
زيــــن[/grade]

انصحج بالاستخاره .... وانا من كلامك عنهم ولا واحد عجبني .... ما ادري بس من الله