خصام بيني وبين حماتي والسبب العديلة

السلام عليكم

معليش اختي بس الصراحه انتي بالغتي شوي في ردة فعلك

يعني حتى لو كان زواج اخو زوجك ضايقك

انتي ما لك علاقه بالموضوع !!!

يعني لو هي تزوجت اخوك انتي او لو هي من عايلتك او تقرب لك و سوت شي غلط كان تتضايقين شوي

بس برررررضه انتي ما لك دخل فيها او بغيرها لا تزر وازره وزر اخرى كيف تعتقدين انها بتأثر على سمعتك

لو كان كذا كان كل واحد سيء اخوانه سيئين بعد و كل ام ضايعه بناتها ضايعات بعد

الدنيا مليانه بناس ما تعجبنا تصرفاتهم او تربيتهم لكن من نحن عشان نحاسبهم و نراقبهم؟؟

هل معنى هذا نطلع من الدنيا لانها فيها ناس سيئين او ضالين !!!

كل انسان محاسب عن نفسه

انتي ما عليك منها و لا مفروض انك تحاسبينها عن اي شي سوته

كل انسان بيحاسبه ربه و بس

و بعدين انتي واثقه من نفسك و من تربيتك صح و لا لا...

بالعكس اذا قاطعتي ام زوجك تسيئين لنفسك و للاصول و لا تنسين

انه من رضى الزوج انك تراعين امه و ابوه لانه مهما كان علاقتك فيهم راح تأثر عليك انتي و

على علاقتك بزوجك حتى لو مو فرض زيارتهم...

يعني معقول يروح لحاله و انتي ما تروحين؟؟

لا لا يا عزيزتي مو حلوة عليك

لازم تروحين معاه و تبتسمين وتتكلمين مع ام زوجك و لو كلمتك عديلتك ردي عليها

عادي و لا تكشرين بوجه اي احد

اسألي مجربات مثل هالمواقف لازم تمشينها كذا و لا راح تأثر عليك و على اطفالك طول العمر

حتى لو زوجك كان موافقك الرأي بأي مشكله بينك و بين اهله لا تعطينهم مجال انهم يلقون اي شي عليك

لانه في الاخر هذولا ناس انتي مرتبطه فيهم لاخر عمرك و اطفالك الضحيه

يعني مستحيل انك تخلينهم يقطعون اعمامهم و عماتهم و جدهم و جدتهم بسببك انتي و زوجك

ايش ذنبهم صح و لا لا......

اتمنى انك تفكرين زين لانه في مثل هالمواقف التصرف بالعقل هو الاصح من التصرف بالقلب

و اقول لك هذا الكلام من واقع تجربه مريره اتمنى ما تخوضينها لا انتي و لا احبابك

و بالتوفيق

اخواتي مرموم و ام القوقو
اشكركم والله يعطيكم العافية على نصايحكم بحاول اني اشوف شيقول زوجي في موضوع الزيارة والله يوفقنا انشاء الله للي فيه الخير بس الكل ماايدني على موقفي كل اللي ردوا كانوا عكسي عشان هالسبب انا حاسة اني الغلط وبحاول اصححه

بس بخبركم شي يطمن شويه انه من فترة حماتي مرضت فتصلت فيها وبعد رسلتلها هدايا وهي بعد رسلت لنا هدية وبعد يومين اتصلت اطمن عليها وكانت عادية وفي اخر المكالمه قالت لي مع السلامه حبيبتى, فالحمدلله انها تقريبا يمكن عاذرة موقفي لان زوجي كان تكلم معاها بصراحة في الموضوع

وانشاء الله خير بس بعدني اقول انه احسش انه البداية بتكون صعبة علي صدقوني لو كنتوا بمكاني يمكن سوتا مثلي

.0

الله يوفقج للي فيه الخير
انتي بس صفي قلبج و امشي على حسن النيه و صدقيني بتشوفين نتايج ما تتوقعينها
انا صارت لي مشكله مع اهل زوجي يومها كنت على وشك احلف ما ادخل بيتهم

بس بعد فتره و انا اصلي دعيت للجميع و جت عمتي المشكينه على بالي و بس خلصت صلاه قلت لزوحي امش نروح نسلم عليهم و استغرب تصرفي و جخلت و قلبي مقبوض ما قدرت اقعد سلمت و انا واقفه و طلعت و هم استغربوا زيارتي
بس بعد فتره كررتها و جيت على نفسي
قلت انا اليوم فوق الدنيا بكره تحتها
ما ابي لو مت احد يقولوا شوفوا اللي ما فيها خير اخذت ولدنا و قاطعتنا ما احب

بيضت قلبي و صفيت نيتي و رجعت ازورهم و لا كانه شي صار
بعد فتره كللللللللللهم صاروا عسل معاي
صحيح انا ما رجعت 100% مثل ما كنت بس و الله جرأتي و اقدامي على الزياره الاولى غير كثير في الموازين

و الحمد لله

عزيزتي سحايب دبي
اشكرك على النصيحه وبحاول اني اسوي مثلك الله يسهلها انشاالله بس بعدني ماعرف شبيقول زوجي بيوافق ولا لا.

[QUOTE=سحايب دبي]الله يوفقج للي فيه الخير
انتي بس صفي قلبج و امشي على حسن النيه و صدقيني بتشوفين نتايج ما تتوقعينها


نا معاج اختي بالكلام هذا صفي قلبج والله يكتب الي فيه الخير