حبيت اخبركم شو استوالي قبل لاعرف اني حامل !!!

هيه والله صدقج ... الدكاتره نصهم عباره عن كوت ابيض فقط ...

مشكوررررررين على مروركم

الله يثبت حملج ع خير..

الف الف مبرووك..

سبحان الله
الف مبروك حبيبتي و عقبال ما تبشرينه بولادتج
و الله يرزق ان شاء الله كل محرومه

وانا سالفتي بعد شوي غريبه. في رمضان الي طاف كنت زعلانه من زوجي لدرجه انه عصب علي ودزني وطحت على الارض. انا طبعا زعلت ورحت بيت اهلي. بيت اهلي قريب من بيتي انا وزوجي. في هذا اليوم ابدا ما ياني نوم ومن كثر ما كنت متضايقة ما قدرت ارقت عند اختي في الغرفة رحت ارقدني في الميلس بعد ما ياني رقاد رحت وخذت من عند امي حبوب منوم انا استخدم واحد شراته. بدل ما ارقد زدت ضيقه وما قدرت ارقد. رحت اصلي ركعتين لله ومت من الصياح وانا ادعي ربي في كل سجده انه الله يوفقني وزوجي ونتراضا وتعبت وايد لدرجة اني خلاص احس انه بيغمى علي. ورحت وعيت امي وخبرت اخوي ووداني المستشفى. كانت الدوره متأخره عندي اسبوعين وما يا في بالي اني اكون حامل لانه الدوره دايما تتاخر عندي طلبت الدكتوره فحص بول علشان تشوف انا حامل او لا. يت الدكتوره وامي من برع وهم فرحانين ويقولون لي مبرووووووووك انتي حامل من الفرح ما صدقت لدرجة اني ماصدقت وتميت اكذب الدكتوره اقوللها روحي لاه تكذبين ههههههههههههههه
وشفت امي تصيح من الفرح وكانت هذا الحظه احلى شئ صار لي في حياتي والله تميت طول الوقت اضحك لا ارادي من الفرح بس من وراي اخوي دق حق زوجي وبشره واول كلمه قالها الحمد لله

ودقتله وانا اضحك فرحانه وااااااايد وايد وودوني البيت عند ريلي واول ما شفته حضنته في الشارع من كثر ما انا مستانسه وتأسفلي انه غلط علي ودزني.

الحين انا حامل في الشهر السادس والله يتمم على بخير يا رب واسفه اني طولت عليكم بس حبيت اشارك وياكم بس الحمد لله الحبه الي خذتها ما اثرت في البيبي هو بخير ونموه بخير ههههههههههههههههههههههههههههههههه

الحمد لله والله يهديلج ريلج انشالله وماشي يخرب عليكم حياتكم..

مبرووووك عليكم كلكم يا بنات ........ و الله يسهل عليكم الحمل إن شاء الله

[البركه يالغاليه
و الله انا بعد سويت اشعه باول شهر من حملي بس اشعة اسنان
و ما كنت اعرف اني حامل

و احاتي الموضوع بس متوكله على الله و انا الحين في السادس و اموري الحمد لله كلها طيبه

سبحان الله

ألف مبروك مبروك fashion girl ومبروك شهد و مبروك بعد شيماء الأمارات