طريقة عمل الحمام المغربي و قناع الطين المغربي

البنات ما قصروا الله يعطيهم العافيه

حبيبتي انا طريقتي اخذتها من النت وجدا حلوووه اعملها كل اسبوع مره
بالنسبه للملح استخدم ملح الحليب(اللي بدون ريحه)) مخلوط بزيت الزيتون كمطهر ومقشر للمنطقه الحساسه والارداف مابقولج بعدها راح تشوفي كيف النعومه بهالمنطقه وطبعا تفتح شوي شوي بس يبيلها مداومه انا استفدت من هالطريقه كثير لان كان عندي اسمرار بالارداف واثار لحبوب ورحت لدكتوره جلديه وعطتني ادويه ماستفدت منها ابدا مده 6 اشهر والله اعاني ولا دواء جاب لي نتيجه او خفف لي الاسمرار ومن بعد هالطريقه كل مااجي اسبح الملح والزيت يسبقوني للحمام تكرمين والحمدلله خفيت كثير فرق عن اول وللحين مداومه عليها وماظن بتركها
بالنسبه للصابون المغربي والطين
اول شي ادخل السونا واجلس فالبخار حتى تفتح المسامات عندي اجلس تقريبا 20 دقيقه او نص ساعه على حسب تحملج للبخار
بعدها اطلع منه واحط (الصابون المغربي مخلوط مع حنا +ليمونه لان بشرتي دهنيه) اخليها ربع ساعه
وبعدين اغسل الصابون بالماي وافرك بالليفه
بعدها احط (الطين مخلوط بماي الورد وليمونه كمان احطه على شعري ووجهي واخليه 10 دقايق )بعدها
اغسل وجهي وكمان اغسل شعري بالشامبو اللي يناسبني
بعدين افرك رجولي بحجر الخفاف وبعدين اغسل جسمي بصابونه الطاووس بالعسل او اي نوع يناسبج
واخر شي اكون مجهزه بخاخ ماي ورد ابخه على وجهي و كامل جسمي .......
واذا عندك زيت جنسون للأطفال او اي مرطب رطبي جسمج بعد يكون افضل ......

امممممم بس هاي طريقتي بالتفصيل وبشرتي الحين الحمدلله مرتاحه منها
غير البخار اللي للوجه بعد حلو كل اسبوعين مره ............

اتمنى تستفيدين من الطريقه يالغاليه والسموحه على الاطاله
سلامي

مشكورين بنات وخاصه صاحبه الموضوع
بس الطين المغربي من وين نجيبه في الرياض

حبوبه انا مب من الرياض لكن حبيت اقولج انو الطين المغربي بتلاقينه عند (الحواج )

سلامي

الطين المغربي يعجن بماء الورد ويوضع على الوجه 15-20 دقيقه ثم يغسل ويمسح الوجه بماء ورد

والله ماأعرف ، عمري ما عملته

موضوع مميز بكل معنى الكلمه

حبيبي انا راح احكيلك السر في انك تحط صابون مغربي وبعدها تغسليهو تفركي بالليفة انتي لو حطيتي الصابون وفركتي دون ما تغسلي ما راح تطلع الاوساخ و الخلايا بالعكس لو غسلتي راح تطلع وراح تشوفي الهبل .جربي و بتشوفي و صح او لا

رووووووووووووووعه ماشاء الله