يابنات بالنسبه للوزن كم لازم على الحامل يزيد وزنها كل شهر ؟؟؟

بصى اختى انا ما بعرف بس اهم حاجة انك فترة الحمل كلها ماتزيديش عن 12 كيلوا علشان تعرفى تنزليهم بعد الولادة وربنا يقومك بالسلامة

حبيبتي الغالية زيادة الوزن يختلف من وحدة إلى الثانية ومن حملة إلى الحملة الثانية .....

على سبيل المثل أنا يوم في حملي الأول كان وزني يزيد كل شهر كيلوين... والأحيان في حملي الثاني يزيد كل شهر كيلو واحد ....

هلا اختي لا تخافين انا طولي 170 ووزني قبل الحمل 54 والحين انا في الشهر الرابع وصار 63 بس اول ما سمعت ما صدقت بس بعدين اقتنعت شاسوي بعد ان شاء الله بعد الولادة بيرجع طبيعي

وانا قريت انا الحامل يزيد وزنها من 10 الى 15 كيلو يعني طبيعي


اختكم ام ابراهيم

لا بس اخواتي انا اكل ماامنع نفسي من شئ يعني شبس وشوكلاته وكل شئ

ومااكل اشياء مفيده ووزني الحين زاد اربعه من كذا احسه شئ مو طبيعي

فهمتوني يعني احس الزياده غلط مو لصالح البيبي


تحياتي لكم

والله حبيبتي اخذيها نصيحه من اخت اكلي اللي تبينه وخلي عنج الحميات البيبي محتاج لتغذيه انا توني والده من 40 يوم قبل مماحمل كان وزني 60 ويوم الولادة قسته طلع 77 تخيلي والحين وخلال فترة الانفاس اتبعت حميه وابتعدت عن كل المعجنات والحلويات والحين صار 68 وانشالله بعد بنزله اكثر..

اكلي وغذي البيبي علشان عقب ماتتحسفين لما يطلع البيبي فيه شي من سوء التغذيه ..


واسفة طولت بس حبيت اساعد

شيء طبيعي أن يزيد الوزن كل شهر كيلوين أو كيلووو في الشهور الأولى ولكن في الشهورالأخير يزيد بشكل كبير وألي أعرفه أدا كان في الشهور الأولى والوزن يزيد بشكل غير طبيعي يحولونه على الطب الخاص او دكتورة نساء

لا تخافي أختي

خلها على الله

مشكورين وماقصرتوا

تسلمون

انا اقول الوحده لازم تحاول تبتعد عن الحلويات والمعجنات والدهون قد ماتقدر وتحاول تكثر من الخضراوات والفواكه والاكل المفيد عشان مايزيد الوزن وفي نفس الوقت يتغذى الجنين...
وانا سمعت ان الحامل اذا زاد وزنها لين 13 كيلو تقدر تنزله كله بسهوله بعد الولاده اما اذا زاد اكثر من 13 كيلو بتنزل وزنها بصعوبه
شوفي اهم شي تحاولين مايزيد وزنج وايد اول الشهور لأنج بتفقدين السيطره على وزنج في الشهور الاخيره وبيزيد وزنج وعلى فكره الزياده في الشهور الاخيره بتكون في الجنين والمشيمه اكثر شي...

انا اللي قالتلي الدكتوره ع الوزن الطبيعي بعد اخر شهر ف الحمل يكون زايد 12 كيلو الى 16

يعني تقريبا كل شهر 2 كيلوين..

اختي الطبيعي اتزيدين 12كغ فحاولي اتسوين شوي كنترول على الاكل امشي شوي علشان اتحافضين على الوزن وبالتوفيق

انا للحينه ما زاد وزني بالمرة بالعكس نقص...اول ما حملت كنت 56 والحينه اترنح ما بين 54 55 وانا بالرايع...الله يستر علي ...

هلا..غصن الرند..
مثل ماقالوا لك البنات،،الزيادة الطبيعية 2 كيلو بالشهر،،وبعدين لاتحاتين الحامل تحرق السعرات الحرارية بشكل سريع
أنا مثلا أول ماحملت كان وزني 57،،وكنت كل ماأروح موعد الاقي وزني زايد 2كيلو وكنت أحاتي هذول شلون بينزلون بعدين وأنا اللي دايما أحاتي مسألة وزني قبل الحمل،،بس الكل قال لي انهم ينزلون بسرعة بعد الولادة اذا الوحدة ماتركت حالها على الحلويات والأشياء الدسمة بالذات في فترة النفاس
تصدقين عيوني،،انا حمدت ربي يوم أن وزني قاعد يزيد،،لأني قبل هالحمل حملت وكان وزني ينقص وينقص لغاية ماوصلت للثالث وأجهضت..الحمدلله على كل شي...وبعدين النقص الزايد في الوزن ممكن يأثر على البيبي ووزن البيبي هذا إذا ماسبب له ضرر
توكلي على الله وأكلي باعتدال خلال الحمل من كل شي تحبينه ولاتحرمين حالش وتتبعي حمية لانه مايصلح
ســــــــوري على الإطالة

هلا حباااااااااااااايبي انا كان وزني 51 والحين انا فالثامن وزني 68 وايد زدت اخاف والله انصحوني شو اسوي .........اسوي رجيم وانا حامل؟!

انا من جد ضاااااااايق خلقي في الخامس وزايده 5 كيلوووو اخاف ينصدم زوجي اذا رجع

ماشاااااافني عقب الشهر الاول وباقي على رجعته شهر وش اسوي؟؟:(

مافيه نظام غذائي صحي متكامل نمشي عليه؟؟؟

مو المفروض الدكتوره تعطينا؟؟؟

والمشي في الخامس عادي؟؟

هلا حبيبتي..انا بالضبط مثلج طولي 160 ووزني قبل الحمل 60 تقريبا ..انا الحين توني داشة الرابع ووزني 62.5 ودخلت على برنامج الوزن للحامل وعرفت ان الوحدة طبيعي خلال الاشهر الثلاث الاولى تزيد 1.5 وبعد الثلاث الاشهر نص كيلو اسبوعيا ..وبالنسبة لوزنج وطولج الوزن المثالي اللي ممكن تزيدينه خلال فترة الحمل كلها 11-16 كيلو...وانا احس انج ضعيفة يعني ماشالله بنص الخامس وزدتي بس 3 كيلو يتراوالي لازم تهتمين بأكلج اكثر..وسلامتج

حبيباتي لا يتكدر خاطركم و لا شي


و لا وحدة تقول انه ريلها بيتضايق من زيادة الوزن بالعكس


هم بيستانسون لأنه بيحسون ان هذا بيبي


انا أعرف وحدة زادت 18 كيلو ورجعت لوزنها الطبيعي خلال 6 شهور بدون ريجيم


الله يوفقكم

بس المهم انكم تاكلون اكل مفيد مو كاكاو و شبس و غيره :)

اختي انا ايضا حامل في الشهر الرابع وزيادتي الى حد الآن قليلة وما اعرف شو السبب
بس انا وحامي كلش صعب ولحد الآن اي شي اكله العفو اطيحه من جديد

الله يخليكم حبيباتي ... انا بعد الحين داخلة على التاني وما شالله وزني احسة زايد لان احس نفسي ثقيلة وما ادري هل هذا زيادة في الوزن ولا قلة الحركة لان طال عمركم صايرة كسول و قليل ما اتحرك .. على الرغم ان ما من زود الاكل الي اكلة
واتمنى يكون في نظام غذائي صحي ما يأثر على الجنين وفي نفس الوقت يكو مفيد لي

وزني قبل مااحمل كان 74 والحين في الشهر السادس ووصل 83 يعني زايده 9 كيلو ,, لين شهري الاخير كم بازيد ... ؟؟؟؟!!!!!!!!



الله يعينا بعدين .. بس اهم شئ البيبي يكون بصحة وعافية ..