اسنان.... جم يطول مدته؟؟

على حسب اسنانها

البعض سنتين او ثلالاث سنوات يزيد او تنقص المده

والله العلم عند الله

بس على حسب نوعية اسنانها ..مثلا أنا ثنتين من خواتي كانن مسويات تقويم بس المده ماكانت نفس الشي مع العلم انهن في نفس

اليوم مسوياتنه ..يعني فيه بعض الناس ترجع اسنانهم بسرعه وبعضهم لا .. بس كحد أقصى 3 سنين ..

تحياتي..

مدة التقويم تعتمد على عمرها وعلى سرعة تحرك اسنانها

انا عمري في العشرينات واسناني السفلية فيها بروز .. وواحد من اسناني عوج وطاق بالسن الثاني وعندي فراغات بين اسناني .. قال لي الدكتور ان مدة التقويم بتكون من سنة لسنة ونص ..

خلها تروح للدكتور وهو بيقول لها .. ولو تستعجل في الامر احسن .. مو تصير مثل حلاتي كل يوم على يوم وكل سنة على سنة .. لحد ما عجزت :D .. وتوني معزمة ومسوية التقويم .. ندمت لأني ما سويت التقويم من قبل .. وترى كل ما تأخرت كلما زادت المدة اللي بتظل فيها بالتقويم .. يعني لو تروح اليوم او بكرة افضل بكثير من لو تروح عقب شهر او شهرين

مرحبا اختي
معاج بنوتة إماراتية طبيبة أسنان ( تحت التدريب )
الغاليه مثل ما قالو الخوات الفتره بتختلف من شخص لي شخص
حسب الحاله .. و الطبيب لازم يشوفها و يقرر شو بيسوي .. في حالات لما ما تكون في مسافات كافية في الفك الطبيب يطر انه يخلع كم سن من الأسنان .. عشان يسمح لباقي الأسنان بالتحرك و بدون ضغط من الأسنان المجاوره .. و في حالة الخلع .. بتكون المده اطول من الي ما يحتاجون خلع .. و حتى الحالات الي ما تحتاج خلع اسنان .. بعد تختلف مدتها و هالشي لازم يحدده طبيب الأسنان
:) انشاء الله بسوي موضوع مخصص لمشاكل و استفسارات زوار منتدي عروس و بيخص الأسنان و مشاكلها .. و لو احتجتي اي معلومه لا تترددين بالسؤال
و السمووووووووحه منكم عل قصور :)