ساعدوني ... إعادة تنسيق غرفة نوم؟؟

هــــــلا بعروستنـــا

قلـــب حســـاس
كلامج صحيــــح التغييـــر ولو كان بسيط له تأثيــــر كبير على النفسيـــه
شوفي حبيبتي الغرفه مثــل ماقلتي صغيـــره واستخدامج حق اللون العنابي حلو وراقـــي
بس راح يعطي احساس ان الغرفه صغيــره اكثــر

شوفي عيوني انتي قلتــي ان الطوف الباجب بيج حلو حلو
اقترح عليــج تبدليـــن الطوفه العنابيه بس مو بالصبـــغ لا لا لا
حطي ورق جدران تكون الوانه هاديه وناعمه ومشرقه

او ممكن تاخذين شي يجمع بين العنابي والبيج
او بيـــج فيه حركه مثـــل جذي



علشان الستــاره اذا ما تبين تغيرينها يعني

وغيري الكفـــر والكوشيــات حاولي تخليــن الاكسسوارات
كلها بالوان هاديه او زجاجيه فازه حق ورد المفارش استخدمي المفارش المشكوكه
اللي تكون على ستايــل هندي لونها بيج مشكوكه بالذهبي تعطي رونق راقــي عالغرفه

هذا اللي في بالي
واتمنـــــى افكاري تعجيج

مع خالص تحيـــاتي
الغاليــــه

شوفي عيوني اتمنى اني اقدر افيدج التغير فعلا مطلوب ..:smile:

وانا عندي نفس المشكله بس دوووم احاول ادخل الوان ثاانيه تعطي للغرفه جو ثاني ..

يعني مره غيرتها بس كاااانت روووعه ومميزه وزوجي انبهر يوم شافها ومن غير مايكلفني شي ..:up:

تعرفين خذت جلادات اللاصقه تحصلينها بالمكاتب اخذت درجات الوردي والفوشي وقصصتهم على اشكال دوائر باحجام مختلفه ووزعتهم على الجدران الغرفه ولصقتهم ..
و شريت توور وردي وفوشي وحطيته كمفارش للطاولات ودخلته معا قماش الستاير وثبته بالدبابيس ودخلت وياه ورد ..
وانا عندي بالغرفه اثريه بعد غلفتها بالتور الوردي ونزلت منه ورد مجفف وكرستالات خفيفه وطلعت الايضاءه ورديه تجنن ..
والمفرش كان ابيض ووردي ..
بصراااحه حتى زوجي انبهر وخصوصا على فكره الجدار ظن انه صبغ ..
:cool2:
وعلى فكره ترى الوان الغرفه عندي زي الوان غرفتج وضيقه ..

حبيبتي نقلت نسخه من موضوعك لركن الديكور حتى تستفيدين منهم هناك..