بنااااااااااات الامارات .. قررت أقااااااااطع الاسواق .. !!

موضوووعج حلو جدا

والله ودي يالغاليه اسووي اي شي يكوون حلو ومميز واسترزقق منه بس انا منفع في شي وان شاءالله ربي يقدرني ويفتح ابوواب الرزق عليه

[size=3]السلام عليكم ورحمة الله وبركاته يزاج الله خير الغالية على الموضوع الحلو ومثل ماقلتي الله عاط كل حد نعمه ليش مايستغلها مابيخسر شي بالعكس بياخذ ثمن اتعبه وانا اشجع البنات كلهم اي وحدة عندها عزيمة نبدى من اليوم وكل وحدة اتصور اي شي سوتة حتى لو توكة ممكن اتفيد اخواتنا وانا مستعدة لاي وحدة تبى تتعلم في الاعمال اليدوية او المكياج او تغليف الهدايا او الرسم مايردكم الا السانكم والحمدلله الله عاطني نعمة وانا استغلها في اشياء اتفيد عايلتي والناس كلهم وشكرااا..... وقريبا راح احطلكم شي من شغل ايدي وانشالله يعجبكم ....... عروووووس الخليـــــــــــــــــــج ..........[/size]

مشكووورة يالغالية والله ما قصرتي
بالفعل الشغل مب عيب المهم انه حلال وينمي شخصية البنت
ويخليها واثقة من نفسها أكثر ..

وانا واياكم مدام الموضوع فيه بنات الامارات
انا تطوعت مرة أدرس انجلش وعربي والقرآن الكريم
حق عيال جيرانا ياربي شياطييييييييييين المصيبة بنات
هههههههههههههه

تعرفون انا في شو فكرت بما ان عندي موهبة التصميم
اني مثلا اسوي تصميم وانقله لشنطة او قميص او أي شيء ينلبس

شو رايكم بنات فكرتي حلوة ؟؟؟

ماشاء الله بنات البلاد مب مقصرين
لو كنتي سايرة معرض العروس اللي كان في أبوظبي .... جان شفتي بنات الامارات ماشاء الله عليهم
من مشروع الجلابيات ... وقمصان النوم... الاكسسوارات..الشيل والعبي.... البدل والبديات.... حتى ماشاء الله الكوش.... والمكياج والعطور والدخون....طبعا شفتي الحينه مكثر اللي طالعين ... ماشاء الله على بناتنا.........بس عندي ملاحظة في بنات مع انهم يبيعن في البيون بس الصراحة وايد رافعين سعرهم....يوم كنت في المعرض عيبتني عباه وحده مواطنة كانت تبيع بس عليها بروش في الوسط على 1800 درهم بس العباية... ما اتحسون انها غالية...
أنا الحينه داشه في مشروع مع وحده نسوي شنط .....

ااااااااااااالله يوفقكم يا بنات البلاد بصراحة مشاريعكم ووووووووايد حلوة والى الامام ان شاءالله

هلا الغالية الامارات

والله صدقتي بكل الكلام اللي قلتيه

وانا اكثر وحدة بينبط راسها من المشاريع

ولا انفذ

لا ن حالتي المادية الحمدلله زينه

و عيب عندنا اللي تبيع الا اذا كانت فقيرة او محد يصرف عليها او مطلقة

والاغيره بياكلون بلحمج اكل ولا راح يشترون وبيخربون عليج ويكسدون عليج بضاعتج هند الناس

على فكرة انا اعرض ومحد يدري عني من هلي غير زوجي وامي وخواااتي وبس ..

بس ان شاء الله بابدا مشروع بيع وتأجير فساتين عرايس وخياطة ملاحف ومفارش سرير بالطلبية للعرايس قريب الصيف ..

ادعو لي احقق هالحلم ..

زوجي دايما يشجعني بس الباقيين يحبطوني .. مع اني عندي راسمال ..

بس يبي اشتغل بجد ..

وموفقين باقي البنات ..

تحياتي لله
ثم للجميع .

ماشاء الله عليكن

والله يوفقكن


اما انا مب فالحه بشي ابدااااااااااااا


ومشروع الحضانه وااايد عيبني


وخاطريه اعرف مشروع شوتنج ستار :think:

يسلموووو الامارات على تشجيعج لبنات بلادنا الله يحفظهن

مشتاقة لقطر ،،، صحيح كلامج الناس تحبط الواحد لما يفكر انه يبيع ومن هالقبيل اونه عيب وشو محتاجه فلانه مستوية بياعه وجي ومن هالكلام بس انتي احمدي ربج ان اقرب شخص لج يالس ايشجعج وماعليج منهم خلي موضوعج بسرية تامة بعض الناس تحسد لما اتعرف ان هالاغراض لفلانه والله حسد فيها مابشتري منها جي عندنا ايقولون عندنا وحدة تشتغل في سالفة البخخور والعطور وانا اخذ عندها بين فترة وفترة صح شغلها مب ذاك الشيء بس اخذ عندها والكل ايقولي انتي مينونة أتربحين فلانه من وراج ... شوفي الحسد لوين يوصل

المهم الغاليييييية الله يوفقج ويحقق حلمج ان شاءالله :))) وأنييي نشتري من عندج :)

الله يسهل عليكم جميعا يارب العالمين ويفتح ابواب الرزق لما هو خير :yes::z_clap:لكم

نهر جاري:
مشتاقة لقطر ،،، صحيح كلامج الناس تحبط الواحد لما يفكر انه يبيع ومن هالقبيل اونه عيب وشو محتاجه فلانه مستوية بياعه وجي ومن هالكلام بس انتي احمدي ربج ان اقرب شخص لج يالس ايشجعج وماعليج منهم خلي موضوعج بسرية تامة بعض الناس تحسد لما اتعرف ان هالاغراض لفلانه والله حسد فيها مابشتري منها جي عندنا ايقولون عندنا وحدة تشتغل في سالفة البخخور والعطور وانا اخذ عندها بين فترة وفترة صح شغلها مب ذاك الشيء بس اخذ عندها والكل ايقولي انتي مينونة أتربحين فلانه من وراج ... شوفي الحسد لوين يوصل

المهم الغاليييييية الله يوفقج ويحقق حلمج ان شاءالله :))) وأنييي نشتري من عندج :)

يارب يسلمج
ياالنهر الجاري
وانا مب كارهة في السالفة كلها الا كلمة بياعة

جني ادق بيبانهم واترجاهم يشترون ..

واصلا انا من بديت المشروع كان بالنصيفة انا اشتري وربيعتي بقطر مسؤؤلة عن البيع .

مالي شغلبالبيع والترويج لا من قريب ولا من بعيد

وكانت شغلتنا متنوعة على حسب احتياجات زباينها ..

بس وقفنا الشراكة وهي ما شالله اسست لها مشروع يدخل عليها بالالاف

وعطتني الفكرة لو احب اطبقه بروحي ..

وتن شالله انفذه
بس تدرين شو ؟؟؟؟؟؟؟؟؟؟؟؟؟؟؟

حسيت انج اكيد تصيرين من قرايبي ؟؟؟

عارفة شو يقولون ؟؟ وشو يسوون ؟؟

شكرا لج
واذا سويت مشروعي بابشركم ان شاء الله ..

تحياتي

الله يوفقج ان شاءالله اختي مشتاقة ولا ايهمج كلام الناس وترى الناس كلهم نفس الشيء هنيه وفي قطر بيئتنا شبه وحدة :):)

ويمكن أطلع من أهلج ههههه.. يا محاسن الصدف

[grade="4B0082 4B0082 800080 800080 FF1493"]

السلام عليكم ورحمة الله وبركاته

موضوع راااائع بكل معنى الكلمة

وفعلاً هالشي هب عيب

بالعكس أنا أشوفه إبداع وتفوق وإثبات للذات

أنا عن نفسي عمريه ما اتخيلت أنيه ببدع في مجال اكسسوارات الشعر

صح كنت أنفذ لعمريه ولخواتي

بس على خفيف

لكن حالياً اتخرجت من الجامعة وحبيت أستغل وقت فراغي

وبالعكس إبداعي في هالمجال خلانيه أفكر أفتتح لي محل بإذن الله تعالى عقب

والسبب أنيه تخرجت وأتريا أعرس وأنتقل دبي وعقب أتوظف

وللعلم .. فأنا خريجة بامتياز مع مرتبة الشرف في مجال هندسة الاتصالات

لكنيه من النوع اللي ما أحب أيلس وأحط ايدي على خدي

لازم أشتغل وأستغل وقتي

والحمدلله بفضل رب العالمين وتشجيع البنات قدرت أثبت نفسي

وبعدنيه أقول إن شاء الله إذا عقب الوظيفة ما انشغلت

بستمر في هالمجال اللي أنا أحبه وأمارسه باقتناع



ربي يوفقكن خواتي

[/grade]

السلام عليكم ورحمة الله وبركاته
اشكر اختي الامارات ع الموضوع الاكثر من رائع

وأظن ان المشكله الكبرى ماشي تشجيع
حلوه فكرة المشروع وانا من زمان خاطريه اشتغل وابيع

مب للحايه بس احتراف للهوايه .. وانا انسانه تموت في التصميم والاعمال اليدويه
حت اهليه يقولون لي بيعي وصدقيني الكل بياخذ منج بس مب من شيء احس موول ماشي تشجيع

او مثلا اقول وايد بنات يشتغلن مثلا في التغليف واحسن عني ( لا تقولون ماشي ثقه شي) بس ما اعرف شقايل ابتدي او مثلا منو بيعرف عني ...

مع اني احب اسوي اهداءات الخطبه وهدايا المواليد والمناسبات المختلفه ومسوية وايد صناديق
واكثر عن 4 مناديس

يلله الله المستعان

وان شاءالله اتمنى ان اسوي طلبيات حق بنات خارج العايله
اتمنى الصراحه

لأن ع حسب كلام اهليه شغلج ناعم وفخم بنفس الوقت

يلله خير

مشكوووره وااايد اختي الامارات