يا رب ساعدني

يوم بتشوفينه ضايج البسيه و طنشيه و لا جنه موجود لين ما ايي هو يكلمج...لان مجرد محاولتج تكبر له راسه و يظهر عصبيته عليج

و لا تنسين الدعاء و الله ييسر امورج

الغاليه
تدرين
مشكلتي اني أنا عصبيه
و لو حد يا و كلمني و أنا عصبيه أعصب أكثر و أثور و أتضايج
و ما ينفع غير اني أقعد روحي لين ما أهدى و بعدبن ولا جنه شي استوى
يعني
خلي ريلج روحه يوم بيعصب
و لا تورينه ويهج
و عقبهه بيرد عادي

مو المشكله ان آنا بعد عصبيه

يعني آنا ابي من يهديني بالاول عشان اقدر ارد له بويه حلو مب مكشر

بسم الله الرحمن الرحيم

حبيبتي اتعوذي من ابليس وصلي لك ركعتين وادعي الله في هالوقت

لا تدعين على نفسك بالموت ترى الله يبلي المؤمن ويشوف هل

يقدر يستحمل والا لا ..؟؟

صدقيني الله يحبك وانتي ادعي الله انه يصير كل شي زين

انتي توك متزوجه يعني الحياه جديده عليك تحملي الله يوفقك يا رب


واذا شفتيه معصب وتبين تردين حاولي تمسكين نفسك بقدر الاماكن واسكتي

وقولي ان شاء الله ولين يهدى ناقشي الموضوع وياه وخلك هاديه عشان تقدرين تفهمينه

وحاولين يالغاليه تكسبينه واكيد ما يعصب الا اذا في شي

وانتي لا تنسين هو رجال وانتي زوجته يعني الحين مسؤؤليه وهو ما كان

متعود على هذا الشي يعني شوي شوي خلك قريبه منه افهمييييه

اعرفي شنو يحب وسويه لا تعاندينه ترى بتخسرينه ,, حياتي هذا

زوجك بيدك حاولي تفهمينه تكسبينه تتناقشين معاه لا تكدرين خاطره دوم

وهو بعد اعذريه يمكن عنده ظغوطات بالشغل يمكن متضايق من شي

واذا شافك معصبه بيحط حرته فيك استحملي خلك ثلجه وامتصي غضبه

وصدقيني بيجي وبيقولك كل الي مضايقه ,,

والله يوفقك يا رب في حياتك الجديده يا عروس ,,

نبي نشوفك فرحانه طمنينا عليك يا عسل ..

الله يعينك

لا أملك سوى الدعاء لك

ربي يصلح أمورك ويهدي ريلج

عزيزتي اسمعي كلام اختنا مهاري
ولما تشوفيه معصب،، اتركيه ،، تزيني والبسي شي حلو ، وحطي عطر هو يحبه ،، واعملي ولا كأنك حاسه انه متضايق،،
وبس يجي معوعد النوم،، حاولي تحكي له انه لما يكون متضايق تسود الدنيا بوجهك، بس .
لا تخلي اهتمامك يزيد عن حده ، اذا عنفك، طنشيه وخلاص,
الله يوفقك

الله يوفقج بحياتج حبوبه

اصبري وسوي اللي وصووج فيه البنات
مافي حل غيره....

عليج بالصبر والله يحنن قلبه وتشوفيينه دووم مبتسم لج وفرحانيين بحياتكم توجاذيير :smile:

يالغاليه مثل ما قالوا لج الخوات

اتركيه اول شي علشان يهدى و ثاني شي علشان انتي تقدرين بعد تهدين و ثالث شي علشان لا يكبر الموضوع

و بعدين حاولي لو شفتيه شوي هدى تقدمين له كوب عصير بس اتركيه يمه و روحي او قوه او اي مشروب يحبه
حطيه يمه بالمكان اللي هو فيه و روحي
بتشوفينه شوي و راحت منه العصبيه فبيي عندج او بيناديج و كل اللي كان بينتهي و مع الوقت و الله بتصير حياتكم هاديه و بس تحسون بتوتر بتحاولون باي طريقه تنهونه و بهدوء لانكم بتكونون سكنتوا بقلوب بع

يالغاليه مثل ما قالوا لج الخوات

اتركيه اول شي علشان يهدى و ثاني شي علشان انتي تقدرين بعد تهدين و ثالث شي علشان لا يكبر الموضوع

و بعدين حاولي لو شفتيه شوي هدى تقدمين له كوب عصير بس اتركيه يمه و روحي او قوه او اي مشروب يحبه
حطيه يمه بالمكان اللي هو فيه و روحي
بتشوفينه شوي و راحت منه العصبيه فبيي عندج او بيناديج و كل اللي كان بينتهي و مع الوقت و الله بتصير حياتكم هاديه و بس تحسون بتوتر بتحاولون باي طريقه تنهونه و بهدوء لانكم بتكونون سكنتوا بقلوب بعض


الله يوفقج

اختي الله يهديك
مايجوز هالكلام
قال النبي صلى الله عليه وسلم "لا تدعوا على أنفسكم، ولا تدعوا على أولادكم، ‏ولا تدعوا على خدمكم، ولا تدعوا على أموالكم، لا توافقوا من الله ساعة يسأل فيها ‏عطاء فيستجاب لكم،" أخرجه أبو داود.

عليك بالدعاء والصبر واحتسبي اجرك عندالله

اختي عروس ناعمة
اولا استغفري الله على هالدعوه الي دعيتيها ادري انها ما طلعت الا من قهر بس صدقيني حرااااااااااااااام وبالعكس كل ماواجهتك اي ضيقة او كدر قولي الحمد لله على كل حال يارب يسر لي امري و ادعي الله داااااائما يهدي زوجك ويسخره لك
ثانيا انا ماني متزوجة بس ابنصحك من قلبي
هدي اعصابك انتو توكم جديدين على بعض اطباعكم شخصياتكم اهتماماتكم فهذي اصطدامات عاديه (اتوقع) انتي حاولي تهدين الوضع و ابتعدي عنه لحد ما يهدا شوفي يمكن ما وفقت في كلامي لاني ما جربت بس مارضيت ادخل و لا احاول اهديك و اساعدك
الله يوفقك و يسعدك ويهدي سرك ويهدي زوجك لك يارب
قولو آآآآآآآآآآآآآآآآآآآآآآآآآآآمين انه يصير خاتم في اصبعها

السلام عليكم ورحمة الله وبركاته

اختيه سوي الي نصحووج عليه الخوات جزاهم الله خير....

وبعدين ادعي الله وان شاء الله تستمر حياتكم بخير وضحك

الف الف الف الف شكر لكم حبيباتي

والله انكم طيبتو خاطري بهالكلام اللي يرد الروح
وآنا اعترف صج كنت غلطانه لما دعيت على روحي بس والله كانت حالتي تسر العدو وآنا اكتب لكم

وان شاء الله كل اللي قلتوه بسويه

والله يقدم اللي فيه الخير والصلاح لنا ولكم


وان شاء الله بطمنكم علي

لا حبيبتي حرام تدعين على روحك بالموت....
ادعي الله يفرج همك ويصلح لك زوجك ...ترا مشكلة بسيطة انت بس هونيها وهي تهون ....ياما تعرضنا لمشاكل وهموم اكبر من مشكلتك والحمد لله انفرجت سبحان الله الذي يغير من حال الى حال....كثري الدعاء والجي الى الله سبحانة ....
وثقي ان لكل مشكلة حل وراح تنحل باذن الله....

اهلين اختي عروسه ناعمه ..
ان شاالله تنحل مشاكلج ويا ريلج وان شاالله تصيرون سمنه على عسل يا رب
وبعدين مثل ما قاللج خواتي لما تشوفينه معصب ولا ضايق خلقه سيري عنه خليه بروحه وهو بيهدى تدريجيا
ولما يستوي ok سولفي معاه عن مواضيع ثانيه تعرفين انها تفرحه وتخليه يستانس ...
وانشاالله تستوون احلى عرسان يا رب ... قولي أأأأأأأأأأأأأأأأأمين
وبعدين هاااااااااااه الا الدعاء على النفس ..ترا مو زيين :no:
وتحياتي لج ... اختج ..
المبتسمه دائما ..:shy:

يوم يكون معصب ابعدي عنه لحد ما يرضى هو نفسه بيكلمج....
وقعدي معاه وكلميه بكل صراحة وقوليلهانج مب مرتاحة من هالحال..

مشكورين حبيباتي

اليوم سويت اللي قلتو لي عليه

وصاير حليو ،، وتسامح مني وخذاني البحر وقال لي وعد منه آخر مره يسوي هالحركه فيني ..

وبعد قال ان اسلوبي وايد عجبه لأني ما عصبت هالمره وما نرفزت ،، سويت روحي طيبه وايد وحنونه عليه

الحمد الله ,, شفتي اشلون هو حنون ويحبك

والله لو ما يحبك ما فكر يطيب خاطرك ,, والله يديم المحبه و التوفيق يا رب بينكم

وهذا لان انتي طيبه وتساهلين كل خير الغاليه

وان شاء الله تكونين بهالحال واحسن يا رب ,,

و انا ببشرج ببشارة حلووة

اول 3 سنين كلها من هالشاكلة هههههههههه
يعني كلها ضرابات و مشاكل مخلووطة بحب و شووق و حنان

بعدين بتستقر الاوضاع و بتخف المصادمااات

الله يسعدج عزيزتي دوووم و كل يوووم