تزوجت من غير رضى أهلي..

حبيبتي شمس اللي صار صار صحيح انك تسرعتي شوي وغلطت بس هذا لا يعني انك تخربي بيتك وخصوصي انه زواجكم مبني على المحبة انا برايي انك تستمري بمصالحة امك لا تياسي ابدا لانه مافي اعظم من قلب الام
واكيد رح يجي اليوم اللي يرضا عليكي فيه اهلك واشرحي لامك وقولي انك غلطانة ما في انسان معصوم عن الخطا وانه بيرضيها انك تطلقي والناس تحكي عليكي حاولي قدر المستطاع انك تسترحميها والله المستعان وعليه الاتكال:think:

حبيبتي شمس بوظبي :
خذي هالكلمة نصيحة وتذكريني حزتها (( تره محد بينفعك في هالدنيا غير أمج وأبوج)) ورضى الوالدين من رضى الله ..
لا تكابرين وأعترفي بغلطتج أول .. اذا بالفعل تريدين التوبة .. لان التوبة الصادقة لا تأتي الا بصفاء النية..
وعليكي بالدعاء وقيام الليل ..

والله يهديك ويصلح بينكم بإذن الله ..

السلام عليكم ورحمة الله وبركاته

أنا رايي من راي اختي مرموم

بس وينج شمس البنات قاعدين يكتبون لج نصايح وانتي لين الحين ما خبرتينا اذا نفذتي شي منه ولا لا ؟ وهل في اي تطورات من ناحيه اهلج

طمنينا عليج حبيبتي


اختج دلع

الحب نعمه

بس مجتمعنا مايسمح بهالشي

واللي مايناسبنا اكثر لما تتزوجين من واحد من دون رضى الوالدين

رضى الوالدين اهم نقطه في علاقه زوجيه

تخيلي كيف الام تتعب وهي في غرفت الولاده شي فضيع

كنت تقدرين تترين ليما تقنعينهم

بس انشالله بيرضون بس خلي علاقتج مع الرب قويه واستغفريه

وبالتوفيق انشالله

على فكرة هالشهر بخلص 25 سنه .. مو مراهقة..
امس كلمت امي وزوجي بعد كلمها يعني رضت بس زعلانه وكانت تسألني حملت ولا لأ قلت لها اول ما ترضي عني بحمل انشاء الله سكتت وقالت لي الله يوقفج.. وسألتني متى بتزورونا انتي وهاللبناني.. وان شاء الله عالويك إند بنزورها .. مشكورات خواتي لولا تشجيعكن ما كنت اتجرأت..أخيرا" بشوف وجه امي وببوسها .. مشكورات خواتي من كل قلبي .. الله يوفقكم..

الحمد الله يا شمس أبو ظبي

فرحتيني والله .. وما سالت عنك اذا انتي حامل او لا الا لانها تبي تفرح فيك ,,, :shy:

ان شاء الله يكون اللقاء حلوووو وما يكون فيه اي شي يضايقك يا رب ,,

والله يوفقك دنيا وآخره ,, :clap::clap:

وهذي بداية خير انها كلمتك يعني راضيه ,, بس باقي تزورينها ,,

الله يوفقك يا رب

مشكورة مهاري والله يوفقج..

شمس أبوظبي:
على فكرة هالشهر بخلص 25 سنه .. مو مراهقة..
امس كلمت امي وزوجي بعد كلمها يعني رضت بس زعلانه وكانت تسألني حملت ولا لأ قلت لها اول ما ترضي عني بحمل انشاء الله سكتت وقالت لي الله يوقفج.. وسألتني متى بتزورونا انتي وهاللبناني.. وان شاء الله عالويك إند بنزورها .. مشكورات خواتي لولا تشجيعكن ما كنت اتجرأت..أخيرا" بشوف وجه امي وببوسها .. مشكورات خواتي من كل قلبي .. الله يوفقكم..

السلام عليكم و رحمة الله و بركاته

بالتوفيق إن شاء الله أختي...

إن شاء الله تسعدي بها...و تسعد بك...أكيد إنتي كمان وحشتيها...

سحايب_دبي

قريت ردها مليون مره و اقول و الله انا ما كتبت هالكلام بعدين اكتشفت انه بيني و بينها _

حرام ليش تستنسخون نككي

قلة الأسامي :( :( :(


أنا طالعه

السلام عليكم ورحمة الله وبركاته

والله فرحتينا كثير يا شمس والله يوفقك ويسهل كل امورك يا رب وان شاء الله الله بيرزقك بالذرية الصالحة يا رب ويفرح قلبك

بالتوفيق انشالله ...والحمدالله على كلشي...والحين اسعي انج ترضينها دايما...

فديت كل الامهات الي فالعالم

الله يوفقج ويسعدج ويسخر أهلج لج وهالله هالله بالكلام الزين طول ما انتي تتكلمين معاها مدحي زوجج ولا تقولين عنه شي مو زين تراها راح تزعل مو تشمت فيج

لا بالعكس خلي اللبناني فوق النخل من طريقة معاملته وأسلوبه وأخلاقه معاج ..............وعسى الله يهنيج وياه....:up::up::up::up::up:

يا بختج تزوجتي لبناني سويتي اللي آنا ما قدرت أسويه هههههههههههههههههههههههه:dd::dd::dd::dd::dd::dd::dd:

داخله عرض
اختي سحايب
تاريخ تسجيلي من سنة 2003
وانتي 2005
انا بكمل 3 سنين الحين.......... عمر ماشاء الله
ضحكتينييييييييييييييييييييييييييييييييييييييييييي

ميرسي:pain:

هلا يالغاليه

بس عاد لاتطنشين اخواتك طمنينا واحكي لنا عن اول لقاء بينك وبين امك


بس تدرين اقولك شئ



قبل مااتزوج كنت اقول الحب مو اساس للعلاقه الزوجيه في امور ثانيه معاه

بس الحين اقول الوحده لو لقيت اللي تحبه تمسك فيه ولا تتراجع .........لانك لو حبيتي واحد وتزوجتيه انت باقتناع لو فيه عيوب الدنيا ماراح تشوفيها ...........لكن الزواج التقليدي .........ايش اقول غير انه تقليدي لا لون ولاطعم لو فيه كل المقومات لنجاحه

الله يوفقك



تحياتي لك

سحايب_دبي

انتي عمرج 40 سنة؟؟

احسبج مقهوورة وايد من رمستنا.. وووشو مخده ومامخده.. ووواحد تكلمينه.. يعني تقزر وقتها..

بعدين ولد البلاد.......... لو دار وسو اللي سواه بعده ولد اصل...

وغير ولد البلاد.. دار اكثر وشاف اكثر............... وماتمت وحده مالاث عليها..

على العمووم إذا هذا رايج.......... ادعيلج من كل قلبي ان الله يرزقج بواحد وافد.. وتتهنين وياه.. احسن من المواطن اللي بيبهدلج
والله يوفق الجميع...

السلام عليكم

الأم مهما زعلت ما تقدر تصبر عن ضناها

ان شاء الله يكون اللقاء حلووو

وربي يوفقج

سحايب_دبي

اسمحيلي بس راية مش بس غلط
الا مالة اساس ولا راس

شو انت تشجعين البنات على انهم يشوفولهم واحد يضيعون الوقت معاه والا شو بالضبط قصدج

وبعدين يوم تقولين انه كل الي ردوا معرسات وعندهم عيال علشان جه نصحناها
ترى اعرف اكثر من وحدة من الي ردوا وهم مش معرسات
ويعني الوحدة يوم ما ياها نصيبها ترها معززة ومكرمة بيت ابوها

اختي شمس بوظبي

الله يحنن قلب امج عليج اكثر واكثر انشالله


والسموحة

ننتظر شمس بوظبي
:smile::smile::smile:

ماعندي كلام زود على البنات

ماودي اخوفك

بس سمعي نصيحة من هم اخبر منك بالحياة .........الحب وخصوصا حب هالأيام بسرعة يخلص وينتهي مثل ما يبدأ سريع ينتهي اسرع

لكن حب الأم والأهل قوي ومتين ومتجدد

انتي الظاهر غرتك المظاهر وانه لبناني وشكلة وسيم وعلى الموضة وشكلة فارس احلام لكن والله كل هالأمور زايلة

الحين الزواج وصار يعني ماباليد حيلة ونحن ما نتكلم عن جنسية معينة لكن حلاة الثوب رقعتة منه وفيه ....مع أحترامي الشديد لكن الجنسيات ولي من المعارف الكثير من كل الدول لكن اختلاف العادات والتقاليد تحكم

الحين في البحرين طالعة موضة زواج المواطنات من الأمريكان المسلمين <<< الله يستر