تزوجت من غير رضى أهلي..

......

[grade="DC143C FF6347 DC143C"]
الله يعين أختي،شو فايدة العتب واللي صار صار..

الحب مو كل شي في هالدنيا،جمال الحب لما يكون مرتبط في أمور كثيرة في هالدنيا

منها رضا الوالدين،بِغض النظر عن جنسية اللي تزوجتيه،دام إنه أهلج مارضوا خلاص

الإنسان أختي الغالية يفكر بعقله مش بقلبه،الحب خصوصا هالزمن اللي صار مادي،مايستمر

الا عند من رحم ربي،سنة أو سنتين وخلاص،لكن تخيلي رضا الوالدين،كيف الانسان يعيش

حياته أو يغمض عينه وأمه مش راضية عليه..محد يستحق إن نزعل الأهل عشانه حتى لو كان

شخص رائع والكل يشكر عليه،أهلي فوق كل إعتبار..

دام انه اللي صار صار،أول شي أختي توبي،لأن عصيان الوالدين وغضبهم يسمى عقوق،

ماأقصد إنج تطلبين الطلاق،لكن أستغفري ربج،كوني يقينه إنج بالفعل غلطتي،مش تقولين لو

رجع الزمن بغلط نفس الغلطة،لأنج أنتي بهالكلام ماتعاندين إلا نفسج..

الشي الثاني إتصلي للوالدة،تسامحي منها،أول شي اتصلي كمن مرة،طرشيلها مسجات

تقولين فيها إنج تعبانة لأنهم مو راضيين عنج،قوليلها إنج تعترفين بخطأج حتى

لو كنتي تحبين زوجج..بعد هالخطوات لو مانفعت روحيلها وتسامحي منها،وتحملي

ردة فعلها،لأنها بتكون ردة فعل طبيعية..

حاولي ترضينها أختي بسرعة،كله ولاغضبهم عليج، كبيرة عند الله..

الله يصلح حالج يارب ويفتح بصيرتج،آمين يارب

في أمان الله[/grade]

الله يوفقج في اختيارج انشالله ...ويسعدج دايما لبناني ولا غيره الاهم انه يصوووونج ترا نادرا في هالزمن اتحصلين واحد يصوووونج....

عيال البلاد لو فيهم خير جان ماسروا هم يدورون برع ترااا بنات البلاد موجودات خلاص هذا نصيبج وذكري ربج ودعي بانه الله يوفقج يا زوجج ...وصدقيني قلب امج واهلج بيلين يوم بيشفون الغريب حاط بنتهم في عينه والله

واتمنالج كل خير دعواتي وايج

اختج
عروس الموج

مشكورة (اميرة البجع) و ( عروس الموج ) ريحتوني بكلامكم عسى الله يريحكم

صح لسانج أختي عروس الموج

أختي شمس أبوظبي

الله يسعدج ويوفقج ويسخر قلب هلج لج ويجمع شملكم على الخير والحب والسعاده

أختج الصبوره

حبيبتي انتي ما سويتي شي غلط ... انتي تزوجتي على سنة الله ورسوله .........
مو مهمه الجنسيه ولا مهم الشكل وغيره ... هذي شغلات تافهه
مشكلة المجتمع الخليجي ما يعرف يفرق بين (( العرف والشرع ))
انا اختي متزوجه واحد مب خليجي وهذي هي عايشه بسعاده بس الفرق بينج وبين اختي
ان الاهل ما كانوا موافقين .. بس مع الوقت خلاص قبلوه والحين حابينه
انتي اللي عليج روحي لأمج زوريها ابكي عليها واحضنيها وبوسيها على راسها حتى لو قالت لج كلمه تجرحج تحملي ..
وكرري هذي الزيارات ولا تيأسين

++++++++
وهذا رايي

والله يا |أختي انا اتعاطف معاج ما يفيد اللوم يا خواتي نبي حل ساعدوها.................. شوفي ما في حل غير انج تروحين بيتكم وتسلمين على امك وابوج بدون الزوج في البداية بس وقولي لهم انه يبي يجي بس يبغا رضاكم وحاولي تثبتين لهم انه كفؤ ومع الأيام لازم قلب امج بيلين وان شالله الله يرزقج بالعيال وبتشوفين قلب امج اشلون بيرق على احفادها والله يهدي لج امج وابوج وزوجج ويكون أهل لهذي التضحية اللي سويتيها علشانه.

كل شي صار قضاء وقدر

وهذا نصيبج

والله يسهل امورج ان شاءالله

االله يهديج إنتي من البداية بعت أهلج علشان ريال ألحين يايه تقولين أبا اللي بعته صعب
يعني شنه كان عندج جوهرة وبعتيها وألحين يايه تقولين أبا الجوهرة شيء غريب

المهم حاولي تطرشين أختج اللي يت العرس حق أهلج خواتج يعني بدي من تحت أخواتج خوانج لأنهم يمكن يكونون مقربين أكثر لج ويكون في نفس الوقت لهم تأثير على أمج وأبوج إصبري خلي شغلج الشاغل ها السالفة ترا مطولة لأنها مب سهلة المهم إذا خوانج رضوا عنج من هني بدي تتودين لوالديج لأنهم بيصفون لج الحال اللي عايشة فيه ويمكن يرطب المشكلة شوي

وبالأخير إدعي ربج وإستغفري لذنبج في عصيانهم والله يوفقج

بس دخيلج دخيلج خلي ريلج بعيد إنتي بنتهم مهما سويته أهلج بيتمون حابينج بس الريال اللي بعتيهم علشان سواد عيونه أكيد في كره بينهم وبينه

مدري كيف تزوجتي من غير ولي....معقول في الامارات تتزوج البنت من غير ولى
اسمحيلى حبيبتي انا اشوف الى سويتة غلط
واعتقد والله اعلم انة لايجوز جواز البنت من غير ولى..... واسلي لك شيخ معروف وتثقين فى فتواة

شوفي مالك الا الدعاء ....وابحثي عن شخص حكيم تثقين بة ليحاول ان يصلح بينك وبين اهلك ويحاول ان يقنعهم ان زوجك رجل صالح ويستحقك

[grade="B22222 FF6347 B22222"]
السلام عليكم ورحمة الله وبركاته

صراحة أستغرب من البنات اللي يوافقون تصرف الأخت شمس ابوظبي..

صح اللي صار صار،لكن خواتي نحن مانتكلم عن الجنسية وغيره،المشكلة هنيه

مشكلة رضا الوالدين،كيف تريدون سعادة والاهل مو راضيين،والام مو راضية

لو اتعرفون خواتي الحبيبات حق الأم عند الله كان ماوافقتوا على خطوة الأخت..

الله لا يوريكم عصيان أبناءكم،ترى الموضوع جدا صعب،وحسابه كبير عند الله..

والله يوفق شمس بوظبي،وبإذن الله أهلها يرضون،وأمها تسامحها،آمين يارب

بالنسبة للأخت اللي قالت هل في الامارات ممكن يتزوجون من غير إذن الولي،لا مايصير

إلا في حالات نادرة،الله يهديهم هناك محاكم بدون ذكر أسماءها تزوج البنت بموافقة الأم

بدون أخذ موافقة أهلها ومايكون عندها ولي،ماأدري كيف يصير جذيه..

الله يعين يارب..

في أمان الله[/grade]

حبيبتي اللي صار صار
و الله يوفقج ان شاء الله و يسعدج
مع زوجك و بصراحه انا برايي مو كل شي
الجنسيه اهم شي انه مسلم و يخاف ربة
و يكون مريحك و مهنيج
و بالنسبه لاهلج تقدرين تزورينهم و تتاسفين
من عندهم و الله يوفقكم

اختي اكثري من قراءة هذا الدعاء وهي آية من القرآن

أمن يجيب المضطر اذا دعاه ويكشف السوء

بسم الله الرحمن الرحيم

اختي الصراحة ماقدرت اقرا مشكلتج ومارد عليج

اولاً بنات ليش اتنكدون عليها الحين واتقولون ليش تزوجتيه والي سويتيه غلط و و و و و و وو

الي صار صار واكيد البنت حاسة بذنب

،، حبيبتي ماعليج المهم الحيــن انج تلاحقين عمرج وراضيها واذا مارضت مرة حاولي مرة ثانية وثالثة ورابعة وعاشرة

لين ماترضـــى واللي صار هذا نصيبج وقدرج

ودامج تحبينه الله يخليكم لبعض ولاتسوين شي ثاني تندمين عليه

مثل ماقلت لج اختي كلميهم على طوول وحاولي مع خواتج وليني قلوبهم وخليهم يكلمون الوالدة وان شاء الله خير

ولاتنسين تدعين ربج دوووووم وان شاء الله ماراح ينساج وبيستجيب لدعائج

الله يحنن قلوبهم عليج يـــــــارب

_ _ _ _ _ _ _ _ _ _ _ _ _ _

وذكرتيني بقصة قريبة حيل لقصتج

هي صديقة اختي

حبت واحد معاها بالجامعة واهلها رفضوا لانه عجمي

بس هو مواطن "يعني جوازة مثل جواز البنت ونفس المذهب"

بس رفضوووه رفض مو طبيعي وهو مسكين طيب وزين واخلاااااق

بس الله يهديهم مارضوا

والبنت سوت نفسج

وامها ماكانت راضيه وتعبت البنت مع امها بس مافي فايدة

وقعدت اشكثر تدعي ان الله يحنن قلوبهم عليها

لين مرة راحت وقعدت تصيح وتستسمح منهم وفهمتهم كل شي

ورضوا عنها ،،

فلا تيئسين حبيبتي وحاولي دوووم لين مايرضون عليج


اختج

#رومانسية#

هيه صحيح انا ويا اختى الرومانيسيه خلاص اللي صار صار والبنت مرتاحه الله يديم عليها يا رب....

بس عليج بكسب امج وابوج بالدعاء....وانج تستسمحين منهم ....والله يخوز عنج كل هم وغم يارب ..

والله الدعاء فى الثلث الاخير من الليل ......وخلى عندج يقين من الاجابه ..

:) سلام الغاليه

الله يعيينج اختي .. ويهدي سرج ..

وانا راي من راي اميرة البجع والرومانسيه ..

الله يرقق قلب امج وابوج عليج ..ويخليهم يرضون عليج دنيا وآخرة .. قولي آميييييين..


الله يوفقج لما يحبه ويرضاه ...

اختج
جسووور المحبه ..

بسم الله الرحمن الرحيم
اختي العزيزه وفقك الله وبارك لكي زواجك ورزقك بالذريه الصالحه التي تقر بها عينك وعين زوجك

اهم حاجه عند الاهل ان بنتهم تتجوز واحد يحفظها ويصونها ويحترمها ويحترم اهلها علشان كده حاولي انك تظهري النقطه دي ليهم

زوريهم وخدي ليهم هدايه ثمينه والبسي احسن الثياب واظهري بمظهر افضل من الي كنت عليه عند اهلك وحسسيهم انك سعيده جدا معاه وان سعدتك هتكتمل بسعادتهم ليكي ورضاهم عليكي

هم في الاول هيبينو انهم مش راضيين بس مع مرور الايام هيصبح دخولك عندهم وخروجك المتكرر شيء طبيعي جدا هم هيتعودو عليه
وحاولي تعوديهم علي قربك منهم بحيث لو اتاخرتي مره هم الي يسالو عليكي

وبصراحه انا اعرف امهات او اهر بيقفو في طريق سعاده اولادهم من غير سبب بحجه ان لازم الاولاد يسمعو كلامهم بمعني اصح يحبو كلمتهم هيا الي تمشي حتل لو كانت غلط وده بياثر علي حياه الاولاد فيما بعد

ونادر في هذه الايام ان الواحده تلاقي واحد يحبها فهنيئا لكي زوجك

ووصيتي الحقيقيه اليكي الان هيا
حطي زوجك في عينيكي الاتنين واشعريه بالسعاده وخليله دنيته جنه لان الكل دلوقتي منتظر اي خناقه بينكم علشان يفرح فيكي

انا عارفه ان مفيش اي بيت مفهوش مشاكل بس اياكي ان احد من اهلك يعرف بيها

ولازم يحسو انك سعيده ومرتاحه وانك بس مش ناقصك غير رضاهم عليكي
وفي الاول والاخر انت متزوجه ومطلوب منك تسمعي كلام زوجك فقط لان ده اهم شيء في حياتك

لان بعد عمر مديد محدش بينفع حد لا اخواتك ولا اهلك هينفعوكي كل واحد هيكون مشغول بمشاكله الخاصه

بس لازم طبعا رضا الاهل وان شاء الله هيرضو عنك لان الدم عمرو ما يبقي ميه

اسال الله العظيم ان يهدينا ويهديكم الي ما يحبه ويرضاه

وآنا بعد عزيزتي من رآيي البنات اللي بصفج

أتمنى لج التوفيق من كل قلبي دام هذا نصيبج خلاص الله كتبه لج وعسى السعادة دااااااااااااااايمة يارب

وأدعــــي لي بأني آخذ باللي في بالي صج مو مثل جنسيتي بس خليجي

السلام عليكم
اختي الغاليه انا ما بكون مثل غيري و بعيد وازيد في كلام فات الاوان عليه

انا اللي بقوله انج خلاص سويتي اللي تبينه احينه دوري بطريقه حلوه طريق ترضين فيها اهلج و ربج عشان تكتمل فرحتج

الغاليه ادعي ربج ليل نهار عشان يرضي اهلج علج ويسامحونج

والله لبناني سوداني امريكي ماتفرق مادام انه مسلم بمعنى الكلمه وبيصونج والله افضل ارتبط بوافد يحترمني ولا مواطن يذلني ويهيني

لافرق بين عربي واعجمي الا بالتقوى

مشكلة اهلج كمشكلة كل المجتمع الخليجي عيب وحده تاخذ واحد مو من بلادها والله لو ماخذه بحريني ولا كويتي بعد بيقولون نفس الكلام مشكلتنا ان عندنا كلام الناس وكلام المجتمع يعتبر مقدس و ننسى ان السعاده وين

تعرفين ان وحد من اكبر شيوخ الدين في السعوديه والله مو متذكره اسمه بس داعيه كبير اظن طارق السويدان والله اعلم مزوج وحده من بناته لواحد امريكي مسلم يتكلم اللغه العربيه الفصحى تعرفين ليش قال انه بيصونها اكثر من غيره وان مافي فرق شو جنسيته المهم انه مسلم

حبيبتي هدي نفسج و دوري على اقرب الناس لهلج و حاولي تخلينهم يتوسطون بينكم

يمكن اخوانج ولا خواتج يساعدونج

خلي اهلج يحسون بالسعاده اللي انتي فيها ومهما استوت لج مشاكل لاتخلينهم يعرفونها عشان مايلومونج

اممممممممممممممم يمكن يوم يشوفون عيالج ان شاء الله يتغيرون عليج

اسمحيلي على هالكلمه بس ادعي ربج ما يستوي شي فيهم قبلا يرضون عليج يعني بعيد الشر يموتون وهم راضين عليج لان رضى الله من رضى الوالدين

تمي اقري

(اللهم ملكني قلب من احوجتني اليه )

(اللهم الهمني رشدي واكفني شر نفسي)
(اللهم اكفنيهم بما شئت)

اتمنالج التوفيق غاليتي

بس بغيت انوه للبنات ان اختنا حاطه مشكلتها عشان نوقف معاها ونساعدها مو عشان نلومها ونتكلم عن شي صار وما بيتغير

ادعولها الله يوفقها

اختكم عسوله

الله يحنن قلب أهلج عليج