بس اسمعوني بلييز

جريدة قديمة 19-01-2006 17 رد 1,919 مشاهدة
ج
السلام عليكم

حبيت اشكيلكم همي لانكم مشاء الله قلوبكم على بعض الله يخليكم لبعض
الله يسلمكم مشكلتي بدت بعد ما سويت رجيم .....كان همي بس اضعف و بسرعه لاني مليت من جسمي واني اكون الدبة اللي الكل يشوفها مب حلوة ....... و عاد بعد الرجيم طبعا الكل يشوفني حلوة و رشيقة الا انا و السبب الترهلات و الخطوووط البيضة اللي طلعت بجسمي طبعا تشويه فظيع
على الارداف و البطن و اعلى الايد و الفخوذ ما تم مكان فيني مافيه خطوط .. قعدت عاد ادور علاج لها ما خليت خل تفاح على كريمات ما جربت و رحت لين دكتورة و قالت لي ماشىء حل طنشتها والله اعرف فيه حل بس لين احصلة شكلي بنهار ...... و تقدم لي واحد كان زين و اخلاق و كل شىء بس انا رفضت و مب قادرة اقول لين اهلي اني مستحية من شكل جسمي متروس خطوط .. و بعد اربيعتي قالت لي مرة فيه واحد بيخطبج عادي نتقدم لج ما رضيت و تمت تحاول فيني تقولي ليش قلت لها مابي ........ صرت مب واثقة من نفسي اخاف اوافق على اي احد يخطبني اندم لما ااتزوج ..اذا انا متلوعه من عمري كيف هو .....مب عارفة شسوي بعمري

هذا همي والله يفرج همي و همكم جميعا انشاء الله
m
واللله ما في الا عمليات التجميل
لازم يصير شديه بس سوي رياضه وبعدين ينشد جسمك
م
عليكم السلام و الرحمه

عزيزتي ليش هالاكتئاب كله

إن شاء الله و بإذن الله كل شئ له علاج

شوفي عزيزتي أنا بعد الحين متنت إشوي و راضيه بجسمي لكن الخطوط البيضا ظاهره

وحده قالت لي إستعملي السنفره كل إسبوع مره و بعدها كل يوم لازم كريم يرطب الجسم و الحمدلله حسيت في نتيجه

و الحال الثاني و اللازم أشوفه رياضة المشي .. صدقيني على لبس الشد و المشي كل يوم ساعه يعدل من الجسم و السباحه

و إن شاء الله توصلين للي تبينه و لا ترفضين الخطاب على هالسبب
ن
انا بعد سويت ريجيم وضعفت شوي
وتوني حاسه بالخطوط والترهلات
وبديت اسوي رياضه وانشاء الله تروح الترهلات والخطوط
انا سمعت من شخص دارس رياضه يقول ان الترهلات ممكن تختفي تدريجيا مع الرياضه
استمري بالرياضه سنه او سنه ونصف وبيختفون انشاء الله
لانه قال كل واحد وجسمه كيف كان وكيف صار
يعني ممكن البعض تروح عنه الترهلات خلال 6 اشهر والبعض سنه وتوصل الى سنتين
وانا بعد هالموضوع جايب لي قلق
والله يوفقك ويوفقني والمؤمنين جميعا
ج
هلا حبيباتي

القطة الشقية : تسلمين على مرورج و الله سالت عن عمليات التجميل و حدة دكتورة بس قالت لي انه النتيجة اللي راح تحصليها من عملية التجميل ما راح تستحق التعب و اللفلوس اللي راح تدفعيها و صعبة علي اقول لين اهلي بروح اسوي عملية تجميل و انه عندي خطوط بكل جسمي .

ماسة دبي: و الله حبيبتي احاول ما ايني اكتئاب من هذي المساله بس ما اقدر كله افكر فيها و و اللي يزيدني لما البس قميص نص كم تبان شوي الخطوط اللي في يدي فاي وحدة تسالني شو هذا و من شو ولا تقعد اطالعني فجد انحرج وايد و لمى تصير عندنا مناسبات مب عارفة شو البس فطبيعي اقعد افكر اني ما اقدر ارتبط في احد لين احل هذي المشكلة لدرجة اني لمى احد يقولي عقبالج ما اقدر اقول آمين ولا اقدر ادعي اني اتزوج احس عمري مب واثقة من نفسي

نبراس الشرقية : هلا حياتي والله عن الترهلات سمعت انها تخف مع الرياضة و اشتركت في نادي حسيت انها بدت تخف الترهلات بعدين ودرت و شكلي برجع بس الخطوط البيضاء هذي معذبتني زيادة ... تسلمين على الدعوة حبيبتي ..

تسلمون والله على ردودكم الطيبة والله يجازيكم خير ان شاء الله في الدنيا و الآخرة
*
هلا حبيبتي ,,
ليش هل اكتئاب كله ,, الصراحه ماله دااعي توقفين نصيبج بسبب تافه وبسيط ولاتعقدين الامور ,,

وهذي مو تشويه وله عيب خلقي الحمد الله ,,
مجرد خطوط في الجسم اذا روحتيها الحييين بترد تطلعلج في الحمال اذا عرستي حبيبتي ,,,

وانه اقولج لعبي رياضه ومارسي حياتجي وعرسي لانه هاذي شي تافه معضم الناس تقريبا كل النساء وحتى رجال فيهم هل خطوط وهاذا شي عاادي ,,,
m
حبيبتي لا تعقدين عمرج ولا شي حتى الضعاف فيهم خطوط الي لا متنوا ولا شي !!!!!! و اقولج انا الي اعرفهم كلهم مخططين هههههههههههههههههههههههه عاااااااااااااااادي عااااااااااااااااااااااااادي (حتى انا :D) بس بقولج سر فيه بخاخ يبيعونه يوحد لون الجسم شفته مره في كارفور اترشينه على الجسم و خليه كله لون واحد مثل حركات الممثلين و جيه و يوم بتعرسين بخي على جسمج كل المعرسات الي اعرفهم يسون جذيه و الوحده اتكون واثقه من عمرها جدام الريال و عادي صدقيني و على فكره اهم شي الشخصيه و النفس الطيبه و التعامل هذا اهم شي في الزواج مب بس الشكل


و الله يوفقج يارب و يسعدج ولا توقفين مستقبلج و حياتج عشان هذا الشي :)
س
حبيبتي ولا تنهمي ولا تزعلي... الله يخليكي جسم الرجال فيه خطوط وترهلات اكتر من البنت.... وبعدين عادي مو كل شي بلجسم... على العموم في حلول شوفي منتدى الجمال وانشالله بتلاقي الحل... عفكرة شيلي من بالك انو العقبة لزواجك هو جسمك لانو مو لهل درجة شي بيضايق..
ج
يا هلا فراشاتي

بنت الكبيسي: هلا حبيبتي تسلمين والله جد ريحتيني بردج و الله خليتيني افكر لهذي الدرجة مشكلتي بسيطة وانا مكبرة الموضوع و ما كنت اعرف انه الرياييل فيهم بعد معلومة جديدة بالنسبة لي تسلمين حياتي خففتي عني وايد

miss_faith : هلا والله بالدم الخفيف خليتي اضحك ههههههههههههههههههههههههههههههههه تعرفين وايد مخطيطن وانا علبالي انا اللي غير عن كل الناس خلاص ضميني لمجموعتج ... و شو هذا البخاخ وييييييييينه شو اسمه و اذا ما عليج كلافة توصفين شكله :up: جد ابيه ..
تسلمين على دعواج الطيبة و الله يوفقج و يوفق الجميع انشاء الله و يخليج دوم على هذي الروح الطيبة المرحة .

سوسو نكد: هلا سوسو تسلمين على ردج لي ان شاء الله امر على منتدى الجمال .. اي انا حاطة وايد في بالي جي انه الريال وايد يركز على الجسم ما عرف ليش .. مشكورة الغالية انج اكدتي لي هذي المسال مثل ما ما قولي لي خواتي الفراشات اهم شىء الثقة و النفس الطيبة

الله يخليكم لي ان شاء الله و ان شاء الله يجازيكم عني كل خير ولو اقدر بس ارد لكم لو شوي من اللي سويتوه لي اليوم .. الله يحفظكم
أ
ليش تعقدين عمرج صدق.. والله حتى الاجانب فيهم هالخطوط بس ماتبين فيهم لانهم وايد بيض والخطوط اللي تطلع بيضا بعد.. وكل البنات اللي اعرفهم فيهم.. ومثل ماقالت الاخت عن الكريمات اللي توحد لون البشرة.. وبعدين تعالي انتي تتحسبين انه ريلج بيتم مخدوع فيج طول مدة زواجكم؟؟ مستحيييييييييييييييل اصلا جيه ولا جيه الريال بيشوف الفضايح كلها حتى لو انتي حاولتي تخفينها .. بس طبعا عقب فترة من الزواج.. عرسي خلاص واعزمينا
أ
شنو هذا الكلام اسمحلي اختي انتي مكبرة الموضوع يعني شنو خطوط بيضا وترهلات خليكي واثقه من نفسك وماكووووووووووو شيء بدون علاج ياما بنات اشكالهم مو كثيييير حلوه بس عدهم ثقه عميااااااااء بنفسهم خلتهم اجمل الجميلات دائما رددي انا ملكه جمال نفسي على اقل تقدير وترى ماكو احد خالي من العيوب توكلي على الله ولما تنخطبي وافقي اوكي البنات تروح للرجال بيهم بلاوي وحتى اعوذ بالله احيانا مايكونوا بنات ومع ذلك يوافقون والله عذريني يمكن اسلوبي شوي عنيف بس عنجد انقهررررررررررررت لما قلتي انخطبت ورفضت على مو هذا السبب اوووووف ليش ياعيوني والله حرام تحياتي.
ج
:cry::cry: لا تنازعيني شوي شوي علي أم ذياب المهيري ... صح كلامج والله اقتنعت .. ان شاء الله بعرس و بعزمكم بس خل ايي اللي يشوفني حلوة بكل الخطوط اللي فيني :dd:
مشكورة الغالية على ردج و الله يوفقج بكل خطوة تخطينها
ج
أحلى وطن العراق : هلا حياتي اي اليوم بس حسيت اني مكبرة السالفة ما كنت اعرف من قبل وانشاء الله اقوي ثقتي بنفسي و اقول لين نفسي اني ملكت جمال نفسي كل يوم اخاف اصدق عمري بعدين .... والله حبيبتي انا ما رفضت جي ما عرف كيف اوصف لج احساسي بس خفت اضلمه معاي يعني هو كان زين و و جلو وانا ما كنت واثقة من نفسي كله افكر بالخطوط وانه ما راح يتقبلي و راح ينفر مني بس الحين بفضلكم تغيرت نظرتي .. والله جد يعني هذا اليوم بفضلكم شكل فرق كبير فحياتي ... ان شاء الله اذا تقدم لي احد و كان زين ما راح ارفض مرة ثانية .. تسلمين الغالية غلى ردج و الله يجازيج خير .
غ
يا عيوني شو هلحكي ؟؟؟
خطوط بيضة وما بعرف شو كمان!!!!!!!!!!

يعني تضيعي العرسلن منك وتدفني حياتك يلي بياخدك لازم يحبك كيف ما انتي

وفي رجال اصلا ما بنتبهوا على كتير اشياء بس لمل بيحسوا منك انك مو واثقة من حالك
بيصيروا بيتفلسفوا
يعني الرجال متجوز وحدة محتلرمة وست بيت وشريكة حياة وام اولاد
او متجوز الخطوططططططططططططططط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
ش
مافي حد خالي عيوب
ج
غنوجةزوجي : هلا الغالية و الله احرجتيني مب عارفة كيف جي كنت افكر جد كان تفكيري ضيق
..... وهو اكيد بيتزوج حرمة :shy:

شمس أبوظبي: تسلمين الغالية على مرورج

مشكورين على ردودكم الطيبة جد لها معني كبير عندي ما تتخيلون كيف نمت مرتاحه امس كانه هم وانزاح عني .. جزاكم الله خير
A
ههههه الله يقطع إبليسج يا جريدة قديمة إنتي مستحية من ها الخطوط ناوية تعنسين علشان الخطوط عيل لو ما كان فيج على قولج خطوط وحملتي وياج لا سمح الله بلاوي الحمل من السيلوليت لين الخطوط بتطلبين الطلاق خلي تفكيرج منطقي
يابنتي إسمعي كلام البنات عرسي وتهني وعقب الملجة سيري سوي حمام مغربي كل إسبوع وصدقيني تخف عن تجربة ويوم العرس يوم الريال صج يباج ملاك وحور من الجنة سوي ها الكريمات مال إخفاء العيوب تسبحي فيه ( تشبيه ) طول فترة شهر العسل بعدين شوي شوي خففي مخفيات العيوب بس مب تبطلين حذاري

أقول عاد شو بتسوين لو إنتي لا سمح الله من الحريم اللي ماعندهن ضروس ويركبن تقويم حق ليلة العرس ولا بعضهم عندهن شبه صلع ويلبسن باروكة في ليلة العرس إحمدي ربج لا تقطعين رزقج على أشياء تافهة

وأقول لو عرست إعزميني لااااا تنسين والله يوفقج
ج
هلا Arnobat_ALfreej
:dd::dd::dd: اي شفتي عاد كنت مقررة اعنس و كله من هاللخطوط ..... و على كريمات اخفاء العيوب يبيلي دزينه يدوووووووب تكفيني ..... و الله حياتي ودي واسوي حمام المغربي بس ما استحمل الحرارة وايد اتيني دوخه ما فيني اطيح عليهم في الصالون :dd::dd:
ما عرف والله اختي اذا كانت عندي مشاكلهم شو بسوي والله اللي يشوف مشاكل غيره تهون عليه مشاكله الله يعين الجميع ان شاء الله .. مشكورة الغالية على ردج
X