ممكن سؤال ..؟؟؟

بسم الله الرحمن الرحيم


يسعدني اني اكون اول وحده اترد على الموضوع


اولا اختي انتي الحين ما تقدرين اتحطين اي مانع عن الحمل الا يوم بتعرسين

ثانيا اذا انتي ما تبين تحملين سيري عند اي دكتورة نسا وؤاح تكتب لج على اي دوا يكون مانع عن الحمل


وثالثا واخيرا وايدات احملن على الدويات واللولب لانه ارادة رب العالمين فوق اي شي حبيبتي

والف الف مبرووووووووووووووووك مقدما عزيزتي والله يهنيج ويسعدج يااااااااااااااااااارب

تسلمين الغاليه ..

يعني لازم أروح عند دكتوره ..

ما أقدر آخذ بروحي حبوب منع حمل ..؟؟

والله يجزيج ألف خير ..

هلا بنت ليوا

انا من راااااااااي تفقي مع ريلج انكم ماتيبون عيااااال اللىمتى بغيتوا انا جذي سويت وانتي حره اللي يريحج

اختي الافضل انك تستشرين اخصائية عشان ماتاخذين الحبوب ويكون عندك مشاكل انتي ما تدرين عنها لا سمح الله

كلها زيارة ما تاخذ من وقتك شي وهي تحدد لك نوع المانع اللي يناسبك ... بس تاخذينه من نفسك غلط

واهم شي انك متفقة مع زوجك والله يتمم لك على خير ان شاء الله

أنا مع رومي

الطبيبة تحدد لك نوع الطريقة او الدواء المناسب لتأجيل الحمل

تسلمون والله ..

بس متى أقدر أروح حق الدكتوره يعني قبل العرس بكم ..

وتسلمن يا الغاليات ..

اختي روحي الحين وهي بتحدد لك

مثلا الحبوب تحتاج الى وقت عشان يتعود عليها الجسم ولا تنسي انها يمكن تطلب منك تحاليل وفحوصات فلازم يكون فيه وقت كافي قبل الزواج

واهم شي ما تاخذين شي بدون وصفة او استشارة
الحبوب مضمونة بشرط ان جسمك يتحملها وماتكون عندك مشاكل سابقة وفيه انواع خفيفة حاليا .. واللي تقول لك ان الوحدة احتمال تحمل مع الحبوب لا تصدقين لان اللي تمشي عليها صح وما تنسى ولا حبة في وقت معين كل يوم اكيد ماراح تحمل ان شاء الله

اللولب امكانية الحمل فيه اكثر لانه يتحرك من مكانه خاصة لو ماكان فيه مراجعة ولا يفضل ان الوحدة تستخدمه الا اذا جابت اول بيبي

العازل الذكري اسهل نوع ولا يحتاج الى استشارة طبية لكنه ايضا غير مضمون

انا معاك ان مسألة تأجيل الحمل مهمة للحياة الزوجية عشان يتم التعارف بين الزوجين ويعيشون حياتهم بس اهم شي التفاهم بينهم على هالشي والأهم منه ان الزوجة ما تستعمل الموانع الا بعد الاستشارة

بالتوفيق