شفتوا هالدنيا بطولها بعرضها بالملاين اللي فيها مالقيت قلب على قلبي ولاحنان انسان؟؟؟؟

أم ذياب المهيري:
وحليلج حاسة فيج والله .. اتصدقين انا بعد والله ماعندي الصديقة المقربة اللي ارمسها 24 ساعة واشتكيلها يوم ازعل.. بس عادي عندي لول .. قبل كان عندي ربع وايد بس لاني انا مب اجتماعية واحب الوحدة اكثر يعني وبمكن لاني وايد كتومة ما ارمس وايد .. ما احب اتقيد بصديقة وحدة طول العمر والصق فيها 24 ساعة.. يمكن انا من النوع الي يمل بسرعة.. او يمكن ما احب الرسميات والمجاملات الزايدة.. عيشي حياتج لاتخلي هالشي يأثر فيج .. وانشالله تحصلين مع الايام الصديقة المقربة اللي تتمنينها..4

ورد جـــوري:
هلا و مرحبا اختي مناري

اشحالج عساج بخير؟

الصراحة انا حاااسه فيج ،، و يمكن هالشي انا ما يبين علي ان افقده :think:

يعني انا شخصيتي جدا اجتماعية و حبوبة و اسولف و خدومة و طيوبه و اوصل ربيعاتي و ما اقطعهم

و هذا والله مش مدح في نفسي بالعكس انا وايد من النوع الي اذم نفسي عشان اكون احس

المهم،، كل هالصفات و الحمدالله انا فيني بس تدرين،، في هاي الدنيا تعتبر هالصفاات مش زينة

يعني هالنوع يكون اكثر انسان يستغل في الحياة ، لانه الحياة الحين صارت كلها مصالح للاسف

والله انا من كثر من انا طيبه يستغلوني ولا من ربيعاتي بالاخص ،، و انا اعرف هالشي بس اصكت و اقول

الصديق لصديق،، يعني انا اخدمهم بعيوني بس لما احتاج ما احصل احد أو بالاحرى انا ما اسأل

عشان ما اريد انصدم انهم تخلوا عني :no:

اذا يمكن تقولين شو خصه هالكلام في مشكلتج،، بس انا اريد اقوولج حتى الي عنده ربيعاتي

او يكون حواليه ناس،، صدقيني مش دايما مرتاح

مثلي انا،، والله هاي اول مره اكتب هالشي و احس ما اريد اصدقه و قلبي يدق و يعورني

لاني ما اريد اصدقه ابدا ،، بس الحمدالله على كل حااااال

بس حبيت اشارك معاج و اعبر عن رأي ،، و حبيبتي لا تصيحين و انا شاء الله بإذن الله تحصلين أصدقاء مش

صديقة وحده :yes:

و السمووووحة على الاطاله

مناري:
شخصيتج وااااااااااااايد حلووه وكلامج احلى وانا ادري اللي مو كل اللي حواليه ناس يكوون متسانس
انا علاقاتي الاجتمااعيه واااااااايد اوكي
بس تبقى علاقه سطحيه
يعني فتره وتنتهي او لها حدود
اما صديقه عمرج بتكوونين معاها اوكي
وبتقولين كل اللي في خاطرج


مشكوووره اختي كلامج روووعه وماقصرتي



والله لايراويكم الهم ان شالله

nneaimi:
يابنات والله ترى الي بتعيش على امل انها تلاقي هالربيعه القريبه وتتخيل انها بتملي عليها الحياه تراها بتتعب..... وبتتعب وايد
لان هذي العلاقات عادتا ما تستمر لمده طويله تبقى في احسن الاحوال سنه او سنتين و بعدين تنتهي بشكل درامي مؤلم فوق ماتتصورون.... لان هاذي الانسانه الي استأمنتيها على اسرارج و تعرف شعورج والامج واحزانج قادره انها تطعنج في الصميم... في مشاعرج وفي نقاط الضعف عندج بقصد او بدون قصد لأن ظروفها بتتغير او بتفضل وحده ثانيه... وكله ترا وجع راس
بس الي اريد اقوله هو اذا فاكره انتي الحين انج فألم ترى فراق الي تحبيينه وتربطج معاها عشره مؤلم اكثر بكثييير من اللي تحسينه الحيين..
انا انصحج تكونين صديقة الكل وتكونين صداقات كثيره و تستمتعيين بالصحبه الحلوه وصدقيني بتلقين فيهن الي تكلمينها عن مشكله او تفظفظيلها عن شعورج واحيانا يصدف ان تستوي وحده ومنهن قريبه كثير منج بس انتي خلي في بالج هدف توسيع معارفج وصداقاتج

خطيبة الغالي:
ياعيون الكون لاتضايقت قلي
عشان أحس بضيقتك وأتضايق
يكفي تلمح لي وأنا أجيك كلي
أضيق من شانك ولو كنت رايق
احنا اتفقنا نشكي لبعض ياللي
تخفي بضحكة عيونك حقايق



فديتج مناري ............ والله والله انج طيبه وعسل والي مايعرف قيمتج مصيره يوم يحس.............انا بالنسبه لي والله عمري ماعرفت شي اسمه صديقة عمر دوم تجي اسباب وتفرقنا...........لكن مب معناته نهاية الدنيا لا ياقلبي والله بيجيج يوم وبتلقين وبترتاحين واحنا هنيه كلنا خواتج وانا اولهم ..........