هل يتغير شكل الطفل؟؟!!

هلا اختي...

والله انا شفت هذي الاشياء بس ما اعتقد فيها.. لأن الخلقة من الله سبحانه وتعالى تكتمل في شهور الحمل ولا يمكن تعديلها بعد الولادة..

وايضا لا يمكن تغيير الجانب الوراثي في هذا الامر...

اذكر يوم كانت بنت اخوي صغيرة كان خشمها مرتفع على فوق ومو حلو عكس ابوها وامها.. وتمت جدتها كل يوم تسحب ارنبة انفها اليما كملت السنة!
مسكينة بنت اخوي!

الحين تقول هذه الجدة بفخر انه لولا هالشيء اللي سوته ما اعتدل خشم بنت اخوي... والحقيقة ان الجانب الوراثي من الطرفين هو السبب! فالاب والام اثنينهم خشومهم طوال!
:D

اعتقد مجرد تفكير جاهل لاجدادنا نظراً لعدم التنور بنور العلم.. :)

شكراً اختي .. مشاركتج حلوة فعلاً

والله يا حبيبتي الشي الوحيد اللي سمعت انك ممكن تعدلينه و جربت هالشي مع اطفالي هو:
الراس وشكله من الخلف لو صار ينام على احد جوانبه بتلاحظين الجنب داخل وتشوفين شكل ميلانه واضح بس ممكن يتعدن لو نام بالجهه الثانيه و هكذا اللي ينام على ظهره يصير راسه مرصوع من الخلف هههههه(عفوا )

امممممممممم اعتقد انها خرافاتا ..

انا خالتي كانت تبا دهن خشم ولدي وتمطع على برع ليش ؟؟

عشان يطول خشمه ويصير مثل خشمي ... عكس ابووه الي خشمه :pain:

وفالنهاية طلع كوبي بيست من ابوه :dd:

لا وازيدج بيت ...؟؟

يقولون كحلي عيون الياهل عشان توسع :dd:

لكن عجبتني هاي الحركه ((( بعض الناس تضغط على الخدود عشان تطلع له غمازات )))

السلام عليكم حبوبات اشحالكم

bj3a تصدقين انا خالتي لما انولدت بنت اختها راحت وسوت فيها هالحركات بقو يعني ضغطت عليهم بقو عشان يطلع لها غمازات والحين من تضحك شوي تبين الغمازات وعلى فكرة كل عيالها تسوي فيهم جيه

يالله بنااااااااااااات اتريا مشاركات اكثر وينكم زعلتوني الصراحة

الله وناسه اضغط علي خدودهم وتطلع لهم غمازات بجربها اذاولدت والمره صحيح مو حاره علي الطفل
الي سمعت انه تمسحين جسم الطفل علشان ما يطلعله شعر من حليب الام الي اول شي الاصفر اما المره ما سمعت
الراس الي صج جربتها ولدي اول ما نولد راسه روعه لانه قيصريه اخترب لاني دايما انومه علي ظهرا وقالتلي عمتي عدلي راسه لاكبر يعيبون عليه وفعلا قمت انومه علي جنب لين تعدل

بصراحة ما اصدق

ما اصدق بالمره
انه بنتي اول ما ولدتها خشمها خنافر مثل ما نقول والكل مستعجب لان انه وبوها خشمنا طوال وام زوجي على طول تسحب فيه تقول عشان يطول وهو فعلا طول بس لان هذا الطبيعي كان جذاك من ترعص البطن
والشي الثاني الي سمعته عن الكحل يقولون يكبر العين وعمتي اخت ابوي من تشوف بنتي تقول لي حرام ما تكحلينها ..... كحليها عشان تكبر عينها مثلج ..........بس بنتي عينها صغيره على ابوها يعني سويت او ما سويت بتضل جذي

اهلين بنات

انزين بالنسبة للمرة يوم يدهنون جسم الياهل بالمرة صدج ما ينبت الشعر في الجسم؟؟

وتحديد الحواجب بحليب الام طول فترة الرضاعة هل صحيح يحدد الحواجب بالشكل المرغوب اعرف وحدة مصرية تسوي جيه حق عيالها وماشاء الله حواجبهم واااايد حلوة

بصراحة سمعت وعن تحربة في بنتي عن الأثمد لما كانت بنتي في الأربعين كنت أكحلها بالأثمد يبته من السعودية لما سرت العمرة وأنا حامل فيها وما شاء الله على عيونها كلهم يمدحونها

المهم وسمعت بعد الأثمد يدهنونه بين الحواجب علشان ينبت الشعر بينهم ومادري في ناس ألاحظ عليهم أثر

بس عن الخشم يا ما سويت في بنيتي بس ما في فايدة :down::confused:

شهالخرابيط وين قاعدين ذكرتوني بصديقتي أقول لها الولد فيه ( عزكم الله ) امساك وبطنه يعوره ويصرخ المسكين تقول لي خليه أحسن عشان تمتن خدوده........

:dd::dd::dd::dd::dd::dd::dd::dd::dd::dd::dd::dd::dd::dd:

الي سمعته انه تمسحين جسم الطفل علشان ما يطلعله شعر من حليب الام الي اول شي الاصفر اما المره ما سمعت

وفعلا ربيعتي أمها مجربه فيها ومدهنه جسمها وتقول لي انه مافيها شعر واذا طلع وااااااايد خفيف

عاد أنا ما سمعت بهالشي الا بعد ما ولدت 00 واللي زعلني ان بنتي مشعرانيه واااااااايد
ولو كنت اعرف هالشي من قبل جان جربته فيها

لكن ان شاء الله العيال اليايين بنجرب فيهم

ماأعتقد ان هذي الأشياء صحيحه
أما بانسبه لراس فصحيح لان راس الطفل يكون بعده مايبس فكثرت النوم عجنب واحد ياثر فشكل الراس