..ارجو تثبيت الموضوع..عرض صـور البضاعـة بطريقـة واضحـة على العـام..

السلام عليكم ورحمة الله وبركاته

صدقتي يا اختي في كلامج وانا من اليوم بحاول انزل بضاعتي بالصور في المنتدى وما فيها عيب ولا شي بالعكس الي واثقه من بضاعتها ما تتردد ابدا

طيب واللي حالتها مثل حالتي شتسوي؟؟؟؟؟؟؟؟؟

انا مندوبه لوحده تعرض ملابس من قمصان نوم وملابس غريبه ماتنعرض ابد في العام ولو ظللتيها كلها انعدمت وش بقى؟؟؟

وبعدين هي ترسل لي اياه يكون بهيئة ملف ((عرض بالبور بوينت )) ولااقدر اتصرف فيها
بالعكس ان اشوف اللي مثل حالتي بس افضل لها هالطريقه

يعني لو حطتها بالعام نجلس سنه نستنى الصور تطلع يعني بيضيع وقت صح او لا؟؟؟؟
ثانيا يمكن تتشوه مع التعديل <==انا مااقول كلها بعضها بس

ثالثا يمكن بتاخذ راي اخواتها او صديقاتها تجلس كل شوي تفتح الموضوع؟؟؟؟؟

لما احطه بملف مع رابط عادي جدا تاخذه في الخاص وتحمل وبنفس الوقت تتفرج على مواضيع ثانيه يعني ماتتقيد بالصور انها تنتظر خلص محمله
وتقدر تحفظه بجهازها وتشاور اللي حولها وقت ماتبي ...

انا اتكلم عن ملابس النوم والشغلات هذي وماعمم على كل المواضيع

هذي وجهة نظر مع اني والله اتعب بس بنفس الوقت القى اللي ينسيني التعب :)

craft idea.....

اختي الغالية اشكرك على رحابة صدرك................ والله يوفقج ان شاء الله..
وانا من اول الناس اللي بتشتري منج........... لما تعرضين البضاعه على العام......... بس ها.. لي ديسكاونت.. هههههخخخخ

الغالية دلعxدلع

انتي عاد.................. مالج عذر... حطي الرابط.. انتي ماراح تحطين الصور..

الرابط .. هو ملف يحمل الصور.. واللي حاب يشتري............... بيتواصل معاج..

وانا شفت الملف وتجننت على البضاعه... بس انتي عارفة المشكلة... :shy: .. لساتني بنوته مادخلتش دنيا..

المشكله الحين غيرنا الطريقه لازم احط الرابط مع الايميلات تبع مجموعتنا <== قوانين طازه توها صادره ههههههههههه

وصعبه احطها عام فهمتي؟؟؟؟

لكن براسلها واسالها اذا تقدر تضيف الايميلات مع الملف مشكوره على حرصك ياللي مادخلتيش دنيا هههههههههههههه انا ياللي اروج لهم بالمنتديات مادخلتش كمان الحال من بعضه يعني :o

مشكووووووووووووورة يا الغالية على هذا الموضوع

لان هذا الموضوع من زمان يقرقش في خاطري وودي اقوله ..

وانا من اشوف البائعة تقول الصور على الخاص على طول اطلع من الموضوع لان امل من سالفة مراسلة التاجرة وخصوصا ان أكثر من بضاعة تعجبني وهذي سالفة اذا راح نراسل كل تاجرة لحالها ........وغير هذا ان التاجرة نفسها يكون الصندوق عندها مملوء ولازم تخبريها بذلك علشان تفضيه وتقدر تستقبل الرسالة الجديدة

والشي الثاني ان استحي اتعب التاجرة واقول لها ارسلي لي الصور والاسعار وبعدها ما تعجبني ولا اطلب منها وعلى جذي تعبت نفسي وتعبت التاجرة على الفاضي

فعلشان جذي من الافضل تكون الاسعار والصور وطريقة الدفع والتفاصيل على العام وهذا عندنا مثال التاجرة طفوف ما شاء الله عليها تكتب كل شي بوضوح وبجذي تكون الزبونة على علم وبينة من الامر

وشكرا لتعاون المشرفات معانا

صح لسانك......هذا الي نبية
صراحة تعبنا من كلمة ممكن الصور والاسعار
ياليت الخوات التاجرات يعرضون صور بضاعتهم مع اسعارهم والله اريح لنا ولهم

ومشكووووووووورة على الفكرة الرائعة

صح لسانج اختي

وهذا اللي مفروض يصير

اكيد عندهم سبب .. !

بس كلامك صحيح اختي خواطر

شكرا على اهتمامك وطرحك للموضوع........

نعم نعم نعم ...


معكم :up:

صح اختـــــــــــــــــي وانا معااااااج

المفروض تكون معروضه بس في بعض من الاخوات ما يرضون

يا خويتي كلامج ما عليه أي غبار ،،، وإلا تبونا نشتري سمج ابحر ؟!!!!!!!!!!!!!!!!!!!!

خواتي .....................

مافي سبب يمنع تاجر من عرض بضاعته..

بعدين يا أخوات الله يهديكم نحن قلنا بنسوي إضراب..

يعني ماندش المواضيع اللي مافيها صور.. عاد شجعووووووووووووووونا

انا معاج في ها الشي

والله إنه كلامج 100% صح...والله أنا من فتره أفكر أقااطع هذا القسم علشاان السبب هذا................تلاجي الوحده تكتب شعر في بضااعتها و نغتر فيها وإطرش كذا رسااله على الخااص و العاام علشاان الأخت إترد ولم إطرش شوووفي عاد البضااعه تعجبج ولا ما تعجبج...وإذا عجبتج ..بعد رساااله ثاانيه وثالثه و راابعه ..كم رقمج...وكم السعر...وكيف الدفع...وكيف التوصيل....الخ
..وإلي يضحك إنه في بعضهن ما يحبن يعطن أرقااامهن....ليش عاااد إذا إنتو مش جد الشغله...بلا عواار الرااس............عمركم شفتوا محل بدون تيلفوون....حتى في الموااقع إلي في النت داااايما في شي إسمه ...Contact Number.......وهذا أبسط شي...في التعاامل بين البااايع و الزبووون....والله عجيبه عمركم شفتوا حد يشتري بالمسج.....؟؟؟؟؟؟

صح لسانج

ويزااج الله خييييييييييير

وانااايد كلامك ..وبقوة ... . واصلا انا من فتره الموضوع اللي مافيه صور أصلا ما أشارك فيه ولا أطلب الصور والأسعار لانه طريقه ممممممممملللللللللله

مشكوره أختى أنا معااااااااااااج أناأول مره نزلت الصوره... والدفعه اليديده مانزلت صوره لانى ما أعرف لاأنزل الصوره رياى نزلهم لى... ولانه ريلى مشغول... وسافر.... بس أن شاااااااااااء بنزلهم قريب

هو كلامكم صح وانا اييده بس في شغلات احسه ان عرضها على العام ما ينفع مثلا حابه اشوف الموديل بدون تظليل عشان اعرف شكله بالضبط كيف بيكون في اللبس
وثاني شيء الوحده اذا عرضة فستانها على العام الكل بيدخل وبياخذ الموديل او فضيحه يمكن وحده تعرضه وتبيعه على العام بعدين تلبسه الوحده في العرس الكل ايعرفه بس يوم بيكون على الخاص محد بيشوفه الا الي يبا يشتري وبعد البيعه انتهى الموضوع لا كل الاعضاء شافوه ولا الموضوع تم موجود على الموقع لان الصور بيقلدونها البعض بدل ما تصبح بيعه بتصبح عرض صور للموديلات
بس حابه انوه انه الوحده اذا فكرة اتبيع فستان انها اتحدد طول الفستان اقياسات الكتف الصدر الخصر والايدين عشان اتسهل على العرب لان الكل مب نفس الطول ولا الحجم مثلا اذا دخلت موضوع ولقيت القياسات ما اتناسبني مستحيل اطلب اشوف الفستان وانا عارفه انه ما يصلحلي صح
واسفه اني طولت بس حبيت اعطيكم رايي

أخت خواطر انا قلت من قبل ياليت يطبقون هالشيء العضوات

وانتبهت ان منهم يقول مؤيد بس ما يرجع يحط الصور بالعام ولا كل التفاصيل مثل القياس والسعر

او مثلا شو مكونات الكريم او الزيت وطريقة الاستخدام.... ما ادري ليش

فياليت واطالب المشرفات يحطون اعلان مثلا من يوم السبت اي مشاركة تكون صورها على الخاص او غير كاملة التفاصيل مثلا ما تنزل بقسم ركن التسوق...

نريد شوية شدة وحزم عشان الكل يطبق... بدل ما ننتظر يوم او اكثر ويمكن ما نلقاها لين ما تطرشلنا عالخاص