مكياج ليندا خليفة

Om_3li1 13-01-2006 15 رد 11,611 مشاهدة
O
السلام عليكم

بنات شو رايكم بمكياج ليندا خليفة ؟؟
ا
هاي ثاني مره ارد ياااااااااااااااربيه ..

قلنا بنخلي الموضوووع واحد .. ردي في مووضوع تجهيزات العرايس والبنات بيردن عليج ان شاء الله :) ..

والسموحه ع المغثه .. بس نبا الكل يتنفع ..
ي
مب زووود هذا رأيي صح ماجربتها بس يتني فتره قمت ادور عنها كل شي وأتابع اي برنامج الها لأنا كنا نبى نجيبها لعرس اخويه بس مااعيبتني في أشطر بواايد عنها ...
واسمحيلي الغاليه ( هذا رأي )
وإن شاء الله البنات يساعدونج ويمكن حد جربها وعجبته ...
السمووووووووووووووووحه ...
ع
أنا شفت تعديلها على ربيعتي بصراحه كان حلو مكياجها....... بس ماكبرتلها عيونها سوتلها الشدو مفتوح وربيعتي عيونها صغار ولوكانت مسوتنه كامل كان بيطلع أحلى....... بس بصراحه كان حلو شغلها ووايد مغيرتنها
أ
شفتي اغنية راشد الماجد العيون السود؟؟ ليندا خليفة هي اللي مسوتلهم.. وانا سويت عندها بعد مب حلو مكياجها
O
مشكورين ع الرد

بس تنصحونى اسير لمنو عشان المكياج
N
هلا ..

مكياج ليندا خليفة ما عليه كلام..الصراحة روعة....

جربيتها في عرسي...غيرتني 180 درجة....اتخيلي اهلي ...اخواني وخواتي ما عرفوني.....

وخاصة ريلي اتخبل....

انصحج اتجربينها.....سوي ابروفه ما بتخسرين شي.....الفنانات يسون عندها,,,,

وهي بتراويج شغلها ...

هذا راي....وما اعتقد بتخسرين شي....
M
حبيبتي جربي مكياج المواطنه نوره علي اللي من الشارجه .... وما بتندمين وإذا في وحده من البنات جربيتها يا ريت تقول رايها
ع
أنا ابى رقم نورة اللي في الشارجة لو سمحتي
O
حبيبتى انا شفت مكياج نورة علي فى الجريدة كان حلو الصراحة بس ما شفت حد ع الطبيعة
أ
السلام عليكم

الصراحه اختي ليندا خليفة تحطلج الميك اب عالمزاج

واصلا هي مشهورة تحط الميك اب حق الفانين في الفيديو كليب

بس الفنانات نادر ما يتعاملون وياها
ع
ما انصحج ابها


اختي حجزت عندهم واللي مكيجها وحده فلبينيه ..

تخيلوا انا حجزت وحده للوالده في عرس أختي وهذي كانت تشتغل في صالون ليندا بس طلعت ...وهيه دوووم تينا البيت عشان

تمكيجنا...قالت لي انا استغربت من الفلبينيه اللي عدلت اختج هذي انا مدربتنها ...كيف جازفت وخليتوا هالفلبينيه اتمكيج عروس


ما انصج تتمكيجين عندهم

فيه صالونات احلى

هذا مجرد راي
أ
شوفي مكياج مادونا خووري واااااااااايد نااعم وحلو

مادري عن ذوقج في المكياج بس انا احب الناااعم اكثر من الثجيل واحس ان مادونا تظهرج لبناااااااااااااااانيه صدق خااصه الفاونديشن مالها رهيييييييييب ويتم وااااااايد ولا يخترب او يبقع على ويهج

عن نفسي عرسي عقب 10 ايام وسويت بروفه عندها الصراحه وااايد حبيته عليه وفيه نصيحه من خبيره تجميل قالت العروس مب حلو عليها المكياج الثقيل في يوم عرسها لانها بروحها تكون حلوه بفستانها والنور اللي في ويها فهي محتايه لمكياج نااعم يعطيها مظهر رقييق وحلوو لان المكياج الثجيل يكبرها وانا هذا اللي الاحظه الشيخه

شوفيها يمكن تعيبج وهي بعد تمكيج فنانين وشيخات .. جربيها:)
غ
الاسبوع اللي طاف كان عرس اختي ,,, وحطيت عند وحده كانت عند ليندا خليفه بس روووووعة مكياجها أحلى ما في مكياجها الفاونديشن والله اتحسينه طبيعي وما يتكتل مع اني حاطه من الساعة 2.30 الظهر .... وهيه ايرانية اسمها شيري .... وبتراويكم صور قبل ما اتحطون... ونفس الشي شفت صورها مع الفنانين مثل حمد العامري وعبدالكريم عبدالقادر وغيرهم...وفنانات بعد... واتي لين البيت .... ومعاها وحده تونسية اسمها فاطمة وكانت بعد عند ليندا خليفه اتسوي تسريحات.. والله انه كل اللي في العرس سألونا عن التسريحات ... صدق رووووووووووعة
أ
اللي يريدني أطرشله صور مكياج ليندا خليفة 2006 يراسلني على الخاص
L
الغالية ممكن تطرشينلي صور مكياج ليندا عالخاص ضروري
X