×?°جدولي للعناية بالبشره×?°

يالله بسم الله نبدأ

بذكر لكم المنتجات اللي نحتاجها .. كلها منتجات طبيعيه

خل تفاح
ماء ورد
روب بالفواكه: النوع اللي تحبينه : انا احب هذا النوع :
لا تقولون ما عندكم مثله او ما حصلتوه ،، ترى مو شرط ،، تقدرون تختارون اي روب بالفواكه متوفر عندكم ،، وهذا اللي كان متوفر عندي ..
هالشغلات تحطونهم بالثلاجه ،، انا حاطتهم بثلاجة غرفتي عشان ماعطي لنفسي مجال للكسل ابداً

واقي الشمس ،، اذا كنتي مرتاحه على الواقي اللي عندك كملي عليه ..
انا الحين استخدم واقي unitone4 من isispharma
خفيف و تصمته البشره بسرعه ،، وما يغير لون البشره و يتوزع بسهوله
تلقونه بكل الصيدليات وهو صناعه فرنسيه.

الحين روحي محلات لاش ،، Lush
اخذي صابونة الوجه fresh farmacy
تناسب جميع انواع البشره ،، خصوصاً المعرضه للأصابه بالبثور وحب الشباب


و اخذي مرطب البشره
Imperiaus
هالمرطب خفيف وتمتصه البشره بسرعه،، رائع للبشرة المختلطه ،، اللي تكون جافه في مناطقه و دهنيه في مناطق اخرى.. وباقي انواع البشره لأنه يحقق تعادل طبيعي في البشره


و اخر شي هو السكراب المقشر
cupcake
مكون من الكاكاو ،، وايد يريح البشره و يقشرها تقشير خفيف .. بتلقينه في المحل حاطينه بالثلج
انتي اول ما توصلين البيت حطيه بالثلاجه ،، وبعد كل استخدام رجعيه للثلاجه


الحين نبتدي بالخطوات ..اول ما تقومين من النوم اغسلي بشرتك بأستخدام الصابونة مع تدليك دائري للبشره ،، استغلي هالفرصه في التسبيح ..

بعدها نشفي البشره بس بخفه و نعومه و حطي من الكريم المرطب ..

واذا كنتي بتطلعين انتظري شوي على المرطب و وزعي واقي الشمس ..

البشره بتمتص المرطب بسرعه ..

الصابونه ممكن تستخدمينها اكثر من مره وبأي وقت باليوم ،، وبعد ممكن تستخدمينها لأزالة المكياج .. عن تجربه الصابونة اكثر من ممتازه ..

و الكريم المرطب متى ما حسيتي ان بشرتك محتاجه ترطيب استخدميه بالليل او بالنهار ،، لأنه رووعه ،، انا وقفت عن كريمات الليل و النهار ،، وماشيه على هالمرطب بس

استخدمه بعد كل غسله بالصابونة ..

الى الآن تمااام و الجدول خفيف ،، ما عندنا شي نسويه الا قبل النوم ..

بعد غسل الوجه بالصابونة و تنشيف الوجه ..

جيبي قطنه اغمسيها بماء الورد وامسحي بها كامل البشره ،، وكملي انتي و طريقتك بالعنايه
بالجسم او الترطيب اللي انتي متعوده عليه ..
بعدها جيبي قطنه ثانيه اغمسيها بخل التفاح و مرريها على منطقة الجبهه ،، الخدود واي منطقه عرضه بأن تصاب بالبثور و حب الشباب ..

بعد ما ينشف وجهك استخدمي المرطب مع مساج دائري خفيف عشان تحصل البشره على اكبر قدر من الاستفاده من المرطب ..

نجي للجدول الأسبوعي ..استخدمي السكراب cupcake face mask ،، هو ماسك و سكراب بنفس الوقت

تكونين غاسله وجهك بالصابونه وبعده الوجه رطب مدي الماسك و وزعيه على كامل الوجه والرقبه ما عدا المنطقه حول العيون .. اتركيه لمدة 10 دقائق ،، بعدها افركي بحركات دائريه خفيفه و اغسلي بشرتك من الماسك .. بعد ما تخلصين من الماسك رجعيه بالثلاجه ..

تستخدمين هالماسك مرتين اسبوعياً

وصلنا لآخر خطوه وهي روب الفواكه..

انا استخدمه كل يومين ومافي مشاكل لو حابه تستخدمينه يومياً يريح البشره وايد ويبردها

تمدينه على الوجه و الرقبه و تتركينه لـ 10 دقائق ..

بقى ان اقول لكم ،، لو عندك جدول للعناية بالمنطقه حول العيون استمري عليه .. مع الجدول ..

اما باقي كريمات وماسكات و سكراب البشره ،، اتركيها في هذه الفتره ،، عشان تشوفين نتائج الكورس اللي انتي ماشيه عليه ،، ولأن الهدف من هالكورس ترييح البشره ..

اذا زودتي ماسكات ثانيه و كريمات ومقشرات احتمال تحسسين البشره وتجيبين نتائج عكسيه

اللهم اني بلغت ،، وانا مو مسؤوله لو خبصتي و زدتي على بشرتك اي شي ثاني

واهم شي ان الصابون و المرطب والماسك و الروب و الواقي ،، تستخدمينهم على الوجه ،، ولا تنسين الرقبه بعد

ادعوا لي ،، مع تمنياتي لكم بدوام التألق و الجمال ..
عيدكم مبارك
وبشتاق لكم وايد ، لأني مسافره دبي بكره بأذن الله


همسه // اللي حابه تنقل الموضوع ماعندي مانع من نشره لتعم الفائده على الجميع ،، بس ياريت على الاقل تذكرون كلمة منقول من منتديات عروس ،، لتبقى الأمانه من صفاتنا

تسلمين عزيزتي رعـــبـــوب

والجدول سهل ماشاءالله ومافيه تعقيد

بس ما أعرف وين محلات لاش في دبي

ياريت إذا أحد يعرف يقدر يفيدنا

وكل عام وانتي بألف خيــــــــــر

تسلمين مارشملوز عالموضوع الحلو
انتي دايما سباقه ومتألقه في عالم العنايه بالبشره
ربي يوفقج وتسلمين عالموضوع الاكثر من راااااائع

[grade="800080 FFA500 32CD32 FF1493"]مشكـــــورة على الموضــوع الحلــــو ،،،، ومنتجــــات لاش وايــــــد حلــــــوة

عيــدكم مبــــارك[/grade]

تسلميــــــن حبيبتي رعبوب

على الجدول الحلوو والخفيف

بس شفتي ،،،انا مو كسولة "حطي بالج":dd:

واحب اهتم في نفسي وايد "بس مافيني هوس"

مشكووووورة يالغالية :clap::clap::clap:

والله يوفقج ويسعدج ويخليج ويخلي لج خلودي و زوجج

اختج
#رورو#

تسلمين اختي على هالجدول
في اي محل ممكن القى الصابونه والكريم والماسك اللي قلتي عنهم وهل ينفعون للبشره الجافه الحساسه؟؟؟
انتي قلتي اسامي المحلات بس ماعرفتها! وين موجوده؟

جزاك الله خيرا

مشكوره اختي عالجدووول السهل ..وان شااااء الله نطبقه قريبب.

مشكوره ياقمر على الجدول :)

الكسل والعجز من صفاتنا :)

business_girl:

تسلمين عزيزتي رعـــبـــوب

والجدول سهل ماشاءالله ومافيه تعقيد

بس ما أعرف وين محلات لاش في دبي

ياريت إذا أحد يعرف يقدر يفيدنا

وكل عام وانتي بألف خيــــــــــر

يسلم قلبج يا عيوني

انا بعد ودي اعرف وين محلات لاش في دبي

لأن صابونتي قربت تخلص واخاف ابتلش هناك:dd:

و عيدج مبارك يا حلوه

دلوعه قطريه:
تسلمين مارشملوز عالموضوع الحلو
انتي دايما سباقه ومتألقه في عالم العنايه بالبشره
ربي يوفقج وتسلمين عالموضوع الاكثر من راااااائع

تسلمين حبيبتي دلوعه
و ياربي اكون دوم قد ثقتكم ..

و عيدج مبارك(f)

الـــريم:
[grade="800080 FFA500 32CD32 FF1493"]مشكـــــورة على الموضــوع الحلــــو ،،،، ومنتجــــات لاش وايــــــد حلــــــوة

عيــدكم مبــــارك[/grade]

الاحلى هو تواجدج يالغاليه
مثل ما قلتي منتجات لاش وايد حلوه ،، والاهم انها طبيعيه

ابرك الأعياد علينا و عليج حبيبتي(f)

#رومانسية#:
تسلميــــــن حبيبتي رعبوب

على الجدول الحلوو والخفيف

بس شفتي ،،،انا مو كسولة "حطي بالج":dd:

واحب اهتم في نفسي وايد "بس مافيني هوس"

مشكووووورة يالغالية :clap::clap::clap:

والله يوفقج ويسعدج ويخليج ويخلي لج خلودي و زوجج

اختج
#رورو#

هلا بشيخة البنات رورو

لا ابداً من قال انج مهوووسه :dd:

بس ممكن تستخدمين هالكورس قبل العرس بأسبوعين ،، تريحين فيهم بشرتج

<--- قامت تدلل على جدولها

يسلم قلبج ويخلي لج غاليج

al7aboba:
تسلمين اختي على هالجدول
في اي محل ممكن القى الصابونه والكريم والماسك اللي قلتي عنهم وهل ينفعون للبشره الجافه الحساسه؟؟؟
انتي قلتي اسامي المحلات بس ماعرفتها! وين موجوده؟

يسلمج حبيبتي

المرطب و الماسك و الصابونه مثل ما قلت تلقينهم في محلات لاش

على ما اعتقد انج من قطر ..

عيل ما تلقين لاش الا باللاند مارك ..

ومثل ما قلت الكورس يناسب كل انواع البشره

حاشمه_نفسي:
جزاك الله خيرا

تسلمين حبيبتي (f)

&#4326;باربي&#4326;:
مشكوره اختي عالجدووول السهل ..وان شااااء الله نطبقه قريبب.

هلا حبيبتي باربي

بأذن الله تطبقينه و تعجبج النتائج

kholoud_sa:
مشكوره ياقمر على الجدول :)

الكسل والعجز من صفاتنا :)

هلا بأم الكسل كله

شوفي عاد انا محذرتج وقايله لج هالجدول حلو ولازم تتبعينه :dd:

وانا اكتب الموضوع حاطتج ببالي ،، اقول يارب تتحرك و تطبقه

عيدج مبارك يا حلوه (f)

السلام عليكم ورحمة الله وبركاته..



كـــــــــــــــــل عامــــــ وأنتي بخير الغاليه..

تسلمين حبيبتي على افادة الاعضاء..
مشكوووووووووووووووووره حبوبه ورووووووووووووووووووعه.. كلعاده متالقه في القمه..
منتجات كلها متوفره وحلوه..

الغاليه حيا الله بج في دبي يالله خلينا انشوفك ولا تبخلين علينا اوكيه!؟
وبوسيلي خلودي.. بوسة العيد..

نترقب جديدك الطيب..

يالله بنوتات استمتعوا بالعيد

عن اذنكم بقوم اكشخ :dd:

و يارب نلتقي على خير بأذن الله

ادعوا لي اروح و ارجع بالسلامه فديتني:gum:

احبكم وااااااايد:flower: