ايش سويتو وايش مواقفكم يوم الشوفة (النظرة الشرعية) يييييلا

الله يتمملكم على خيرويسعدكم أنشاء الله يا بنات أنا عن نفسية ماكان في شوفة نحن ماعندنا هاشي بس الحمد الله على كل حال..................

تسلمين عالرد

دراعه مشكوره على ردك :)
بس اللي سبب لي لبس في الموضوع كأني سمعت زمان حديث أو كلام من الرسول على مايظهر من المرأه ساعه خطبتها .. أنا الحمد لله محجبه ... بس لأني زي سمعت بدايه الشعر تظهر عشان الزوج المستقبلي يعرف وبدايه الرجل .. بصراحه ما متأكده عشان كده حبيت لو في وحده عندها معلومه مؤكده توريني

لكن ان شاء الله لن يظهر مني الا ما امر الله مني أن يظهر .. لكن فقط للعلم بالشئ وليس الا :shy:

مواقف مضحكة تسلمين على الموضوع وردة

تسلمون

بنت النيل

يجوز لك ان تظهري شعرك كاملا ورقبتك وكفيك وارجلك


يعني تدخلي بلبس محتشم بدون حجاب
هذا في الشرع..والله اعلم

fantastic_girl
اختي انا ماني حابه افتي لكن اعتقد كلامك غلط لانه لازم تلبس محتشم هذا ماعليه خلاف لكن تبين شعرها صعبه خاصه اذا كانت محجبه وهذا انا مره سمعته وحتى درسته بعد
مو معقوله بنات الناس كل من جا واحد يخطب تروح له بدون حجابها ولو رفضها لاسمح الله وطلع واحد نذل ينشر مواصفاتها من - الى للناس .
يعني اللي اكيد لازم مايبين غير وجهها وكفيها فقط



واتمنى انك ماتزعلي من كلامي لاني بس قاعده اوضح :)

:dd: :dd: :dd: :dd: :dd: :dd: :dd: :dd:

:clap: :clap: :clap:

موتونى من الضحك

انتو زى العسل

بس يا بنات محدش قال ايه الاسئلة اللى مفروض نسألها؟؟

وبالمناسبة احنا كمان عندنا فى مصر الشوفة ديه

بس مش كل الناس بيعملوها

احيانا بيكون العريس شاف العروسة قبل كدة

واحيانا بيكون جاى على اساس انه سمع خير عن الخلق و الدين

وبالنسبة لموضوع الشعر و الرجل ده

بصراحة فيه علماء قالوا يجوز وفيه قالوا لأ

بس احنا عندنا بنفضل الوجه والكفين بس

عشان ما يحصلشى مشاكل

والبديل ..والدته او اخته بتقعد مع العروسة و تشوفها عادى بشعرها و زينتها

ادعولى يا بنات

اخواتي
اتمنى عدم الخوض في فتوى مالجزء الذي يجوز للمراه ان تظهره للخطيب
لان كل شخص على مذهبه سوا حنبلي سوا شافعي اواي فرقه اخرى
لذلك كل واحده تسال من كان على مذهبه وذلك احوط

لان الحنبلي
يجوز اظهار ماتظهره عند محارمها من جسدها
اي ماتظهره عادة دون استحياء

انه زوجي شافني مرة طالعة مع الاهل واعجب فيني :shy:

ودل بيتنا وجا يتقدم لي (r) ..>> شقاوة رجال

عاد اليوم الي جوو يتقدمون كنت خايفة ومرتبكة حدي حتى مانزلت اول شي للضيوف من الخوف

بس بعدين قامو كل شوي يسالو عني يبون يشوفوني اهله

جت لي مرت خالي تغصبني انزل وانه مستحية حدي وخايفة

وكنت مترددة بوقتها شلبس اي بدلة احلى

ارفع شعري او اخليه

وكنت بوقتها كل شوي اناظر المرايا وجهي شاحب او عادي

وكنت خايفة حدي

بعدها وافقت اروح للضييوف

واول ما نزلت ورحت اسلم على ام زوجي حسيت نفسي بيغمى علي من الخوف والارتباك لو ما
مرت عمي تداركت الموقف وامسكتني كان وقعت على الارض

وبعد ما سلمت على اهله جلست لوحدي مع ان اختي ومرت اخوي كانو مع الضيوف الا انه كنت افضل اجلس وحدي من الخجل والارتباك

وطول الوقت راسي يناظر الارض

وبختام الجلسة تعشوو الجميع وجلست انه بدون حركة وعيني تناظر الارض

حتى ام زوجي تقول لي بتنكسر رقبتك حبيبتي من كثر ما منزلة راسك :dd:

وجت اختي ومرت اخوي يركضون يقولون لي انهم شافو زوجي ما بين الستار وان هو حلوو مووووت

طبعا انه نزلت راسي مستحية :shy:

بعدين جت امي قالت لي لازم تشوفينه ويشوفك وانه

هني حدي انحرجت انه زين شفت امه كيف اقدر اشوفه:eek2:

قلت لها مابي اشوفه :no:

تخيلو في وحدة تزوج بدون ماتشوف زوجها هه:yes:

من الخوف قلت لهم بروح الحمام عشان اهرب ولا اشوفه:think:

بس مرت خالي صادتني ووقفت لي بالمرصاد جنب الحمام وقالت لي تعالي بوديك تشوفينه:down:

طبعا ما كان بيدي الهروب بهالحالة

ورحت معاها وقلت امري لله وحدي خايفة:sad:

واول ماشفته شفته لابس ثوب الله عليه :shy:

يجنن


واول ماشافني ماوقف نظراته

وانه حدي مستحية

ومنزلة راسي:shy:


وبس:clap:

:sad: :sad: :sad: :sad:

لانظره شرعيه ولاشوفه بعد الملكه ولاهم يحزنون


اخ بس من هالعاده اللي باطه جبدي :angry:

يالله ياكريم

يجي هاليوم واخبركم شنو يصير معاي

وبنات عرروس العازبات يارب ياركرييم

وكل الي انخطبوااتمنى لهم حياه سعيده عامره بطاعة الرحمن

ههههههههههههههههههههههههههههههههه والله انكم عسل يا بناااااات

والله ذكرتوني بهذا اليوم العالمي ...

خل اقولكم انا شنو صار معاي ..

انا زوجي ولد عمة صديقتي... امه شافتني عندها بالبيت ,, خذت رقم اهلي و تفاهموا على موعد علشان يزورونا فيه ...

و كنت اسحب حجي و كلام من صديقتي عنه

عـــاد قالتلي خليه يولي ترى ما شاف الحلى جيكر مو حلو ... <<< ماشالله على بنت العمه

والله كنت على اعصابي مصاريني شوي و تتقطع .. و مع رنة الجرس صرت مثل عبدالحسين بمسرحيه سيف العرب اتصلبت بمكاني خفت انهد حيلي من الخرعه ..

طليت شوي علشان اشوف شكله قبل لا انزل ... شفته حــلـــو و مزيون و صديقتي تقول ما شاف الحلى << صج الناس اذواق .....قلت هذا شيبي فيني الحين راح يتفل بويهي خخخخ ..

بعدين يت امي و قالتلي يلا نزلي يبون يشوفونج .. قتلها لأأأأأأأأأأأأأأأأأأأأأأأأ ماااراح انزل مابي ... قالت يلا عاد عن الدلع قتلها راح ادخل معاااااج مابي ادخل بروحي ... قالت يلا اوكي

اول ما دخلت على طول طالعته قبل لا يشوفني و بعدين شلت نظري عنه و سلمت و قعدت و كلش ما طالعته قاعده اطالع ابوي الله يطول بعمره و يهي صار قوس قزح من المستحى ..
بعدين قعدت شوي يمه علشان نتكلم و اهني ام الفشله عــاد قعدت بكل اناقه حاطه ريل على ريل ...
قالي دانا ؟؟!!!!!!!!!!!!!!!! رديت و ياريتني ما رديت,, فيصل ؟؟ّّّّ!!!!!!! قالي اي فيصل يا يبا ((بــدر ))... انقص ويهي مادري من وين طلع اسم فيصل ؟؟؟ ما سألت ولا سؤال خليته اهو يسأل و اخذ راحته من اولها طاح سوالف ... بس قاموا بيروحون سلمت على الكل الا عليه رحت ركض غرفتي و جسمي يرجف و امي ميته علي من الضحك..

و الحمدالله كان من نصيبي ... و عقبالكم يا بناااااااااااااااااااااااااااااااااااات

ههههههههههههههههههههههههههههه

سوالفكم تجنننننننننننننننن

عزيزتي ام سلمان ... أنا أبغى أسوي أناقة واقعد ريل على ريل يقوم الصندل يطير من ريلي .....فشلة .. واتخيلو وضعي وأنا أسحب صندلي ووجهي صار ألوان....

عليكم مواقف الله لا يفشلنا


الله يهنيكم و يرزق البنات اللي زي يااااااااااارب

مشكــــــــــــــــــــــــــــــوره
الموضوع حلو

لما يصير بضيف ان شاء الله ...

تسلمون يابنات

الله يعافيكم قتلتوني من الضحــك ...


الله يفرج عليكم ويوفق الكل يا رب ..


اخبركم عن شوفتي انا (مع اني انا شايفنه اكثر من مرة لانه صديق اخوي .. وكنت اعرفه قبل ما يجي عندنا البيت وبصراحة كنا نحب بعض )


بس نحن خططنا ان يجي يخطب ويقول ابي اشوفها ... لاني ما شفتها ..

المهم هم اتصلوا حق ابوي الصبح ع انهم بعد صلاة المغرب بيجون ...

وانا ما اعرف وش صار فيني من الرعبــة والخوف .. مع اننا انا وهو مخططين لكل ذا ..

وقبل صلاة المغرب انا كنت بعد مو لابسة ولا متسبحة ولا حاطة شيء ع وجهـي ..

وكان بطني يعورني كثير وكل شوي ع الحمــام ..

وكنت ادخل المطبخ علشان اشوف وش مسويين وفي فواكــة انا ما كنت احب اكلها من البرتقــال والتفاح الاخضر والكمثري .. وذاك اليوم كله حبيته وكله اكلته .. (عاد ما غبــاء فيني)


المهم دخلت وتسبحت ولبست جلابيــة ومع شيلــة (نحن في عمان نسميها ليسوا) وعندنا عيب البيت تتطلع فاتحة شعرها او مبينة شعرها قدام اي رجــال غريب .. .. وسويت عطــر مركـــز .. (ما اعرف وش خلاني اسوي ذاك العطـــر)


ولما سمعت دق البـــاب .. ع طـــــــــــــول ع الحمــــــــــــــام (الله يعزكم ) ما اعرف وش صار فيني ..


المهم من الخرعة حتى ما قدرت ادخل غرفــة الحريــم (اهل زوجي) وكل شوي امه تقول نبي نشوف البنت نبي نشوف البنت وامي كانها ما تسمع شيء ..


وناداني ابوي علشان اشوفــه (المسكين ابوي ع باله انا ما شفته ولا هو شافني) ولما دشيت .. كنت خايفـــة ما اعرف من وش ..


وجلست قبالته وع حافـــة الكرسي وشوي وكنت اطيح ع الارض وما قادرة ارفع راسي لان اخوي كان موجود ..

المــهم هو يطالع وانا اقول في خاطري خلص خلني اروح .. اخوي تدخل وقال يالله قومي بسكم ..


وطيران ع غرفتـــي .. وبكيت ذاك اليوم من الخــاطر .. ولما اتصل فيني في الليل شتمته وهو يضحك علي .. يقال لي .. راسك ما نكسر من كثر ما كنتي منزلة راسك في الارض ..


والحمدلله تم ع خيـــر .. وبنتزوج ثاني يوم العيــد ..

هههاي
حلوة والله يوفقك