أحنُ الى يومي.. وابكي على أمسي.. وأمسي من الدنيا عزيزٌ على نفسي..

السلام عليكم ورحمة الله وبركاته





شي ما يقتلني يقودني الى حبل المشنقه وباصرار .... لايتمثل في نظراته الرحمة والحنان
وكانه يستمتع بذبح شاه ...شاءت الاقدار ان تمربي السنين لاجد نفسي امامه وبين يديه
ليشفي غليله من ظلم لم اقترفه من خاينه لم اخطط لها .....
هي الحياه تفاجئنا يوماً لتقتل احلامنا وتجعلنا القاتل والمقتول في زمن لايرحم المظلوم......

لم نكن في زمن نصنع الحب .. او ُنجيد تمثيله ...... او ُنظهر امام الكل قصة العاشق الولهان
ليختبء خلفه امراض النفوس ومن هم على شاكلة الخائن المخادع..... الان وفي زمن انتهكت المشاعر الصادقه
والاحساس الحقيقي ليتبدل به من هم يجيدون الادوار....... الان بدئت تتلاشى معاني الحب الحقيقيه
لسُت اقصد حب الهوى لانه حب وهمي وشيطاني لا اساس له بالحياه لم يبارك الله فيه
فهو معدوم في الاصل لا اعتراف له.. ..
بدء يقل حبنا لبعض بمصداقيه تامه بين العائله ..بين الام وابنتها.... بين الاب وابنه ....
وخاصه بين الزوجين وهم اساس الحياه......


عندما تتلذذ بالحلم الذي تنتظره .. شي ما يقف عقبه في طريقها ليتففن بحرمانها بطعم السعاده ...
ولكن عندما تكون الجانيه قطعة منها تخرج لدنيا ... وحتماُ عليها يصعب اختيار احد الامرين
هو انتهاء حياة احدهما ورجوعه من حيثُ اتى..... ويبقى السؤال.. من تكون بربي هي التي تضحي بحياتها

........القادم الجديد؟؟... ام المنتظر الولهان؟؟؟


قبل ان يلفظ انفاسه الاخيره بدى ابراهيم يوصي زوجته نوره كل شي يخص حياته وخاصه بنته ندى...
نوره شوفي انا مسامحك على كل شي وان مت بكون راضي عنك بس ان ماتميتي الوصيه اللي انتي خابرتها
عقب 12 سنه ترى انا بكون غاضبن عليك ولا محللك... وانتبهي لعيالك ولاتلهيك الدنيا وتنسيك عيالنا
وخاصه ندى امانه برقبتك لاتهملينها...
مات ابراهيم وترك نوره غارقه في همومها امكن نوره بكت وصرخت بلحظة موته بسم العشره فقط وانه ابو عيالها
بس مازالت تحس انه لايمثل لها الزوج الا بالاسم فقط ماعمر حست معه بانه هو حبيبها وزوجها وشريكها فقط
كانت تؤدي عمل فرض عليها... بسبب ظروف اجبرتها انه تقول لابوها (سمع وطاعه)

عايله نوره نوعا كانت متحجره بالتفكير تفكيرها قاصر ان البنت فقط تعيش عند رجل طيب فقط مايهمها سالفة
المشاعر وانه تحبه وترتاح له نفسها ..لانهم يشوفون من اعظم المصايب ان البنت ترجع لبيت ابوها ولو كانت
مبتليه بامراض الدنيا.. ولايقبلونها ترجع لهم الا اذا مرو بها من عند بيت اهلها وعقب على قبرها ..
ذا تفكيرهم واعتقادهم

<< ليت يشوفون جيل الحين من اليوم الثاني من عرسها وهي ورقتها بيدها عند بيت ابوها
وان سئل السبب قالت يااااي ماجازلي قرف

قضت ايام العزا وخلصت عقبها العده وبدت نوره تشيل وتحط بهالبزارين يوم حلو وعشر ُمر...
ماكان يهمها وش اللي بيصير او وش مكتوب لها مستقبلا اهم شي انها تلقى المستقبل ينتظرها
وشايل لها ذكرى حلوها جمعهم بيوم قديم......

دخلت عمتها (ام زوجها) نوره ماشا الله عليك اللي يشوفك يقول بنت 12 سنه وانا عمتك لاتخلين العيال ينسونك
شبابك وخاصه انهم للحين بزارين انا اشوف انه ماله داعي تروحين لبيت اهلك وتحرمين عيالك من بيتهم
وخاصه انه من ريحة ابوهم انا ابيهم يعيشون بوسطنا ولايحسون انهم ناقصهم شي وكأن ابوهم معاهم وعشان
تستقرين اكثر.... اليوم ولدي سالم عم عيالك يبيك زوجه له عشان يلم شملكم عسا الله لايفرقكم وترى هو من
زمان وده فيك وانتي خابره المشكله القديمه قبل زواجك ومدام للحين عيال عمك يتهاوشون عليك فانا اقول
سالم ازين لك وقريب لك وانتي عارفه كل شي مايحتاج اشرح لك ونفك سيره قفلنها من زمان.....


نوره قاربة على الانهيار وتفجر بركانها الخامد من سنين طويله .. مستحيل اهدم حلمي وسعادتي بقاتل ثاني
يقتلني للمره الثانيه.. كفايه ماشفت من المر والاحزان وثمرتها كانوا اطفال احملهم امانه عندي كفايه اتحمل
عيال ابراهيم وهم من صلبي شلون اتزوج سالم واتحمل هم ثاني...

نوره تلخبطت الامور عليها اختلطت مشاعر الامومه بحب قديم .... عمر طويل قضيته واصبرت على الشقى واالغم
عشان تحلم بيوم حلو مع من اختاره قلبها ولو كانت اخر نفس في حياتها...
رفضت سالم على انه مازال ينتظرها بأي يوم ترجع له ويوم عن يوم يحاول يتقرب لها بجميع الاساليب
اللي تخليها ترضخ له بنفس طيبه .. مافقد الامل سالم ومافكر انه يستبدل بنوره انسانه اخرى
لان نوره غرسها بقلبه من عرفها من قبل تعرس على اخوه وهو يوم عن يوم يرعى حب نوره بقلبه
ويربيه مثل البيبي بقلبه...
رفضت بكل قوتها وقفت امام الكل ..انه ممكن تسمح لهم يهدمون حياتها مره وحده..
ويعاملونها مثل الجامد يحركونها مثل مايبون بس الان اختلف امرها وكفايه سنين حياتها راحت
وهي تضحي وتجامل عشان رضى والدينها

مرت الايام والسنين وندى يوم عن يوم تزيد جمال وفتنه وكانها امها نوره في شبابها ومن يشوف ندى يقول
سبحان الله اللي رجع بنوره لسنين ورى ..
ولكن تختلف في شخصيتها عن امها مرحه.. اجتماعيه.. تحب طق السواليف بكثره..
تعشق الجمعات والبشكات.. مهي منزويه وانطوائيه مثل امها.. ينقصها قليل من الجد .....
ولكن تحمل قلبا ابيض كطهارة قلوب الاطفال .. عيبها تصدق المشاعر الاخرين بسرعه .....
وتتعلق فيهم بدون ماتكشف عيوبهم.. كبيره في تفكيرها على صغر سنها...
تعالج الامور باساليب من لهم خبره بالحياه..... بالمختصر ( ندى انسانه نادره)

يمه ودي اسئلك سؤال مع اني اتمنى تبلعني الارض ولا اتجرء اسئلك بس يايمه الكلام اللي اسمعه من برى قهرني
وتعبت وانا انكر كلامهم مع ان خبرتي فيك يايمه قليله لاني احسك غامضه وبعيده عنا وكانك تهتمين
لحالنا عشان تأدين واجب ... وتشوفينا حمل عليك وبتتخلصين منا خاصه لما جا خطبني ولد عمي وانتي اصرتي
انك تزوجيني مع اني توني بنت 12 سنه وانت تخبرين ان سني للحين مايسمح اني اعرس واتحمل هم مثلك ...
ولاتقولين لي عشانك اعرست بنفس عمري تبيني مثلك لانك عارفه بنت 12 سنه منول تعادل بنت العشرين الان
وعشان كذا يمه ليتك تشيلين فكرة اني اعرس الان وبذا السن لاني ابي اعيش حياتي صح...

لاحظت ندى ان امها بتتشقق من الفرحه ..اول مره في حياتها تشوف امها طايره من الفرحه ..حتى انها استغربت
منها ان سمحت لها تزور صديقتها لان من عادة امها تمنعها تخرج لزيارة احد من صديقاتها ...
استغربت ندى وقالت امكن امي مخبيه حبها لي من زمان ولاتعرف تعبر عنه ومن فرحتها اني بكون معها
ورافضه العرس انبسطت واني بكون قريبه منها...

ندى مالقت فرصه تسئل امها السؤال اللي محيرها لانها تفاجئت بالاعظم من سؤالها وهو حالة امها اليوم غريبه
وبصراحه اول مره تشوف امها بذ الشكل ...................... لكنــــ..
قريب بتكشف لي الايام وش سر امي يوم عرفت اني كارها فكرة الزواج

لكن ندى ماكانت تتدري وش مخبيه لها الايام من اقدار مايتحملها جسمها الصغير



يمه جدي يبيك بالمجلس يقول تعالي ولاتخلين احد يجي معك الظاهر يايمه جدي ناوي
يقسم ورثه تنكة التمر علينا والا ها الشايب وش عرفه بحركات الاسرار.... وخليها تجيني
وصه لاحد يقلقنا ياحليل جدي مسوي نفسه مهم الظاهر طق فيه عرق العرس

ندى دايم تحب تحسن الظن في كل الامور مهيب من اللي في راسه حب مانطحن ولاهي من اللي تحب التلقف
والتنصت من ورى البيبان بس لاحظت انهم طولو مره وزودها يعني وهي على قولتهم الفار بدى يلعب( في عبها)
ندى سمعت صراخ امها وكلام غير مفهوم.. انه مستحيل تنفذ اللي وصها فيه ابراهيم لانه ذا يحطم حياتها
ويخيب احلامها ....ندى حاولت تتصنج ولا تبي تسمع شي لانها خايفه تسمع شي يخيب املها في امها..
لكن ما انتهت ندى من ذا التفكير الا سمعت الصاعقه اللي هدت حيلها وغيبتها عن وعيها




نقدر نقول بربـــــــــــــــــــــ