يوم عرض زهاب العروس ..لبنات الامارات

افااا والله ماهقيتها منكم 41 تدخل وتقرا الموضوع ولا وحده ترد


يعني معقووله محد مسوي عرض ز هاب ومحديعرف


جد زعلتووووووني :(

هلااااااااااا حبوبه ..

في موضوووع رمسن فيه البنات ع هالشي ..

خليني ادوره وبرد عليج :)

والله مااعرف

لانه نحن مريحين عمرنا ومانسوي الزهبه ابد

ان شاء الله البنات المجربين يساعدونك

و الله اختي حق الذهب تقدرين تشيكين مع راعي الخيم يكون عندهم صناديق .. او بعد شركات الاعراس عادة يكون عندهم ... شي ثاني الرقاب حق الذهب ترومين تكلمين محلات الذهب و يعطونج و تردينهن بعدين يعني المحلات الي انتي تتعاملين معاهم و جي

المنكان مادري و الله بس انا الي اعرفه انهم ياخذون عادي علاقات عرض و تعلقين كل الثياب و الفساتين يعني ماجد شفت حد ملبس
بعد على اساليب العرض و الله مره شفت ناس حاطين صندوق الذهب فالنص و فوقه زجاجه مدوره كبيره و فيها سمك ذهبي و فوق الزجاجه باقه تجنن جان صدق فخم و الاغراض الباقيه حوالين الصندوق يعني صاير ممر دائري بين الصندوق و الاغراض و باقي الاغراض في صناديق ملبسينهن دانتيل و منسقين عليهم ورد .. ماادري اذا واضح ؟


انا قتلج لانج سالتي بس نصيحتي لج يا اختي لاتعرضون و الله الناس مايقولون خير لو مسوين وايد بيقولون ول وايد و بيصيبونها بعين و الناس مايصلون على النبي و لو بالمعقول بيقولون ماسويتوا شي ! و الله انا وحده شفت وايد ناس انقرصوا من هالسالفه .. و مش ناويه اعرض و من الحين اقنع الوالده انه ماله داعي
و بعدين الزهبه للعروس و هي حره ليش نعرضها و نخلي الناس تبحلقلها فيها !!
و الله هذا رايي و انتي الله يوفقج و يبعد عنا العين ان شاء الله !!

اختي الامارات مشكووورة ع ردج واتريا منج الموضوع

MoonStones جد ماقصرتي ويزاج الف خير .. وفهمت الحركة وحلوة .. اما عن سالفة العرض والله مب بيدي

لااااااااازم اسوي :(... ومشكورة غناتي ع النصيحة

شمسة المهيري تجهيزات كاملة لزهبة العروسة وللمكسار _دبي
تعالوا انشوف زهبة العروس طلبية خاصة لا هل مدينة العين
اليوم حبيت اعرض لكم
صور صناديق وسلات وصياني العطورات لجميع المناسبات

اعرض عليكم بضاعتي ومنتجاتي الخاصة بي

والحمد الله عليها اقبال ووايد من الامارات وبرع الامارات


ولي مشاركات ووايد في المعارض و مهرجان دبي للتسوق


صناديق العطورات والهدايا للمناسبات للبيع

°ˆ~*¤®§(*§*)§®¤*~ˆ°معرض شمسة المهيري °ˆ~*¤®§(*§*)§®¤*~ˆ°
للصناديق العطورات والهدايا والمناسبات ((رجالي+نسائي)) الخاصة

شمسة للصناديق العطورات والهدايا والمناسبات الخاصة
1- الخطوبة
2- الزواج
3- عيد ميلاد
4- تخرج
5-واي مناسبة
6- للشبكة ((الزهبة)) طلبيات خاصة ومناديس كبيرة
وسلات خاصة لتعطير الضيوف والمعازيم
والعربات الخاصة لتعطير الضيوف
وصياني العطورات
والحمد الله عليها اقبال
ولي مشاركات عديدة في المعارض
ومهرجان دبي للتسوق

طبعا الاسعار تختلف على حسب الطلب وعندي انواع وووايد الصناديق
ومناديس في ملكية على حسب الطلب
لشمسة المهيري
دبي
جميرا
شمسة المهيري تجيهزات كاملة لزهبة العروس
وديكورات خاصة للمكسار وعرض الزهبة لعرض الزهبة
مع توفير المنيكان الخاص لعرض الفستاتين والملابس واحدث الديكورات الفخمة [اشرافي شخصيا شمسة المهيري
وعندي صور الغالية

وهذي شهادة احد الاخوات

دمع و غبار:
للأســـــــــــــــــــــــــــــــف يا بنت البنــــــــــــــــــــــــــــات


للأسف و الله
ما لقيت كلمات تعبر عن شكري و إعجابي و إمتناني للشغلج الرائع


و لو و صفت و عديت من الكلام بيظل يخوني التعبير

صراحه شغلج فوق المعتاد شي راقي و مميز

الكل تعجب من الزهبه من الألوان و التنسيق و الإبداع

يا بنات صدقوني ما أقدر أوصف لكم كيف كان الشغل مميز


بنت البنات قامت بتزيين الركن إلي عرضنا فيه زهبة عرس أختي في المكسار
و رتبت لنا الزهبه و الهدايا في صناديق فخمه و سوت لنا كل الديكورات بإيدها في البيت و الله كانت ترتب كل شي بإيدها و فوق هذا كله تعاملها الراقي من أدب و أخلاق حتى الوالده حبتها و تشكر فيها ليل نهار.

ما شاء الله تبارك الرحمن

و زينت السقف بكريستال يتدلى مثل قطرات المطر و الله كان شي خيالي
و لما سألونا المعزيم في المكسار قلنا لهم أن هذا شغل بنت مواطنه و الكل تشجع و أخذ رقمها

الله يوفقها و يسعدها

و إن شاالله أول ما تخلص الألبومات مال العرس بحاول أنزل لكم الصور



و لج مني كل الشكر و الإمتنان

هلا عذبة شحالج اتمنى اساعدج بس كل اللي اعرفهم ما سووا عرض الزهبة واللي اعرفه انها عادة جديمة محد يسويها احينة يمكن يسوونها في امارات ثانية بس ما نسويها في دبي يمكن عائلات قليلة تسويها وانا شخصيا ما تعيبني هالعادة احس اغراضي اللي بشتريها حق العرس اشيا خاصة وما احب اعرضها على حد :no:سوري طولت عليج يالغالية صح ما فدتج بشي بس اتمنالج التوفيق و مبروك مقدما :bigsmile:

ودي اساعدج بس ما عندي فكرة ان شاء الله البنات نابيقصرون ^_^

انا قتلج لانج سالتي بس نصيحتي لج يا اختي لاتعرضون و الله الناس مايقولون خير لو مسوين وايد بيقولون ول وايد و بيصيبونها بعين و الناس مايصلون على النبي و لو بالمعقول بيقولون ماسويتوا شي ! و الله انا وحده شفت وايد ناس انقرصوا من هالسالفه .. و مش ناويه اعرض و من الحين اقنع الوالده انه ماله داعي
و بعدين الزهبه للعروس و هي حره ليش نعرضها و نخلي الناس تبحلقلها فيها !!
و الله هذا رايي و انتي الله يوفقج و يبعد عنا العين ان شاء الله !!

انا مع هذا الراي

اعتقد مجوهرات سلطان الشعيبي يأجر طاولات خاصه لعرض الذهب

هلا الغالية ممك اطرش لج صور