بديت أشك بنفسي .. انا اللي ماأفهم ولا هم اللي مايفهمون

السلام عليكم ورحمة الله وبركاته

انا بقلكم على سالفه صارت معي ... وانتو قولولي مين الغلطان فينا انا ولا زوجة اخوي لانها من جد قهرتني
الاسبوع الماضي كان زواج بنت بنت عمي ..
المهم ارسلت لنا بطاقات للزواج ..
بنت عمي هذي قلبها مو نظيف تجاهنا ودايم لاشافتني ترمي علي كلام جارح مع اني كبر عيالها انا ..
المهم اتصلت بنت عمي هذي على زوجة اخوي وهي موجوده عندنا

وقالت لها والله حنا أرسلنا لكم بطاقات دعوه للزواج ونا ترى بنتي عندها صديقات كثير ماعزمناهم وحنا مستحين لانطلب بطاقات زياده من اهل المعرس فعشان كذا انا اتصلت على وحده من اهلنا عرفت انها مورايحه فقلت لها جيبي البطاقه عشان نعطيها لصديقة بنتي
بعدين قالت ايه عاد مو تخلون تعااااااالو <<< هذا انا اسمع صوتها من الجوال وهي تتكلم طبعا فاتقول لزوجة اخوي ايه هذا عزيمه وعزمناكم عاد تعالو ولاترى انا بنتي ناقصتها بطاقات وهذا احنا كل ماعرفنا ان حد ماهو جاي قلنا لهم هاتو البطاقات فقالت لها زوجة اخوي والله ان شاءالله راح تجي بنتي واخت زوجي فقالت بنت عمي اييييييييه حياكم الله وقفلت ..

فقلت انا لزوجة اخوي الصراحه هي شكلها ومن طريقة كلامها واتصالها انها متصله تلمح اذا كنتو مو جايين هاتو البطاقات

انا قلت هالكلمه ومابغيت الا عمري من زوجة اخوي

فاكملت كلامي وقلت عموما هي جزاها الله خير اعزمتنا بس الصراحه انا ماراح اروح وانتي تقولين ماراح تروحين لاانتي ولابنتك عطيها البطاقات لان واضح من اتصالها انها تلمح للبطاقات فاردت علي بنظره فيها تحقير وقالت يعني الان لو ماعزموك كان قلتي ماعزموني ويوم عزموك قلتي ايه ما اتصلت الا عشان تبي البطاقات انتي ليه تسيئين الظن فيهم كذا

قلت لها لاوالله ماأسئت الظن فيهم انا كل اللي قلته جزاها الله خير وجبتنا وعزمتنا بس كلامها يدل انها تلمح للبطاقات وبما ان حنا مورايحين ليه نخلي البطاقات عندنا خليهم يستفيدون منها هذا قصدي قالت لاحبيبتي بطاقتك بتوصلك و هي ماتقصد اللي انتي فكرتي فيه..

طيب انا وش قلت عشان تكلمني بهالطريقه هذا اللي ضايقني تصوري حتى ولدها قالي فعلا انتي دائما تسيئين الظن فيهم ... يعني كلامها دليل على اللي انا قلته ماجبت شئ من عندي وانقهرت منهم والله

يعني بجد قولولي انتو شفتو في كلامي شئ خطأ انا ابغا احد يقولي من جد انتي اللي أسأتي الظن مع ان هذا كلامها بالحرف الواحد ...

شي يقهر والله شككوني بنفسي خلوني احس اني جالسه اتبلى على الناس صرت اخاف لاافهم احد خطأ كل شوي طالعين لي بشي ..