اللي صار لها نفس اللي يصير لي تخبرني ....

بسم الله عليكم من الطلاق يا أختي أبد لا تفكرين في هاي الكلمة نصيحتي لج أنج تقرين القرآن كل يوم و ثانيا هاي فرصتش اتقوليين بيسير الحج يعني بيبتعد عنج و البعديولد بينكم الشوق والله يهديكم لبعض إن شاء الله

تدرين جامي انا احس بسبة الروتين
حاولي تغيرين جو تسافرون مثلا او على الاقل تروحون مكان بعيد في البلاد مثلا عندج الخور ودبا الحين ماشي احسن منهم في الشتا شو رايج تروحون عقب ما يرجع بالسلامه ان شاء الله يومين على الاقل وتخلين بنتج عند امج وخواتج وتعيدين شهر العسل
يمكن لانج الحين ما عندج بيت خاص فيج ما تقدرين تاخذين راحتج الا في حجرتج بس لما بتكونين في شقه هناك او سويت خاص فيكم مب لازم تجتمعون في غرفة النوم عشان ما اييكم الرقاد :)
شو رايج انتي تفاجئينه وتحجزين لكم يومين هناك مب احسن عشان تهدينه وتنسينه اللي صار وتوعدينه وتاخذين منه عهد وانتوا هناك انكم ما تخلون اي شي يفرق بينكم عشان خاطر بنتكم على الاقل .. حافظي على زوجج دامه مب مقصر في حقج وتأملي في كلام الرسول صلى الله عليه وسلم : ((لو كنت آمراً أحدا أن يسجد لأحد لأمرت المرأة أن تسجد لزوجها))
((سئل الرسول من أعظم الناس حقا على المرأة؟ قال: زوجها))
قال صلى الله عليه وسلم (( أيما أمرأة ماتت وزوجها عنها راضٍ دخلت الجنة))

شفتي مكانته كيف المفروض تكون عااليه وايد .. حافظي على هالمكانه وخليها سبب في دخولج الجنه باذن الله

وبقولج شي بعد خليه في بالج دوم
انسي كلمة طلاق ولا تييبينها على لسانج حتى ولو هو قالج اياها انتي نازعيه وقولي له انا اكره هالكلمة وماباك تييبها مره ثانيه على لسانك ومهما صار بينا انا احبك ومستحيل اتخلى عنك او اخليك تتنازل عني
الغاليه لازم تبينين له ان انتي تحبينه وشاريتنه ومب على اي شي بتطلبين الطلاق
خليه يحس بهالحب
عطيه فرصه انه يحبج اكثر واكثر لانه يوم بيشوفج متمسكه فيه رغم المشاكل بيستحي من نفسه وبيحاول يرضيج هو بعد باي طريقه
لا تعطين المجال للشيطان انه يدخل بينكم وعشان جذا اقولج لا تقولين كلمة طلاق ابدا لانج اليوم تقولينها باجر الله يعلم شو يستوي بسبة هالكلمة العووووده اللي تقولينها بكل بساطه في لحظة زعل

الريال طيب والكلمة الحلوه توصله لساابع سما فلا تحرمينه منها مدامج مخلوقه له وهو لج

الله يحفظج وزوجج امين وييسر امركم ويفرج همكم ويرزقكم كل خير امين

حبيبتي

انا اللي فكرت فيه بسرعة هو السحر والله اعلم

لانه سمعت قصص حصلت وكان شوي نفس التعامل

اقرئي قران

الجئي الى الله

ادعي الله

لا تفكر بهي السهولة في الطلاق لاسباب هي خارجة عن ارادتكم

خلوكم قربين من الله

مشتاقه لقطر ... اليوم سافر .. طول ما انا اجهز الشنطه شوي و بضاربه ... بس بعدين امسك نفسي و اقول بيسير لا تسوي جذي ...
و ان شاء الله اتغير و احاول اسيطر على نفسي


عسل النحل ... حتى ان دايما اقوله دمك ثقيل .. لو الدنيا كلها تمزح معاي عادي .. بس هو ما اقدر استحمل مزاحه .. الكل يضحك و انا شيطان فوق راسي ... و على فكرة نحن ما نسهر على التلفزيون ... بس ما ادري ليش احس قعدتنا مع بعض تكون ثقيله الا في حاله وحدة اذا طلعنا من البيت .. نكون شخصين مختلفين تماما

ظبيه دبي .. هذا اللي انا ناويه عليه .. اقرا البقرة في البيت .. بس الحينه انا يايتني ... و باجر بسير بيت اهلي ...


الصبورة فديتج والله على هالدعوة و الله يسعدج و يهنيج في حياتج ...

دلوعه ريلي .. ان شاء الله بس اذا على الشوق انا اشتاقله بس اشوفه ينقلب الشوق لشعور ثاني ...

أمل مفقود ... كلامج وايد حلو .. ولا تظنين اني ما احبه او ما اعرف قيمته عندي ...

بالعكس انا اعاهد نفسي اني اتغير و اني اطنش الاشياء اللي تستفزني

و اني اسوي و اسوي .. بس احس اني ما اقدر .. و اني ما استحمله .. و مجرد ما اشوفه اتنرفز من غير ما يتكلم
اي حركه يسويها تنرفزني .. احيانا اقوله انت حد مصلطتنك عليه ؟؟؟ تتعمد تقهرني و تضايقني ... يقولي انتي شو الكلام اللي تقولينه ؟؟؟

مع ان يوم سافر صدق حسيت اني احبه .. و ما ودي ينقصه شي او يحتاج شي ... بس لاخر لحظه و انا ومتنرفزه منه ...

الله يهديني بس .. مع اني مب عصبيه .. بس ما ادري ليش صار فيه جذي

فجر الليل .. انا ما ابا افكر انه سحر ..
عين يمكن سحر ما ابا ابد افكر في هالجانب ...

ان شاء الله الله يهدينا .. و ادعولي يا بنات احس الموضوع ما يحتاج كل هذا يعني ما في موضوع للمشاكل .. بس صرنا عايشين في مشاكل من غير مشكله اصلن ... و انا تعبت من هالحاله

الغالية .. مثل ماقالوا البنات العين حق .. و غالبا عين.. مريت بهالحالة و كنت مثل ماتقولين.. من يدخل البيت اتنكد و اتنرفز و ما اطيق اسمع صوته..
بس يوم انه متحمل الحمدلله.. في رياييل يبون سبب عشان يخلون حريمهم.. الله رحمنيوتحملني لين عدت الفترة على خير..
والحمدلله ريلج شارنج و يباج.. ان شاءالله خلال هالفترة ينعدل حالكم و تزول الغيمة..

عليكي بالدعاء والقرآن ومو لازم يحس لأنه الرجال يتضايقون إذا قلتي يمكن فينا عين اقرأي آية الكرسي والمعوذات وانفخي عليه بعد ما ينام أو بالماء اللي يشرب منه في الثلاجة مثلا والله يهدي عليكم يارب

حبيبتي

انا أعتقد هذه الحاله ما تيي الا للزوجين المتفاهمين

و حتي لو ما قلتي لأي شخص عن حياتج . فالراحه و الوناسه اتبين علي الوجه ما يحتاج انك اتقولين لحد

و صدقيني ان العين ممكن تجي من اقرب الناس لكي

وسوي اللي قالوا لكي الخوات

اما عن نفسي و اجدها فعلا افادتني

شغلي المسجل علي سورة البقره علي الاقل مره في الاسبوع حتي ليس من الضروري الاستماع له ممكن اتخلينه شغال و تطلعين او اتخلصين شغلك


و هذا الويب فيه رقيا تقدرين اتحطينها كل يوم وقت صلاة المغرب

http://go.3roos.com/Lma6mKFnJ77

و ان شاء الله تستفيدين يا عمري


راح اخليكي في بالي بدعواتي ان شاء الله

عليك بسورة البقره ويارب نسمع عنك اخبار حلوه

اعوذ بالله يمكن يكون سحر.. شغلي القرآن في بيتك ورقي نفسك انت وزوجك والله يهديكم

][®][^][®][ بسم الله الرحمن الرحيم ][®][^][®][



«®°·.¸.•°°·.¸¸.•°°·.¸.•°®»السلام عليكم ورحمة الله وبركاته«®°·.¸.•°°·.¸¸.•°°·.¸.•°®»



الله يسر اموركم ويصلح بالكم ويرده من سفره سالم غانم ويجمعكم الحب والود والتفاهم

ويهديكم لبعض يارب

ولاتنسين الدعاء الدعاء الدعاء في الثلث الآخير من الليل وانتِ ساجده يكون احسن واحسن

الله يهدي سركم

جامي احسج عصبية وايد

ليكون حامل وانتي ما تدرين بعمرج ترا في حريم يوم يتوحمون يكرهون ريايلهم لووووول

بس انتي هدي عمرج وحاولي تتحملينه ريلج هذا حتى لو كان دمه ثجيل

اول شي ابا اشكر كل البنات و كل اللي ردوا عليه

ما اعرف شو اقول لكم ... مرات اشك اني انا الغلطانه .. و مرات اقول انا حساسه زياده عن اللزوم ...

بقولكم هذا الموقف ... امس كنت ارتب شنطته و اطلع الملابس اللي يبالها غسيل و الهدايا ...

و كنت انا حاطه ظرف فيه بطاقتين و الكلمات من تأليفي ... المهم عطيته عسب يشوفها بغيت اشوف رده فعله
مسكها و قعد يقرا القصيده كانه يغني بس انا حسيتها طنازة .. قلت له عطني الورقه يوم عطاني شققتها و فريتها عصب .. و قال ليش يعني قلت له لانه مصخرة و مكانها الزباله ... و خذت الثانيه و شققتها و هو عصب بزياده ... و انا متأكده انه اصلن ما قرا البطايق لان ما عرف يقراهم مع اني طابعتنه بالكمبيوتر ...

و زعلنا ....

و احس دوم بالضيق ... و حتى و انا اشوف الرقيه الشرعيه ما ااحب اقراها ..
و انا مب حامل ... مع اني مب عصبيه بس ما اعرف ليش ما اقدر استحمله

حبيبتي مبين انه سحر
ازيد من اللي يصير لج شبتنطرين لين ينهدم بيتج؟؟؟
روحي لشيخ يقرى عليكم وتلاحقي بيتج قبل لاتهدمينه بيدج

أحس حد ساحرنكــم والله أعلم ...

أكثري من الدعـــاء والله يفرج همج

مجنونة زماني شلونج انشالله بخير اسمحي لي ارد عليج اولا قولي الحمدللة ان اللة اعطاج زوج ثانيا انا مرت علي مثلج تدرين ان الريايل موب مثلنا يهتمون في الشعر او ردة الفعل لانهم مايبينون لنا وبعدين الظاهر انتي زعلتي من الاول لانة ماقراها من الاول ثانيا وخري عن الكتابة وحاولي تقولين لة اللي تبينة وانتي تطالعين عيونة تكون احلى اخر شي لاتعصبين توكم وحاولي تستانسين معاة اكثر وعلى فكرة خلي الخميس حقج بروحج يعني باتي عند هلج علشان يشتاق لج

(f) مجنونة زماني شلونج انشالله بخير اسمحي لي ارد عليج اولا قولي الحمدللة ان اللة اعطاج زوج ثانيا انا مرت علي مثلج تدرين ان الريايل موب مثلنا يهتمون في الشعر او ردة الفعل لانهم مايبينون لنا وبعدين الظاهر انتي زعلتي من الاول لانة ماقراها من الاول ثانيا وخري عن الكتابة وحاولي تقولين لة اللي تبينة وانتي تطالعين عيونة تكون احلى اخر شي لاتعصبين توكم وحاولي تستانسين معاة اكثر وعلى فكرة خلي الخميس حقج بروحج يعني باتي عند(f) هلج علشان يشتاق لج

أختي مجنونة زماني نصيحتي لك داومي على أذكار الصباح والمساء

وارقي نفسك وزوجك وداومي على قراءة سورة البقرة بصوت مرتفع

والمعوذتين وربي انشاء الله يوفق بينكم وتعيشوا في ثبات ونبات

وتجيبوا صبيان وبنات .

اختي ظني بالله خيرا

تفائلوا بالخير تجدووووووووووووووووه(f)

تبارك الله

خبرات وتجارب ما في مثلها

بارك الله في البنات ما قصروا