شنو علاج الثعلبه الله يجزاها الخير اللي تساعدني

الله ايشافي اختج

اناعان عنده في العايله صايدق نفس الشي

وحط زيت جوز الهند مع صبار اي الي داخل الصبار

بس ماعرف الطريق بلضبط

انشاله اليساعدونج البنات اكثر

ولله ايشافي اختج مرثانيه

لميتا:shy:

هلا اختي



في موضوع فالمنتدى عن كثافه الشعر
انج تاخذين موس وتشخطين في المكان اللي الشعر خفيف فيه ( شتخطين بخفيف مب تجرحين الفروه) وبعدين تفركينها بثوم

انا جربته امس حسيت بحرقه شوي بس خفيفه والنتيجه يبيها وقت فماقدر اقولج اذا يفيد والا لا

ان شاء الله البنات اللي مجربين طرق مفيده بيقولونلج

بس نصيحه
احسن لج انج تودين اختج لدكتور جلد احسن لها عشان يعطيها دوا او ابره تنشط الفروه

لميتا صح كلامج انشالله بقولهااا عن الصبار

والحبوبه
تسلموووون يالغاليات ما قصرتواا
بس انشالله نروح طبيب جلديه


الله يجزاكم كل خير

سلامتها أختك والله يشفيها
بالنسبة للثعلبة ياكثر ماتطلع في عايلتنا وعشان كذا صار عندنا خبرة
المهم حبيبتي أكثر ناس تطلع لهم أختي وأخت زوجي الكبيرة وصدقيني راحو لطبيب جلدية وكتب لهم شامبو خاص والله ماأتذكر اسمه
مع كريمات موضعية بس صراحة طولو وهم يستخدمونة وماجاب ذيك الفايدة لحد ماوصفت لهم وحدة الثوم
يدقونه وبعدين يحطونة على المنطقة المصابة وتدلكه على فروة الرأس باستخدام فرشة أسنان خشنة وبس تستمر علية
وبعد فترة قصيرة بتلاحظ انة بدا يطلع الشعر وتختفي الفراغات اللي في الشعر
انشا الله تستفيد أختك من الوصفة :up::up:
تذكرت أنهم أستمرو على الشامبو الخاص وأعذريني ماأعرف اسمه بس اسألى عنه الصيدلي
وسلامتك:smile:

الله يسلمج يا توت

ما قصرتي يا عمري تسلمين كثير قالولنا الثوووم بس انتو مجربين اكيد بسوي لاختي انشالله

وبسال عن الشامبووو

الله يجزيك الخير انشالله ويعطيج العافيه انشالله

مرحبا أختي .. شلونج !
اذا عن اختج لا سلامات بسيطة ان شالله ، لا تحاتي الثعلبه علاجها بسيط وسهل ان شالله <<<< عندها خبره :smile:
مع ان عمري ما طلعتلي الثعلبة الحمدلله، بس اختج لازم اتعالجها بسرعه لأنه ياكل الشعر :pain:
بالنسبة للثوم الي قالوا عنه الخوات ما أنصحج فيه أبد مع احترامي لهم بس سمعت اكثر من مرة انه الثوم اذا انحط على فروة الراس مباشرة يحرقها ويضرها ! :no:
المهم انتي جيكي ع الخاص وان شالله أقدر أساعدج
تحياتي :up:

انا قريت موضوع لوحدة استخدمت خل التفاح المركز يوضع على مكان الثعلبة مرة وحدة بتحسين بالم في مكان الثعلبة وبعد كم يوم تشفين

السلام عليكم ورحمة الله
سلامات على أختك وماتشوف شر إنشاءالله
والعلاج بسيط جيبي فص الثوم وغزي (أثقبي)بالسكين وأفريكي المكان في اليوم مره قبل ماتنام وبأذن الله تشوفي النتيجه
والله هذه الطريقه مجربه

مافي احسن ولا اسرع في النتايج من الثوم بأذن الله
نظفي المكان باي مطهر وبعدين خذي فص ثوم واهرسيه لحد ما يصير مثل الماء وبشاشه اعصري الماء علي المكان وافركي زين زين
وبتشوفين بأذن الله من اول يوم النتيجه لاااا والشعر بسرعه يطلع
الله يعافي الجميع يارب

اختي الغاليه

لو كنتي شفتي هالموضوع ..لما طرحتي موضوعج من الأصل

تفضلي هالرابط....و انتي والخير رباعه

والله يشفي اختج بأقرب فرصه يا رب

http://www.3roos.com/forums/showthread.php?t=157160

هلا اختي

انا بعد اعاني من هالشي و ماتم مستشفى و دكتور فالخليج و مارحت له و مافي فايده كله ادوريه و شامبوهات عالفاضي و اقول باجرب الثوم بس اخاف و الحين تشجعت من البنات و ان شاء الله اجرب هالطريقه و عندي طريقه الدكتور مبارك الاشقر بس للأمانه ماجربتها و بعد تحتوي على ثوم تاخذين 5 اسنان ثوم و 1 فلفل اخضر حار و تهرسين المكونات و بعدين تفركين مكان الثعلبه فيه و تخلينه نص ساعه مره وحده فاليوم و لمده اسبوع ....و بعدين تكررين نفس الطريقه

تسلموووون والله ما قصرتوووو

ان شالله بسوي الاختي كل شي بجرب فيها


والله يجزاكم خير ويعطيكم العافيه

شوفي حبيبتي
خذي ثوم واقطعيها نصفين وافركي فيها مكان الثعلبه استمري عليها كم يوم وبتشوفين النتيجه باذن الله
انا قد صارت لي وسويت كذا

يا عمري يا نوراه ما قصرتي

صحيح كثير قالولي عن الثوم

انشالله بجرب كل شي
الله يعطيك العافيه
ويجزيك الخير انشالله

سلامتها اختج ماتشوف شر..
الثعلبة مشكلتها اذا تركتيها تكبر و تنتشرفي كل الراس.. انتبهوا لهالشي ..
و كلام الاخوات صح 100% بالنسبة للثوم..
انا طلعتلي و نصحوني بهالطريقة بس ما اطيق ريحة الثوم..
رحت لدكتورة جلدية و استخدمت محلول مادري شو هو بالضبط وتمت تنغز بالابرة في كل مكان فيه ثعلبه.. و طلع الشعرالحمدلله..
بس نصيحة.. الثوم احسن.. لانه الشعر يطلع اسرع و أقوى..

السلام عليكم ورحمة الله وبركاته
الى أختي العزيزة وردة العشاق

عندي علاج نافع جربته شخصيا لأبنتي

والحمدلله نفع معها خلال ثلاث اسابيع بأذن الله

هاتي ملعقتين حبة البركة واطحينيها حتى تصبح مثل البودرة

فص ثوم وهرسية جيدا

وزيت حبة البركة

اعمليها مكس ثم ضعيه لها عند النوم يوميا

وشوفي النتيجة بنفسك وادعيلي

السلام عليكم ورحمة الله وبركاتة

وألف ألف سلامة على أختك
بالنسبه للثعلبه ان كانت جديده على الاخت فهى عادتا تكون عدوى واحيانا كثيره يكون سببها عدوى من الحلاقين والمناشف التى

تستعمل من شخص به المرض الجلدى وهى بقع بيضاء صغيره تظهر بالرقبه والذقن والاكتاف والجوانب

فعليها بفركها بالثوم والملح

وايضا

بصل مسحوق مقدار 50 جرما في لتر خل , يغلى مدة 15 دقيقة ثم يدهن بة .

والشافى هو الله

مع نصيحتى لها باستعمال منشفه خاصه وتهويه المكان المصاب بالهواء

علاج الثعلبة:

- الثوم: يعتبر الثوم من أنجع الأدوية لعلاج الثعلبة حيث تقشر أفصاص الثوم ثم يفرم وتفرك مكان الثعلبة بالمفروم مرتين يومياً مرة في الصباح وأخرى في المساء ولكن يجب الحذر من ترك مفروم الثوم على المكان بل يزال مباشرة بعد الدهن ويبقى على مكان الثعلبة ماء الثوم فقط نظراً لأن الثوم قوي جداً. وتعتبر هذه الطريقة من أنجح الطرق لعلاج الثعلبة.



- الفجل: يستعمل الفجل الأحمر والأبيض لعلاج الثعلبة وذلك بفرم الفجل جذوره وأوراقه ثم تدهن الثعلبة بماء مفروم الفجل وتستمر في الدهان مرتين في اليوم إلى أن تزول الثعلبة.



أعشاب تستعمل ضد أنواع الإصابات الفطرية:

- العرقسوس: لقد وجد أن العرقسوس يحتوي على 125مركباً مضاداً للفطريات ويعتبر أكثر النباتات المسجلة غنى بهذه المركبات. ويقول الدكتور أدولي أنه لم يجد أنجع علاجاً للفطريات منه والطريقة أن يعمل خلاصة مركزه من عرقسوس وذلك بأخذ حوالي ملء 5ملاعق شاي من المسحوق ووضعها على ملء كوب ماء ثم أدهن المناطق المصابة بالسائل بواسطة قطعة قطن وذلك مرتين إلى ثلاثة مرات في اليوم.

أمنياتي لها بالشفاء العاجل
ودمتم بخير

المزاجيه
غايه الدلوعه
ام سيف

الله يجزاكم الخير
الله يعطيكم العافيه الله يوفقكم جميعا
فعلا اختي كل يوم تحط ثوم والحمدالله احس ان الشعر يطلع بس غايه الدلوعه انشالله اجرب زيت حبه البركه

أنصحك إنو تستيري خبير الأعشاب اللبناني زين الأتات فيه ناس اكتييييييييييير اتعالجو من الثعلبة عندو ابعيد الشر عنك وعنا
أنا استخدمت لعلاجاتو كلا تقريباً ماعدا المرضية وكلا حلوة