إلي ماعندها خادمة ترد عليا .

السلام عليكم ورحمة الله وبركاته


ليش ما تتصورين ان الوحده بدون شغاله ماتقدر توفق بين البيت وبين كشختها وزياراتها

شوفي نسوان قبل وهم صغار يحملو مسؤليه كبيره ويحملوا ويولدا على طول ومع

ذلك موفقين حياتهم


عزيزتي اني ربه بيت وماعندي شغاله ومعتمده على نفسي في كل شي


والله كل يوم اقوم بترتيب البيت واحرص على نظافه وبالليل اطلع ازور الاهل


ويزوروني صديقاتي وعندي طفل اربيه ومع ذلك اكون نظيفه ومرتبه ومعتنيه بالبيت


بدون اي مشاكل لأن بنظري الخادمه هي المشكله الكبرى

ومن ناحيه مظهري ولله الحمد معتنيه فيه ودوم يشوفني زوجي مرتبه ونظيفه



وفوق كل هذا عندي وقت للنت والتلفزيون والمجلات ووقت كبير بعد

صح لسانج يا أحلى شهد صج انج شهد آنا للاسف عندي خدامة مو عشان آنا كسلانة أو ما أتحمل أعيش بدون خدامة لألألألألألألألألألألألألألألأ.......

آنا عندي خدامة عشان عيالي بالمدارس وآنا أرجع من دوامي الساعة 3.5 العصر وهم قبل الساعة 2 بالبيت منو راح يفتح لهم الباب منو يغير ملابسهم

مو معقولة أعطي واحد منهم مفتاح البيت لأن ولا واحد فيهم كبير كلم في الابتدائي وصعب اني أأمن المفتاح عند واحد منهم وبعدين ساعات يكون دوامي

صبح وعصر فصعب اني اخلي البيت بدون خدامة وللعلم أساعدها بكل شي سواء تنظيف أو طبخ وفوق هذا كله التدرييييييييييييييس ماكل كل وقتي والله العالم

اشلون نتعب عشان خاطر التدريس ....:cry::cry::cry::cry::cry::cry:اما بالنسبة لج انتي أعتقد ان الموضوع هين عليج شوي لأن انتي عندج طفل واحد

وشقة صغير ة وعسى يقدرج على تنظيفها وترتيبها وتوجيب أهلج وصدقيني بس يكثرون العيال راح أهو بنفسه يطلب لج خدامة بس لا تحاتين والله


يعطيج الصحة والعافية ياااااااااااااااااااااااااارب.....:clap::clap::clap::clap::clap:

بصراحة عن نفسي مثلج ربة بيت ( بس أنتظر وظيفة ) بس الحمدلله قايمة في البيت قبل حملي وعندي طفلين أكبرهم عمرها سنتين والثاني 5 شهور بس الحمدلله أنظف البيت لما آخذ فترة راحة مب أيلس بس لا أعقد أسوي ميكب سيشوار يعني وألعب مع العيال بس إسمعي نظامي أنظف الله يعزج ويعز القارئين الحمامات مثلاً يوم السبت وخليهم يومين ثلاثة لين ما أشوف بدا الوسخ يظهر أغسلهم مرثانية نفس شيء المطبخ قبل ما أحمل كنت كل بعد يومين أغسله بس بعد ما حملت إتوحمت عليه وها خلاني ما أطبخ (( دلع حريم )) المهم أول ما يقومون اليهال أسبحهم وأعدلهم وأكنس البيت عقب أدخنه وها البيت نظيف

تعالي لكوي الثياب أجمع وأيلس عليهم يوم يومين أخصصه حقهم وأعقد أكويهم لين ما يخلصون

بصراحة ما أيد الخدامة لغير الموظفة يعني للي يالسة في البيت لأنه صحيح إنها تريحش بس ما بتاخذين راحتج في اللبس ولا مع زوجج يعني دوم بتلاقين أحد مراقب
بالنسبة لوقت الفراغ لما يي زوجي أفك يدي من كل شيء وأيلس مقابلتنه وعاد في الليل أقرأ أدش النت يعني حلوة الحياة

أخواتي جزاكم الله كل خير ومشكورين لأني حبيت أستفيد من خبراتكم خاصة لأن شغالتي قرب وقت سفرها وأنا حاسة نفسي ملخبطة وشايله هم البيت ومني عارفة كيف راح أنظم وقتي
بس كذا خفت عليا المسؤلية وألف ألف شكر .

وش رايك احنا عايشين بدون خدامه امي وابوي واخوي واختين وانا عايشين بدون خدامه واصلا انا واخواني اخيب ماخلق الله 24 ساعه قاعدين وامي تسوي كل شى لحالها وتهتم في نفسها بس هذا اللي اقدر اقوله

ودمتي بود

حمراء الشمس:
أخواتي جزاكم الله كل خير ومشكورين لأني حبيت أستفيد من خبراتكم خاصة لأن شغالتي قرب وقت سفرها وأنا حاسة نفسي ملخبطة وشايله هم البيت ومني عارفة كيف راح أنظم وقتي
بس كذا خفت عليا المسؤلية وألف ألف شكر .

اتصدقين نفس معاناتي !!! :qaq:

انا بعد خدامتي باقيلها كم شهر وتسااافر وانا عندي طفلين واحد بالمدرسه والثاني بالبيت ,,,,
بس ناويه ما اييب شغاااله مره ثانيه خلااااص ابا اخذ راااااحتي في مملكتي :yes:

حبيبتي اخذي الامووور ببساطه وجربي نفسج شهر بدووون شغاااله وشوفي اذا قدرتي كملي المسيره بدووون شغاااله واذا تعبتي و الشغل وااااايد عليج هاتي شغاااله ,,

واخييراً اتمنالج الحياة السعيييييييده بدوووووووون شغااااااااله ,,, :bigsmile:

أنا عندي طفلتين الكبيرة 3 سنين والصغيرة 10 شهور وعندي دوامين صباحا أدرس بمدرسة ومساء أدرس بمعهد خاص وما كانت عندي شغالة أبدا من أول ما تزوجت رغم إني كنت حامل وأنا لسه بأدرس وبعدين ولدت والبنت صغيرة وبعدين اتوظفت وقايمة بشغل البيت كله لوحدي وما قصرت أبدا في شكلي ومظهري وأستقبل ضيوف بالبيت صح مو دايما بس ما أرد ضيف بيجيني رغم العمل والصغيرة وبعدها جاتني البنت الثانية وبنفس الشكل وبدأت الدوام الثاني صحيح إني تعبت بعد الثانية وطلبت منه يجيب لي شغالة بس كان يصبرني وجبت شغالة جلست شهر واحد ومشيتها ما ارتحت في البيت وبعد عيد الفطر هو حزن علي لأني تعبت برمضان مع الصغار بدون شغالة رغم ان ما كان عندي عمل وجاب لي شغالة بالعيد وبنفس الطريقة ما انتهى الشهر إلا ومشيتها وصرت أترك البنات عند أمي الصبح وآخذهم معي الحضانة بالعصر بس بصراحة أحس إني مرهقة للآخر ومستنزفة وصرت عصبية بشكل فظيع وللأمانة ما ألحق على كل شغل البيت إلا في آخر الاسبوع مو زي أول عشان كذا قررت إني أجيب شغالة بعد الحج بس لو لقيت وحدة تجلس نص نهار أفضل من اللي تنام بالبيت والله يسهل الأمور واعذروني على الاطالة

مساء الخير

اخيتي

دائما اقول في نفسي

لا تفكر فلها مدبر

وانا لقولج هالكلام.... والله يساعد الجميع

القطه
عجبتني عبارة(اخيب ماخلق الله)
ههههههههههههههه
والله انك رايحه فيها

أنا ربة بيت وما عندي خدامة والحمد لله لأني بخاف منهن كثير خاصة بع ما سمعت عنهن بلاوي خاصة اللي بدول الخليج


أما بالنسبة لشغل البيت أنا بيتي مكون من ثلاث طوابق بس مش كبير كثير وبقسم الشغل على مراحل يعني يوم كوي ويوم تكنيس وهكذا


ومرات بعمل أكثر من شغلة باليوم

أما اهتمامي بنفسي فهو قل بس مشكثير لأنو ابني ثلاث سنين الله يحفظه ما بيتركني أهتم بحالي بشكل كبير مثل اني أعمل bath مثلا


واذا احتجت في المستقبل لحد يساعدني في عمل البيت لأننا ان شاء الله رح نستقر ونعمر بيت كبير


رح أجيب شغالة ليوم واحد تعمل الأشياء الثقيلة مثل تنظيف الحيطان و الشبابيك وبس.

انا بصراحه ماعندي خادمه وادرس وكل شغل البيت على راسي
وعندي طفل وعايشه عند اهل زوجي بعد...

انا بعد ما عندي شغالة وبعدي طالبة " بس الحين قاعدة في الاجازة " وعندي طفلين صغار وساكنة في شقة صغيرونة على قدنا من غرفتين وصالة ومطبخ وحمام عزج الله مع زايوة صغيرة مخصصتنها للغسيل ..
بعد ما ولدت بولدي الثاني حسيت المسؤولية زادت علي وااااااااايدوقمت اتعب من شغل البيت ومن مسؤولية اليهال وحسيت نفسي اندفنت ولا عندي مجال اهتم بنفسي مثل قبل ،، فطلبت من زوجي يوفر لي خدامة لكنه ما كان موافق ويقول ان الشقة صغيرة وما تحتاج خدامة ولا راح نعرف ناخذ راحتنا في شقتنا اضافة الا انه مستحيل يسمحلي اسلم الخدامة مسؤولية لو واحد من اليهال ..

المهم قبل فترة قرروا اهلي يسافرون كلهم بس محتارين في خدامتهم وين يحطونها في فترة سفرهم وكانوا دايما يسمعون اشكي هم البيت واليهال فقالوا لي اخذي عندج الخدامه تساعدج لكن يوم خبرت زوجي رفض بعد ..
لكن بعدها الصراحة يوم فكرت في موضوع خدامة بيت ابوي لقيت انها فعلا بتضيق علينا وااايد مع انها وايد زينة وتحبني وتحب عيالي لكن حسيت اني ما راح اقدر اخذ راحتي في شقتي خصوصا من ناحية اللبس ولا زوجي راح ياخذ راحته بعد ف اللبس لان متعود الحين في الحر يقعد بشي خفيف ف البيت ولا راح اخذ راحتي في تصرفاتي يعني لو عصبت مثلا ما راح اقدر اصارخ قدامها ههههههههههه :2_106: واذا بنطلع ما احب اطلعها معانا يعني ما راح اخذ راحتي وهي معاي ولا عدله اخليها في الشقة بروحها ونطلع .. قمت اتخيل الوضع ولقيتها فعلا صعبه " قعدت اتخيل شلون رايحين مطعم مثلا وهي قاعده معانا " ههههههههههههههههههههههه

ومن يومها مهما تعبت في شغل البيت واليهال ما اقول ابغي خدامه لان الحين اريح لي وماخذه راحتي في شقتي مع زوجي وعيالي والله يعطيني الصحة والعافية واسوي كل شغلي بروحي .. لكن اذا الله رزقنا ببيت ان شاء الله مادري بقدر على مسؤوليته ولا ؟؟ الله يكتب اللي فيه الخير

نسيت اقول بعد اني من النوع اللي يحب لما يسوي عزومة في البيت اسويها جماعية .. يعني لما تكون العزومة تخص الاهل اعزم اهلي كللللهم يعني فوق ال20 وحده مع عيالهم ولما العزومة خاصة لصديقاتي اعزهم كلهم ما اعزم بالوحده والثنتين ..ويكون الشغل وااايد متعب لكن الحمد لله الله دايما يقدرني عليه وابيض وجهيي ووجه زوجي واطلع قدها وقدوود وياما يقولولي ما شا الله عليج ست بيت شاطرة :poster_dev:

والله ماعندي خادمه ومن كثر الشغل انسى احط ميك اب ولا البس لبس لعيون زوجي
لكن احيانا ازبط حالي البس وانمكيج واشتغل ادا كان موجود

والله حبيبتي انا كنت قبل موظفة بس لما ولدت تركت
والحمدلله انا موفقه بين زوجي وبيتي وابنتي
يعني الصبح اول ما اقعد ...اقول اذكار الاستيقاظ واذكارالصباح
بعدين صلاةالضحى والقرأن وبعدين اطعم بنتي واغيرلها
بعدين ابدا بشغل البيت
تنظيف وحمامات واكراج وطبخ وترتيب وانتظر زوجي وانا متجمله له
بعدين يرجع هو للشغل
الرتاح شويوالعب مع بنتي واطعمها واسبحها
واتابع التي في شويه او الانترنيت
بعديناحضر العشاء واتجمل له
وبالليل ياما نطلع برة للاقارب او التسوق
او نبقى في البيت
وبالسبوع مرة
اعتني بشعري ( ماسكات وحمام زيت ) واعتني ببشرتي ( اقنعة ) وكعب القدم وازالة الشعر
وكل ليلة خميس اعمل تغيير لزوجيسواء بالاكل او اللبس او السهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبس

عشانها بتروح بتحسين انك ماراح تقدرين تسوين كل شي .. بس اول يوم بيكون صعب

وبعدها بتتسير.. اختي موظفه وعندها 4 حالتها النفسيه تتعب لما بتروح خدامتها لكن ربي ييسرها عليه

وتلقى لها وقت فراغ... انا توني متزوجه من 3 شهور بس ابي من بعد الطفل الثاني خدامه مدري احس مالي وقت

ارتب وانظف واهتم بنفسي انا يالله الحين تاخذ مني ساعات الترتيب شلون بعدين

<< عجازه هههههه