بنتي و البيض

البيض ثقيل ماعتقد انهاا بتتقبله .... اذا احنا كبار ما نتقبله بسرعه ..... شوفي ممكن تعطينا صفار البيض وتحطين عليه شويه ملح ...

ما قلتي جم عمر بنتج؟

السلام عليكم و رحمة الله و بركاته

هلا بيكي أختي...

أول شيء كام عمر بنتك ؟ ( دوّرت في توقيعك ما لقيته.)

البيض ممكن تعمليه أومليت...و عليه شوية ملح تغير طعمه...

و ما تتوقعي منها تاكل بيضة كاملة مثلا...شوية شوية...

ممكن تسلقيه و تقطعيه شرايح...و خليها تمسكه بإيديها و تاكله هي...

مرحبا ، أختي ممكن تخلطين البيض مع الجبن ، جربي أنا عيالي يعجبهم

شكرا خواتي على الاهتمام

نسيت اقول عمرها اسفه

عمرها 9 شهور ....و اعطيها صفار ...و بعدني ما صفت لها اي نوع من البهارات ...يعني لا ملح و لا سكر

احساس ...ان شاء الله بجرب اخلط الصفار بالجبن يمكن تاكله ...شكرا على الفكره

شكرا خواتي

شوفي حبيتي جربي اعطيها الصفار مخلوط مع الروب (الزبادي)
اطفال واجد يرغبون له
وخبرينا وش صار معك

إي أختي صادقة أختنا غرام عزيز جربي الصفار مع الزبادي مرة يحبوه الصغار

أنا مع عيالي كذا .... وبيعجبهم ...

الله يخلي لك بنتك

والله فكره جيده انا بنتى مثل عمر بنتك وما تحب البيض مره وهجرب وصفة الاخوات وان شاء الله تنفع معها

شكرا خواتي ما قصرتوا

امس جربت اعطيها بالجبن مثل ما قالت الاخت احساس ... و فعلا كلته كللللللللللللللله ... و حتى صار اسهل لان البيض يتفتت و صعب اعطيها لكن بالجبن صار اسهل ... و اهم شي انها كلته ....شكرا احساس على الطريقه

و ان شاء الله باجر بجرب اعطيها بالروب مثل ما قال غرام .....صدقتوا ان الصغار يتخبلون عليه ....لان بنتي بتتخبل عليه ...يوم اعطيها روب بالفواكه تتخبل ... و تتلثث فيه يوم تاكله..و يوم يخلص تصيح لين ايب لها زياده ...عمري ما شفتها متخيله على شي كثر الروب

شكرا خواتي ما قصرتوا

شكرا